Қаржы бақылауы

1. Қаржы бақылауының мәні және маңызы.
2. Қаржы бақлауының түрлері.
3. Аудиторлық бақылау.
4. Қаржы бақылауының тәсілдері.

Бақылау - қаржы жоспарының орындалуын, барлық шаруашылық деңгейде ақшалай қорларды қалыптастыру мен пайдалану процесстерін қадағалап отыру. Қаржы бақылауы жалпы қоғамдық өнімнің ақшалай қаражат қорлары мен олардың белгілі мақсаттарға жұмсалуына сәйкес құндық бөлінісінің негіздемесін тексеруге бағытталған ерекше қызмет болып табылады. Бақылау латын сөзінен аударғанда «Контро - рутлус» деген сөзден шыққан, қарама-қарсы қою деген мағынаны білдіреді.
Қаржы бақлауының ерекшелігі ол ақшалай формада жүзеге асырылады. Оның тікелей объектісі табыстар мен жинақтардың қалыптасу процесі, ақшалай қорлардың қалыптасуы мен қолданылуы жатады.
Бірақ қаржы бақылаудың қозғалысы - қаржы басқа да құндық категориялармен тығыз байланысты (табыс, өндірістік қорлар, күрделі салымдар, еңбек ақы, өнімнің өзіндік құны) болғандықтан, өте кең ақшалай қатынастарға таралады.
Қаржы бақылауы мекемелер мен ұйымдардың бюджеттік бөліністі дұрыс қолдануын, олардың қызметінің барлық жақтарынан бекітілген қаражаттарды жұмсау нормативтерінің сақталуын бақылайды.
Қаржы бақылауының қозғалыс саласы басқа бақылау түрлерімен де сәйкес келуі мүмкін: әкімшілік әлеуметтік, техникалық қаржы тәртібі мемлекеттің ақшалай қорлардың кәсіпорындар мен ұйымдардың, оның қалыптасуы, бөлінуі, қолдану тәртібімен белгіленген нормативтерді нақты сақтауы.
2.Қаржы бақылауын жіктеу - субъектілер бақылау қозғалысының өткізу уақыты, бақылаудың өткзілу тәртібі, тәсілі белгілеріне байланысты болады. Осы белгілеріне сәйкес қаржы бақылау 3 бағытқа бөлінеді: түрлері, формалары, жүзеге асыру әдістері бойынша.