Шығыс Қазақстанның табиғи – рекреациялық ресурстары және оларды пайдалану

Қазақстан орманының жартысы дерлік осы Шығыс Казақстан облысында
Бұл өңір тамаша демалыс орны ретінде әйгілі. Мұнда: "Айна", "Садко", "Шуақты", "Көгілдір шығанақ", "Мөлдір бұлақ", "Алтай шығанағы"
Шыңғыстаудың батысындағы Қоңыр Әулие үңгірі
Шығыс Қазақстан облысындағы бірнеше туристік нысандардың
Гидрологиялық және гидрогеологиялық ерекшеліктер туралы

Шығыс Қазақстан облысы - табиғи-рекреациялық ресурстар жағынан бай, туризмнің әр түрлерін дамытуға ыңғайлы аймақ. Мұнда туристер назарын аударатын негізгі бірнеше табиғи – рекреациялық нысандар бар. Олардың қатарына: Алтай тауы және тауалды орманы, табиғаты ерекше Марқакөл көлі, Сауыр мен Тарбағатай таулары, еліміздегі көлемі жөнінен бесінші орын алатын Зайсан көлі, Қазақстандағы ең ірі өзен - Ертіс, сонымен қатар табиғаты ерекше Рахман, Язь, Себі көлдері, т.б. жатады. Ал Қатон-Қарағай ауданындағы Рахман бұлағы және Мақаншы ауданындағы Барлық арасан минералды су бұлағы республика бойынша ерекше орын алады.
Шығыс Қазақстан облысы табиғат жағдайлары бойынша алуан түрлі, өйткені оның аумағы ұсақ төбелі жазықтар мен биіктігі орташа тауларды ғана емес, сондай-ақ, тау арасындағы көлемді қазаншұңқырларды, айтарлықтай кең өзен аңғарларын және мәңгі қар мен мұздықтар басқан биік тауларды қамтиды. Сондықтан, жер бедері мен климатының, топырақ, өсімдік зоналарының барынша алуан түрлілігі бұл облыстың табиғатына ерекше қайталанбас өсімдік береді.
Қазақстан орманының жартысы дерлік осы Шығыс Казақстан облысында. Мұнда, көбінесе, қылқан жапырақты орман кездеседі. Шырша аралас май қарағайлы орман таудың бөліктерін өрмелеп өседі. Қайыңды тоғайы санаторийлер мен демалыс үйлері үшін таптырмайтын орын. Теңіз деңгейінен 1760м. биіктікте Алтай тауларының ішінде табиғаты әсем екі көлдің аралығында "Рахман бұлағы" курорты орналасқан. Ал "Лениногор" санаториі қолайлы климаттық жағдайымен, қызмет көрсету сапасының жоғарылығымен демалушылар арасында белгілі дәрежеге ие болып отыр.
Аймақ флора мен фаунаға өте бай. Жануарлар дүниесінен, әсіресе, терісі бағалы аңдар көп. Ақтиін, ақшыл күзен, сарышұнақ, суыр, борсық, түлкі, қасқыр, аю, марал мекендейді .
Шығыс Қазақстан облысында темір жол, авто, су жөне әуе, яғни транспорттың барлық түрлері жақсы дамыған. Облыста туризмнің мейлінше қарқынды дамуынан транспорт жағдайлары біршама қолайлы. Аумақтағы темір жолдың ұзындығы 1200 шқ., тас жол ұзындығы 16,3 мың шқ. авто туризмді дамытудағы ыңғайлы тас жол облыстың Өскемен сияқты ірі туристік орталықтарын Қарағанды, Алматы, республикамыздың бас қаласы Астанамен байланыстырады. Маңызды автомобиль жолдары: Семей –Қарқаралы – Қарағанды, Павлодар – Семей – Алматы, Аягөз – Бақты - Жаңғызтөбе - Өскемен. Алматы, Москва, Ташкент, Новосибирск, Свердловск, Омбы, Қарағанды, Павлодар, Астана арасында тұрақты әуе қатынасы бар.

1. Природа и хозяйства Восточного Казахстана // Алматы. Наука, 1979, 250-6.
2. Б.Кузьменко. // Ертіс өңірі. Алматы. Қайнар, 1984, 37-135-6.
3. Туристский справочник - К2, 2007, 210-214-6.
4. Ж. Достай. Научные основы управления гидроэкологическим состоянием бессточных бассейнов Центральной Азии на примере бассейна оз.Балкаш). Автореферат дисс. ... д.г.н. Алматы. 1999. с. 48.
5. С. К. Давлетгалиев. Анализ однородности гидрологических данных, Алматы. Қазақ университеті, 2000. с.103.
6. У. М. Ахмедсафин, В. Ф. Шлыгина. Формирование подземных вод. Алматы. Наука КазССР, 185. с.160.
7. Ж. Достаев. Трансформация стока рек северного склона Заилийского Алатау,/ Автореферат дис. ... к.г.н. Л., 1990. с. 20.