Зерттеу үдерісін мониторингтеу

1. Білім беру мониторингісі

2. Мектепке дейінгі білім беру ұйымдарында білім беру мониторингісінің қамтамасыз етілуі.

Педагогикалық мониторингтiң негiзгi қасиеттерiнiң бiрi оқу-тәрбие үрдiсiнде үздiксiз бақылау жүргiзу. Сондықтан да педагогикалық диагностика педагогикалық мониторингтiң негiзгi компонентi болып табылады.
Педагогикалық мониторинг – педагогикалық жүйе қызметiнiң нақты нәтижесi мен мақсат арасындағы нормадан ауытқуды ғана бақылаушы емес, мақсатта, нормада, стандартта кеткен кемшiлiктердi анықтаушы, жетiстiктерге жету жолдарын түзетушi мәлiметтермен қамтамасыз ететiн керi байланыс.
Мониторинг – үздiксiз процесс. Мониторинг жүйесi оқу жылы басталмай тұрып жасалып қоюға тиiстi. Мониторинг пен бағалау ұқсастығы мақсатында, жұмыс жоспарына, штат кестесiне қатысты. Мониторингтiң көп аспектiсi бағалауға ұқсайды. Айырмашылығы орындау уақытында, кiм орындайтындығында, сонымен бiрге жиналған ақпараттың алуан түрлiлiгi мен нақтылығында.
Педагогикалық мониторингтің анықтамасы ақпараттарды талдау және педагогикалық жүйенің сақталуы туралы мәліметтерді жинақтап, оның қазіргі жай күйіне үзіліссіз бақылау жасау, дер кезінде түзету жүргізіп, даму болашағына болжау жасау. Сондай-ақ, педагогикалық мониторинг арқылы әртүрлі дерек көздерінен түскен мектепке дейінгі ұйымдар қызметі туралы ақпараттарды жүйелеуге қол жеткізуге болады.
Педагогикалық мониторингтің міндеттерін төмендегідей анықтадық:
- мектепке дейінгі ұйымдарда білім беру мазмұнын жаңарту қызметіне сараптау жүргізу: ұйымды басқару, ұйымдастыру, тәрбиелеу мен білім беру, психологиялық әлеуметтік, тәжірибелік т.б
- балабақшадағы білім беру сапасын бағалау, оның мемлекеттік стандартқа сәйкестігін анықтау;
- тәрбиеші педагогтардың кәсіби шеберлігі мен педагогикалық деңгейіне бақылау жасау;
- балаларға дәрігерлік, психологиялық әлеуметтік диагностика жүргізу;
- балабақшаның инновациялық қызметі және оның тиімділігін бағалау;
Мектепке дейінгі ұйымдардағы мониторинг нәтижелерінің ақпараттар көзі педагогикалық ұжымның балалармен жүргізетін жұмыстарына, жеке тәрбиешілермен ата-аналардың қарым-қатынасына байланысты болады да, оны педагогикалық үдеріс барасында пайдаланады. Педагогикалық мониторинг балабақшаның тәрбиелеу мен білім беру мазмұнына диагностика жасау мен қалыптасуының бағыт-бағдарын айқындау ретінде жүргізілсе, ол біріншіден, зерттеу жүргізу апектісінің бағыттарын нақтылау және оны талдау; екіншіден, әрбір аспектінің бағалау өлшемдері мен оны тексерудің әдіс - тәсілдерін анықтау; үшіншіден, білім беру мазмұнын жаңарту сапасына бақылау мен басшылық жасау және алынған деректерді талдап, қорытынды шешім қабылдау болып табылады. Осы орайда, мониторингке берілген ғалымдардың анықтамалары мен оның мақсаты және педагогикалық мониторингтің айырмашылығын айқындап алдық. Мектепке дейінгі ұйымдардың тәжірибесінеде педагогикалық мониторинг жүйесін енгізу ол балабақшаның педагогикалық үдерісіне толық бақылау мен басшылық жасауға, талдау жүргізуге, алға қойған міндеттерді жүзеге асыруда нәтижелерді салыстыруға, басқару қызметіне түзетулер жасауға, ең бастысы тұтас педагогикалық үдерістің тиімділігі мен сапасына қол жеткізуге болады.

1. Муканова С.Д. Научно-методические основы совершенствания содержания общего образования в РК.
2. Бейсенбаева А.А. «Теория и практика гуманизации школьного образования».
Алматы. Ғылым. 1998 г. - с. 225.
3. Журавлев И.К. Общественное дошкольное воспитание на современном
этапе. М., Просвещение, 1981. - с. 143.
4. Загвязинский.В.И. Методология и методика дидактического исследования. Москва. Педагогика 1982. - с. 160.
5. Теоретические основы содержания общего среднего образования / Под ред. В.В. Краевского и Н.Я. Лернера. - М.: Педагогика, 1983. - с. 352. 45.Марев И.Методологические основы дидактики.-М.:Педагогика,1987- с.224. 46.Логвинов И.Н. Учебный план: традиции и проблемы, перспективы // Советская педагогика. - 1988, № 3. - с.105-110.