Түркі-мұсылман әлемінің реформаторлары

1 Түркі.мұсылман әлемінің реформаторлары
2 ХХ ғасырда өзіндік табысты реформаларымен әлемге танымал саясаткерлер

Түркі-мұсылман әлемінің тарихында көптеген ұлы мемлекет басшылары, реформаторлар болды. Олардың қатарында Сұлтан Байбарыс, Құдыретті Сүлеймен, Ұлықбек, Бабыр, Ұлы Ақбар, Тәуке хан және т.б. Жиырмасыншы ғасырда екі түркі-мұсылман мемлекетін жандандырып, даму жолына бағыттаған екі әйгілі тұлға, әлемге ұлы реформаторлар деп танылған Мұстафа Кемел Ататүрк және Елбасы Нұрсұлтан Әбішұлы Назарбаев болып табылады. Ел басқару – аса күрделі шаруа. Өзіне болашағын сеніп тапсырған халқын шашау шығармай, ынтымақпен басқаруды аса күрделі өнер деп қарастыратын болсақ, Мұстафа Кемел Ататүрк және Елбасы Нұрсұлтан Назарбаев – ел басқару өнерінің майталмандары болып табылады.
ХХ ғасырда өзіндік табысты реформаларымен әлемге танымал саясаткерлер түрлі елдерден көптеп туып шықты. Екінші дүниежүзілік соғыс кезеңінде өзінің ақыл-парасатымен танылған Ұлыбританияның Премьер-министрі Уинстон Черчилль, Үнді халқының көшбасшысы Махатма Ганди, Франциядағы бесінші республиканың Тұңғыш Президенті Шарль де Голль, АҚШ Президенті Франклин Делано Рузвельт және т.б. қайраткерлерді атауға болады.
Алты ғасыр бойы күллі Еуропа мен Батыс Азияға өз ықпалын жүргізген қаһарлы Осман империясы сырт жауларының әрекетінен құлап бөлшектеніп, анталаған қалың жаудың ортасында отаршылдық езгіге түсе бастаған түрік халқын тәуелсіздікке жеткізіп, қазіргі Түркия Республикасының негізін қалаған Мұстафа Кемал Ататүрік еді. ХХ ғасырдың соңында тарих тегершігі тағы да оңынан айналып,Қазақ мемлекеттілігін қалпына келтіру мүмкіндігі туды. Бұл жолы ұлыстың ұлы ісінің басында болу бақыты Елбасы Нұрсұлтан Назарбаевтың еншісіне тиді. Президент XXI ғасырға Қазақстан Республикасын әлем таныған тәуелсіз мемлекет тұғырына қондырған тарихи тұлға атанды.
Елбасы Нұрсұлтан Әбішұлы Назарбаев және Мұстафа Кемел Ататүрк Түркі-мұсылман әлемінің мақтаныштары. Менің ойымша түркі және мұсылман мемлекеттері осы екі Ұлы тұлғалардан үлгі алулары керек. Қазіргі таңда мұсылман мемлекеттерінің қандай нашар күйде өмір сүріп жатқанын білеміз. Ал кейбір мұсылман мемлекеттері мұнайдың ақшасына зәулім ғимараттар салып, альтернативті экономика жасамауда, білім, ғылымды дамытпауда. Ертен шикізат бітсе осы елдер не істер екен деген заңды сұрақ туындайды. Көптеген мұсылман мемлекеттері діни фанатизм, догматизм деген аурулармен ауыруда. Иррационалды басшылар елдің болашағын ойламайды.