Фирманы басқару жүйесіндегі маркетинг негіздері

Пән: Маркетинг
Жұмыс түрі: Курстық жұмыс
Тегін: Антиплагиат
Көлемі: 49 бет
Таңдаулыға:

ФИРМАНЫҢ БАСҚАРУ ЖҮЙЕСІНДЕГІ МАРКЕТИНГ

МАЗМҰНЫ

КІРІСПЕ . . . 3-4

1 басқару жүйесіндегі маркетинг негіздері

Маркетингтің мәні, мақсаты, мазмұны және

маркетингтік орта негіздері . . . 5-9

Фирманың маркетингтік саясаты . . . 10-22

1. 2 Фирманы басқарудың маркетингтік қағидалары . . . 23-30

2 Қазақстанда фирманы басқару жүйесіндегі маркетингтің қалыптасу ерекшеліктері

2. 1 Қазақстан кәсіпорындарындағы маркетингті ұйымдастыру . . . 31-33

2. 2 ҚР-ғы фирмалық маркетингтік қызмет көрсетуді дамыту . . . 33-35

3 ДАҒДАРЫС ЖАЙЫНДА ФИРМАНЫ БАСҚАРУ ЖҮЙЕСІНДЕГІ МАРКЕТИНГТІ ЖЕТІЛДІРУ ЖОЛДАРЫ . . . 36-47

Қорытынды . . . 48

Пайдаланылған әдебиеттер . . . 49

Кіріспе

Курстық жұмыстың тақырыбы: «Фирманы басқару жүйесіндегі маркетинг негіздері».

Курстық жұмыстың негізгі мақсаты : маркетингтің әлеуметтік-экономикалық мәні және мазмұны, Қазақстандағы маркетингтің қалыптасуы мен дамуының ерекшеліктері. Сонымен бірге, Қазақстан кәсіпорындарындағы маркетингті ұйымдастыру және Қазақстандағы маркетингтің дамуы.

Нарықтық экономикасы дамыған елдерде маркетинг фирманың рыноктық және өндірістік стратегиясын анықтайтын басқарудың басты пернесі ретінде қаралады. Осы жағдайда байланысты ол нақты тұтынушылардың, нақты зерттеумен болжау негізінде мол табыс табуға, сыртқы өнім шығарушы фирманың ішкі және сыртқы рыноктың қазіргі жағдайын және оның болашағын білуге бағытталады. Сонымен бірге, фирманың маркетинг қызметіне бәсекелесті зерттеу, баға саясатын қамтамасыз ету, өнімді өткізу мен жарнамалауды ынталандыру, ауарларды өткізу тиімді ұйымдастыруды жолға қою, тағы басқа да шаруалар жатады.

Маркетингтің негізі болып табылатыны - бұл бірін-бірі толықтыратын тәсілдеме. Бұл дегеніміз рынокты жан-жақты және нақтылы зерделеу, сол сияқты рынокқа белсенді ықпал ету, қажеттілікті және тұтынуының артықшылығын қалыптастыру. Дайындаушы мен тұтынушы байланыстыру және олардың бірін-бірі табуға жәрдем беру - кез-келген маркетинг қызметінің басты мақсатына жатады.

Елімізде болып жатқан нарықтық қатынастардың ықпалымен үнемі қозғалыста болатын маркетинг қызметі рыноктың шарттары мен қызметі рыноктың шарттары мен талаптарына толық бағынышты.

Маркетинг - бұл шын мәнінде, кәсіпорынның кез-келген шаруашылық қызметін басқару жүйесінің маңызды бөлігі болып табылады.

Маркетинг - бұл рынокты талдау, кәсіпорындар қызметінің әр қилы түрлерінің өзара іс - қимылдарын қамтитын өндірісті ұйымдастыру және өнімді өткізудегі кешенді жүйе: жоспарлау, баға құрылымы, сату, шикізаттарды жеткізу, өнім және қызмет көрсету.

Маркетингтің негізгі мақсатын алу, сату процесінде ең жоғары мөлшерде пайда табуды, сонымен бірге оның міндеті - кәсіпорын қызметінің тұрақтылығын барынша қалыптастыру және стратегиялық мақсаттарға жетуді қамтамасыз ету.

Маркетинг қызметі жүйесінде сол сияқты фирманың басқа да және міндеттері шешіледі:

рынок, тауарлар, тұтынушылар және бәсекелестер жөнінде сенімді, дер кезінде және шынайы жорамалдармен қамтамасыз ету;
фирманың тауар өндірудегі мүмкіншілігі;
тұтынушыларға ықпал ететін сұраныс, рынок, бәсекелестер;

Маркетингтің экономикалық мәні мына төмендегі нәтижелілікті тұжырымдайды:

тауардың бәсекеге жарамдылығын жасау;
сатып алушылардың қажеттілігін қанағаттандыру;
өндірістің тиімділігі және тауарлар сату.

Маркетинг қызметі жағдайында рынок екі түрге ажыратылады:

сатушы нарығы (рыногы) ;
сатып алушы нарығы (рыногы) .

Сатушы рыногы - бұл шын мәнінде, тапшылық рыногы, онда сатушылар үлкен билікке ие болады. Сатып алушы рыногы - бұл шын мәнінде толықтырылған рынок, мұнда сатып алушылар үлкен билікке ие.

Рынокты зерделеу екі жайғасымда жүзеге асырылады: оның ерекшелік сипаты, сиымдылыққа қажеттілігі және мүмкіншілігі, молықтыру деңгейі, бәсекелестің жағдайы, ұқсас тауарлар шығуының ықтималдылығы, т. б. (2)

Ондай және басқадай жайғасымның артықшылығы өнімге бағдарланған маркетинг немесе тұтынушыларға бағдарланған маркетингке алып келеді.

Өнімге бағдарланған маркетинг, мынадай жағдайда қолданылады, егер де кәсіпорынның қызметі жаңа тауарларды шығаруға немесе шығарылғанды жетілдіруге бағдарланса. Мұның негізгі мақсаты - тұтынушыларды жаңа немесе жетілдірілген тауарды алуға ынталандыру болып табылады.

Егер де кәсіпорынның қызметі тікелей рыноктық өзінен шығатын мұқтаждықты қанағаттандыруға бағытталса, тұтынушыға бағдарланған маркетинг пайдаланылады. Мұндағы маркетингтің басты мақсаты - әлуетті мұқтаждықты зерделеу, рынок тауаршасын іздестіру. Маркетингтің бұл үлгісі - жалпы коммерциялық қызметтің маңызды бөлігі, себебі тұтынушылардың сұрау салуды зерделеусіз кәсіпкер үшін мүмкін емес.

Фирманың шаруашылық қызметі үшін маркетингтің осы екі үлгісі де бір жолға болу керек. Тек фирманың өндіріс және рынок жағынан мүмкіншілікке жан-жақты талдау жасау нағыз коммерциялық табысқа жеткізеді.

1 басқару жүйесіндегі маркетинг негіздері

1. 1 Маркетингтің мәні, мақсаты мазмұны және маркетингтік орта негіздері

«Маркетинг» ұғымы ағылшынның «market» (нарық) сөзінен шыққан, ал «инг» жалғауы нарық жасаушы немесе нарық аумағындағы қызмет дегенді сипаттайды. Маркетинг ірі ауқымды өндірістің қалыптасуы және бәсекелестіктің күрт шиеленіскен жағдайында өнімді өндіру мен өткізуді басқарудың әдісі ретінде бөлініп шықты.

Маркетинг дамуының бірінші кезеңі ХХ ғасырдың басынан бастап 40-жылдардың соңына дейін созылды. Бұл кезеңдегі маркетингтің мақсаты - тауарларды ұтымды өткізу, тездетіп сату және коммерциялық іс-әрекеттің тиімділігін арттыру болды.

70-жылдардың екінші жартысында маркетинг эволюциялық дамуының үшінші кезеңіне аяқ басып, бизнестің философиясына айналады. Нарық құрылымындағы орасан зор өзгерістердің болуы, оның қызмет түрлері мен тауарларға толуы, бәсекелестіктің өршуі, ғылыми-техникалық прогрестің өсуі, маркетинг мәнінің түрленуіне әкелді - оны бәрінен бұрын сыртқы ортаны зерттеу мен оған бейімделудің жолын іздейтін және фирманың барлық қызметін біріктіретін корпоративтік стратегияның элементі ретінде қарастыра бастады.

Маркетинг теориясы экономикалық ғылым жүйесінің қалыптасуымен тығыз байланысты. Маркетингті тереңдетіп зерттеу тек нарық, айырбас, тауар, сұраныс, қажеттілік сияқты экономикалық категорияларының мәнін түсіну негізінде ғана болуы мүмкін. Бұл түсініктер маркетингтің прагматикалық теориясының даму негізі болып табылды.

«Нарық» түсінігі экономикалық катигориялардың кең тараған түрінің бірі екеніне қарамастан, оның біріңғай түсініктемесі жоқ. Алғашқы кездерде «нарық» базар, сату орны ретінде қарастырылды. Тауар маркетингтік бүкіл іс-әрекеттің қозғаушы күші, оның төңірегінде маркетингтің саясаты мен стратегиясы жасалады. Тауарға маркетингтік тұрғыдан келу үшін ең алдымен оны тұтыну ерекшелігінің маңызы мен нақты бір қажеттілікті қанағаттандыратын мүмкіндігін ескеру керек.

Тауар - бұл адамдардың нақты қажеттіліктерін қанағаттандыратын және айырбасқа түсетін өнім. Тауарлар материалды және материалды емес сипатта болады. Тауардың пайдалылығы және оны жасаушылардың барлық жұмсалған күш-жігері маркетинг теориясында маңызды орын алатын айырбас барысында айқындалады.

Айырбас - өндірушілер мен тұтынушылардың баламалы негізде жүзеге асырылатын қоғамдық байланыс түрі. Айырбас жүргізу үшін екі немесе одан да көп жақтардың қатысуы керек, олардың әрқайсысында құндылығы бар тауар және сонымен қатар айырбастауға деген ниет болуы тиіс. Екі немесе одан да көп жақтың құндылықты айырбасқа салуы трансакция немесе мәміле деп аталады.

Мәміле - белгіленген шартқа байланысты тауар мен қызметті іске асыру үшін екі немесе бірнеше жақтардың өзара келісімі.

Маркетинг жүйесінде сұранысты зерттеу - нарықты кешенді зерттеудің басты кезеңі, ол нарықтық жалпылама сипаттамаларын анықтауға мүмкіндік береді.

Сұраныс - сатып алу қабілеті бар қажеттілік. Сұраныс адамның қажеттілігін ғана емес, ең басты оның қажетті тауар сатып алуға қаржылық мүмкіндіктерін де білдіреді. Сұраныстың екі деңгейі бар: жалпы нарықтағы сұраныс және фирма өніміне сұраныс.

Нарықтағы сұраныс - бұл фирма және тауар маркаларының жиынтығына арналған нақты кезең мен нақты мекендегі тауар нарығында қолданылатын жалпы сату көлемі.

Өнімге сұраныс - фирманың нарықтағы үлесіне сәйкес келетін, тауар нарығындағы сұраныс бөлігі.

«Сұраныс» пен «қажеттілік» түсініктері арасында тығыз байланыс, айырмашылық және қарама - қайшылық бар екенін атап өтуіміз қажет.

Қажеттілік - мағынасы кең ұғым. Сұраныс қажеттіліктің бір бөлігі және ол тұтынушының сытып алу қабілетін сипаттап қоймайды, сонымен бірге олардың тауарға талғамы мен талабын да білдіре алады.

Өзінің эволюциясы кезінде маркетинг тұжырымдамасы көптеген өзгерістерге ұшырады, соған сәйкес маркетинг мәніне деген көзқарастар өзгерді, оның көптеген анықтамалары туындады. ФРГ-ның Маркетинг институтының мәліметтері бойынша, бүгінгі күні маркетингтің 2000-нан астам анықтамасы бар. Ресейлік ғалым М. Валоваяның пікірінше, маркетинг сөзі құбылмалы, не айтқысы келсе, соны білдіре алады, сондықтан бір ғасырдан астам уақытта ғалымдар оған әр түрлі сипаттағы анықтамалар беруде.

Маркетинг теориясында анықтамалардың екі тобын бөліп көрметеміз, ол: классикалық және осы заманғы. Классикалық түсініктемеде тауарлар мен қызметтерді жылжыту процесіне баса назар аударылады.

Маркетингтің дамуына қарай, ғалымдар мен мамандардың көзқарастары өзгеріп отырады. Маркетингтің шетелдік және отандық ғалымдар ұсынған неғұрлым жиі кездесетін анықтамаларын талдай келе, олардың мазмұнына қарай былай топтастыруға болады.

Маркетингті тауарлар мен қызметтерді өткізу және сату ретіндеқарастыратын анықтамалар.
Маркетинг - қазіргі бизнес философиясы, ойлау стилі және тұтынушылардың мұқтаждықтары мен тілектерін қанағаттандыруға бағытталған мақсат.
Маркетингті адамдардың мұқтаждықтары мен қажеттіліктерін зерттеуге және қанағаттандыруға бағытталған әлеуметтік үдеріс ретінде қарастырылатын анықтамалар.

Маркетингтің қағидалары мен әдістері тек өндіріс пен коммерциялық қызметте

ғана емес адамзаттық қызметтің барлық өрістерінде қолданылады. Сондықтан маркетингобъектілері тек қана тауарлар мен қызметтер ғана емес, коммерциялық емес ұйымда (Қызыл Ай және Қызыл Крест қоғамы ), жеке аймақтар ( Ыстық көл ), идеялар ( қоршаған ортаны қорғау ) және адамдар да ( әртістер, саяси лидерлер ) бола алады.

Маркетингтің қызметтік және тұжырымдамалық екі жағы бар:

Қызметтік тұрғыдағы маркетинг - ол бұл кәсіпорынның қазіргі нарық жағдайында фирманың маркетингтік қызметін ұйымдастыру және оның бәсекеге қабілеттілігін жоғарылату үшін жүзеге асырылатын қызметтер жүйесі.

Маркетингтің классикалық теориясының негізгі маркетинг - микс тұжырымдамасы болып табылыды, оны алғаш рет американ ғалымы Н. Борден ұсынған, кейіннен Дж. Ховард, Б. Фрей, Е. Маккарти, Ф. Котлер дамытқан. Оның негізінде қазіргі кездегі маркетинг тұжырымдамалары қалыптасқан, сондықтан ол классикалық деп аталады.

Мичеган университетінің профессоры Е. Маккарти « маркетинг - микс » тұжырымдамасын дамыта отырып, 1960 жылы төрт элементтен тұратын «4 Р» моделін ұсынды, ол ағылшынша «р» әрпінен басталатын өнім, баға, орын және жылжыту деген ұғымдардан тұрады. Бұл модельдің ықшамдылығы және сыйымдылығы, оны қабылдаудың қарапайымдылығы, құрылуының логикасы оны теорияда және тәжірибеде маркетингтік өзгермелілерді анықтаудың әйгілі түрі ретінде қолдануға мүмкіндік берді.

Маркетингтік төрт «Р»

Бұл тұжырымдаманы алғаш рет «Дженерал Электрик» компаниясы пайдаланған. Көптеген ғалымдардың ойынша, бұл модель шектеулі, объективті экономикалық жағдайлар мен өзгерістерді 4 «Р» моделіне біріктіру мүмкін емес. Сондықтан шетел ғалымдары маркетинг ұғымын дәстүрлі кешенге ағылшын тіліндегі Р әрпінен басталатын ( people - адамдар, personal - қызметкерлер, packaqe - орама, purchase - сатып алу, probe - зерттеу, мақұлдау, анықтап қабылдау, public relations - көпшілікпен байланыс ) басқа элементтерді енгізіп, осылайша «5Р», «6Р», «7Р», «9Р» тұжырымдамаларын ұсынды.

Бұл үлгі элементтерінің санын көбейту қажет емес өйткені жоғарыда атап өткен параметрлер «4Р» үлгісі фирманың маркетингтік қызметінде, әсіресе қаржы - қаражаттың жетіспеушілігіне байланысты фирманың мақсатына жетуге мүмкіндік беретін маркетинг - микстің тиімді құрылымын анықтау маңызды тәжірибелік орын алады. Бұл үлгінің жеке элементтерінің салыстырмалы мәні ұйым типіне, тауар түріне және оған сұранысқа, тұтынушы мінез - құлқына тығыз байланысты.

Маркетингтің негізгі мақсаттары

Экономикалық субъектілердің маркетингтік қызметінің табысты болуы үшін дұрыс таңдалған қысқа, орта және ұзақ мерзімді маркетинг мақсаттары маңызды орын алады. Бұл мәселенің маңыздылығын баса атай отырып, Сенеканың «Қай айлаққа жүзетінін білмегенге қуалай соққан жел де жоқ» деген сөздерін келтіруге болады.

Менеджменттің негізін салушыларының бірі Г. Эмерсон өзінің «Өнімділіктің он екі қағидасы» атты еңбегінде ең басты қағида нақты қойылған мақсаттарды келтіреді.

Маркетингтік мақсаттар фирманың өз мақсатына жетуін қамтамасыз етеді. Бұл мақсаттар сан арқылы көрсетіледі және нақты, уақыты шектеулі, икемді болып келеді, әр түрлі жағдайларға қарай түзетуге келетін мақсаттар болуы мүмкін.

Мақсаттар сатысында, әрине, алғашқы орын фирманын табиғи мақсаты болып саналатын - үнемі пайда түсіру және оны көп шамалау болып табылады.

Маркетингтік орта.

Фирманың маркетингтік ортасы -бұл маркетинг бөлімінің мақсатты клиенттерімен тиімді байланыс орнатып, оны үзбей сақтау мүмкіндіктеріне әсер ететін белсенді субьектілердің және күштердің жиынтығы.

Маркетингтік орта фирманың нарықтағы жағдайының, ұстанымының өзгеруіне әсер етеді. Сондықтан әрбір кәсіпорын маркетингтік зерттеулер мен сыртқы ағымды ақпаратты, яғни маркетингтік іздеуді қолдана отырып ортаның барлық өзгерістерін ұқыпты байқап отыру керек. Маркетингтік орта микро және макра ортадан тұрады.

Микроорта -бұл фирманың өзіне және оның клиенттеріне қызмет көрсету мүмкіндіктеріне тікелей қатысты бар күштер мен субьектілер. Бұлардың қатарына жабдықтаушылар, маркетингтік делдалдар, клиенттер, бәсекелестер және қарым-қатынас аудиториялары жатады.

Макроорта- бұл фирманың микроортада қызмет етуіне әсер ететін әлеуметтік санаттағы күштер мен факторлар. Ол келесі факторлардан тұрады: демографиялық, экономикалык, табиғи, техникалық, саяси және әлеуметтік-мәдени.

Микроортаның негізгі факторлары.

Жабдықтаушылар- бұл нақты тауар немесе қызмет өндірісі үшін фирманы және оның бәсекелестерін қажетті материалды ресурстармен қамтамасыз ететін іскер фирмалар немесе жеке тұлғалар. Жабдықтаушылар арасындағы жағдай фирманың маркетингтік және өндірістік іс-әрекетіне елеулі әсер етуі мүмкін. Маркетингті басқарушылар құрал-жабдық бағасын және сапасын әрдайым қадағалап отыруы керек, себебі олар фирма өндіретін өнім бағасы мен сапасын көсетеді.

Маркетингтік делдалдар- бұл клиентура аумағында фирма тауарын таратуға және өткізуге, оны жылжытуға көмектесетін ұйымдар. Оларға кіретіндер: сауда-делдалдары, тауарды тасмалдауға маманданған фирмалар, маркетигтік қызмет көрсететін агенттіктер және несие-қаржылық мекемелер.

Сауда делдалдары- бұл фирмаға клиент іздеуге көмектесетін және оларға фирма тауарын сататын іскер фирмалар немесе жеке тұлғалар.

Фирмаға олар тапсырушыларға(тұтынушыларға) орын, уақыт және аз шығынмен тауарды иемдену тәртіптерінің қолайлылығын қамтамасыз ету үшін қажет.

Жер қолайлылығы -клиенттердің тұрған орындары бойынша сауда делдалдарының тауар қорын жинау жолымен құрылады.

Уақыт қолайлылығы- тауарды сатып алғысы келген кезеңде, оларды бар тауармен қамтамасыз ету.

Иемдену тәртіптерінің қолайлылығы- тауарды, сатып алушыға иемдену құқығын бере отырып сату.

Бүгінгі таңда өндірушілер ірі және өз шартын жасай алады. Дегенмен, делдалдардың таңдау барысында мұқият болған жөн, тауарды таратудың бір арнасын пайдалана отырып, басқаларын қолдану мүмкіншілігінен айырылып қалу қаупі бар.

Тауар тасымалдауға маманданған фирмалар-- фирмаға өз бұымдарының қорын жасауға және оларды өндіріс орнынан белгіленген орынға дейін жеткізуге көмектеседі. Бұған қоймалар және транспортты фирмалар жатады.

Макетингтік қызмет қызмет көрсететін агенттіктер-- бұл маркетингтік зерттеу фирмалары, жарнама агенттіктері, жарнама құралын ұйымдастырушылар және маркетинг бойынша кеңес беруші фирмалар. Олар фирмаға нақты мақсат қою үшін және оның тауарын мақсатты нарыққа шығару үшін көмектеседі.

Несие қаржылық мекемелер --бұл фирмаға қаржылық келісім шарттар жасауға көмектесетін және тауарды сату сатып алу тәуекелдігін сақтандыруға көмектесетін банктер, кредиттік компаниялар және т. б.

Клиентура- Фирма өз клиенттерін мұқият зерттеуі керек. Ол клиенттер нарықтың бес түрінде қызмет ете алады: тұтынушылар нарығы; өндірушілер нарығы; өндірушілер нарығы; аралық саудагерлер нарығы; мемлекеттік мекемелер нарығы; халықаралық нарық.

Бәсекелестер- фирмамен бірге бір нарықта жұмыс жасайтын және оның өніміне ұқсас тауар шығаратын фирмалар немесе компаниялар. Бәсекелестер әлуетті тұтынушылар әмияны үшін және жабдықтаушылар ұсынатын қолайлы шарттағы жақсы ресурстар үшін күрес жүргізеді. Бәсекелестермен күрес барысында өнім бағасы және сапасымен қатар, фирманың іскер тәжірибесі де маңызды мәнге ие.

Қарым қатынас аудиториялары -- фирманың қызметі барысында істес болуға тура келетін ұйымдар немесе тұлғалар. Аудитория фирманы нарыққа қызмет көрсету күшін қабілеттендіруі немесе кері әсерін тигізу мүмкін. Қарым-қатынас аудиторияларының 7 түрін бөліп көрсетуге болады:

Қаржы қауымдастықтары- бұл банктер, инвестициялық компаниялар, акционерлік және т. б. Фирма олардың көмегімен өзінің қаржылық мәселесін шешуге тырысады.
Бұқаралық ақпарат құралдары- газеттер, журналдар, радио, теледидар.
Мемлекеттік мекемелер- заң атқарушы мекемелер, орталық және жергілікті мемлекеттік органдардың бақылау мекемелері.
Әрекет етуші азаматтық топтар- қоршаған ортаны қорғау топтары, тұтынушылар ассоциациясы, мәдени орталықтар және т. б.
Жергілікті қарым-қатынас аудиториялары-ПСК тұрғындарының жиналысы, қоғамдық ұйымдар және т. б.
Қалың бұқара-ірі қала, аймақ және ел тұрғындары. Жұртшылық танымында фирма бейнесі оның коммуникациялық іс-әрекеттерімен көрінеді.
Ішкі қарым-қатынас аудиториялары-фирманың өз жұмысшылары және қызметкерлері, фирма басқармасы, директорлар кеңесінің мүшелері. Фирма өз қызметкерлерін жақсы нәтижеге демеп итериелеп отыруы керек және мұнда ақпараттандыру маңызды роль атқарады. Осы мақсатта фирма ақпарат бюллетеньдерін шығарады және басқа да формаларын қолданады.

1. 2 Маркетингтің фирмалық саясаты.

Маркетинг кез келген өндіріс немесе тауар өткізу процестерін тікелей ұйымдастырмайды, Соған қарамастан өндіріс, тауар өткізу проблемаларының онды шешімін табуға айтарлықтай көмектеседі. Маркетингке ден қойған кәсіпорындар оған жұмсалатын қаражаттың келешекте кайтарымы болатынын ескере отырып, оның ұйымдық құрылымы мен нақты функцияларын айқындайды.

Ондай кәсіпорындардың әкімшілік-басқару құрамдарының қатарына маркетингтік қызмет бөлімі немесе маркетингтік 6асқарма да енеді. Олар, әдетте, өздерініқ атқаратын кызметтеріне қарай: функционалдық және тауарлық деп, екіге бөлінеді. Маркетингтің тауарлық принципі бойынша, негізгі тауар түрлеріне сәйкес жеке бөлімдері (ағаш, металл, мұнай өнімдері бойынша басқару) құрылып, тауар көлеміне қарай кейде. мұндай бөлімдер өз кезеңінде бірнеше функционалдың секторларға бөлінуі мүмкін.

Фирманың тауар өткізуіне қалайлы болу үшін маркетингтік қызмет аймақтар және тауар тұтынушылардың кейбір ірі топтары бойынша да ұйымдастырылады.

Фирма шаруашылығынық, өндіретін өнімдерінің немесе көрсететін қызметтерінің нарық сегменттерінің өзгешеліктеріне қарай, маркетингтік кызмет құрылымдарының түрлері араласып және қосылып кетуі мүмкін. Нарықты сегменттеу, сұранысты қалыптастыру, бәсекеге төзімділікті нығайту мақсатымен өндірілетін тауарлардың сапасын арттыру, бағасын төмендету, тауар қозғалысын ұйымдастыру және оны өткізуге байланысты шараларды үйлестіру, жарнама, насихаттау, хабарландыру т. б. көптеген инновациялық коммуникациялық шараларды жүргізу нәтижесінде - тауарға сұранысты қамтамасыз етіп, жоғары пайда алуға қол жеткізу үшін маркетинг қызметінің бөлімдері бірін-бірі толықтырып отырады. Маркетингтік қызметтің тауар түрлері бойынша ұйымдастырылуы кең таралған . Бұл фирмалардық тауарлық-салалық принципте жұмыс атқаратынына байланысты. Сонда ғана фирмалардын әрбір жеке немесе бір текті тауар топтары бойынша нарық талаптарына бейімделуіне мүмкіндік туып, маркетинг қызметтерін де үйлесімді ұйымдастыруға жол ашылады.

Кәсіпорындағы маркетинг бөлімдерінің қызметтері бойынша ұйымдастырылуы олардың белгілі бір немесе бірнеше функцияларды атқаруларына байланысты әдетте, ондай жағдайлар санаулы ғана тауар ассортиментімен ұлттық нарықта, оның сегменттерінде жұмыс істейтін шағын фирмаларда кездеседі. Жаңа тауар саясатын жасау және оны нарыққа ендірудің қиындығы көп. Сондықтан кішігірім фирмаларда инновациялық шараларды жүзеге асыру баяу жүреді.

Маркетинг жұмыстарының аймақтық принципте ұйымдастырылуы фирма тауарларын белгілі бір аймақтардағы нарықтарда өткізуте бейімдейді. Аймақтық құрылым кешенді және әр түрлі нарық саясатын жүргізуге қолайлы. Нақты нарықтардың ақырғы тұтынушыларының талаптары мен тауар өндіру процестерінің тәуелділігін қамтамасыз етеді. Аймақтағы әр түрлі сегменттердегі тұтыңушылардың біркелкі талаптарын біртекті тауарлармен қамтамасыз ету қарастырылады.

Маркетинг құрамындағы аймақтарда тұтынушылардың белгілі бір топтарына қарай ұйымдастырылған құрылымдар ерекше орын алады. Мұнда фирманың барлық шаруашылық қызметін тауардың ақырғы тұтынушыларының ынтасына қарай ұйымдастыруға және соның негізінде олардың әрбір тобына арналған кешенді нарық саясатын өндірістің барлық процесінде жүзеге асыруға мүмкіндік туады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.