Тәуелсіз Қазақстан шежіресі: 1991 жыл

Тәуелсіз Қазақстан шежіресі: 1991 жыл
1 желтоқсан. Қазақстан Президентінің бірінші бүкілхалықтық сайлауы. Нұрсұлтан Әбішұлы Назарбаев Қазақстанның Тұңғыш президенті мандатына ие болды.
Президент Казақстан тек Азиялық континентте шектеліп қалмай, Еуропа және Азия арасында парасатты баланс болуы қажеттігін атап өтті. Қазақстан Республикасының әлемнің барлық елдерімен экономикалық және саяси байланыстары болады.
16 желтоқсан. Қазақстан Республикасының Тәуелсіздігі жарияланды.
21 желтоқсан. Алматыда бұрынғы КСРО құрамына кірген он бір мемлекет басшыларының саммиті өтті. Кездесу барысында ресми құжаттарға: 1991 жылғы 8 желтоқсанда Минск қаласында Беларусь Республикасы, Ресей федерациясы, Украина қол қойған Тәуелсіз Мемлекеттер Достастығын кұру туралы Келісімнің Хаттамасына, Алматылық декларацияға, ТМД-ның координациялық институттары туралы Келісімге, ТМД елдері басшылары Кеңесінің БҰҰ және басқа да халықаралық ұйымдарда мүше болу туралы шешімдерге қол қойылды.

ТӘУЕЛСІЗ ҚАЗАҚСТАН НЕСІМЕН ТӘУЕЛДІ
Бүкіл әлем біздің елімізге неге қызыға қарайды? Неге біздің Қазақстан ертегі болып әр елдің аузында жүр?-деген сауал кімді де болсын ойландырмай қоймайтыны хақ. Аспан түстес байрағымыз Нью-Иоркте әлемнің басқа да тәуелсіз мемлекеттері туларының арасында желбіреп тұрғанын теледидардан көрген сәтте Қазақстан жерінің тұрғыны екеніне кім қуанбас?! Тіпті, басқа елдерде олимпиадалық ойындарда Қазақстан спортшыларының жеңісін жар салып, біздің Әнұран шырқалғанда, жүрегің толқып, ерекше бір сезімде боласың.
Қазақстан Республикасының рәміздері басқа елдердің арасында ұлттық рухымызды биікке көтеріп, дүниежүзі халықтарына біздің мемлекетіміз осал емес екенін дәлелдеп бергендей. Мемлекеттік рәміздеріміз Отанымыздың тәуелсіздігінің қасиетін біздің елімізде тұрып жатқан әр түрлі ұлт өкілдерінің мызғымас достығын паш етеді.Таңсәріде «Хабар» телеарнасынан Туымыз желбіреп, Әнұран шырқалған кезде бар ынтамыз ән әуеніне беріледі. Біздің кең байтақ қазақтың жері, Отанымыз да осы рәміздерден бастау алады емес пе? Ту, Елтаңба, Әнұран - осы үшеуі егемен еліміздің басты символы. Үлкеннен кішіге дейін жиналыс, отырыстарда оң қолын жүрегіне басып, Әнұранды айта жөнелгенде, жүректері толқып, өзінің қазақстандық екенін мақтаныш ететіндей сезім пайда болады. Көгілдір туымызды мектеп оқушылары әр мектептегі шараларда, олимпиадаларда маңдайына тигізіп, туды жан-тәнімен сүйіп өсуі керек.
Ғасырлар бойғы ата-бабаларымыздың арманы орындалып, шындыққа айналды. Біздің қазақ елі тәуелсіздік алып, жаңа Астанасын құрып, дүниежүзі елдеріне танымал болды. Астананың орталығында мемлекетіміздің желбіреп тұрған көк байрағы да «біз енді тарихтың қиын сынағынан өттік, әлемдегі ең серпінді, экономикасы дамыған елміз»,-деп тұрғандай.
Иә, Астана - бүгінде болашақтың қаласы. Қазақстандықтардың қажымас күш-қайратының арқасында жаңа Астананы салып, әлем таныған ел болдық. Қазақстан Республикасы бүкіл Еуропаға танымал болды. Халқымыз «осыған қолым жеткен екен» деп орта жолда тоқтап қалмай, алға қадам басуда. Елбасымыз жастарға үміт артып отыр. Сол үшін әрбір жас түлек, қазақстандық азамат өз Отанының патриоты болуы керек, өз еліне, туған жеріне сүйіспеншілікпен қарауы тиіс. Тіпті, әр отбасында Қазақстан Республикасының рәміздері ілулі тұрса артық болмас еді. Рәміздерді көріп өскен баланың бақытты болашаққа сенімі де зор болады.
- Біз - жаңа Қазақстан азаматтарының ұрпағымыз,-деп кеудесін кере мақтанатындай өршіл, қайсар азамат бейнесін шыңдап тәрбиелесе, олардың Отанына деген шексіз сүйіспеншіліктері мәңгі өшпейді. Біздің Қазақстанның әрбір жетістігі жанымызды жадыратып қуанышқа бөлесін. Туымыз желбіреп, әнұранымыз әуендеген Қазақстан елінің азаматтарымыз. «Менің Қазақстаным!» әнұранын ерекше бір жүрек толқуымен адам жанын ерітетіндей етіп айтып, басқа елдерге өз құндылықтарымызды дәріптей білуіміз керек. Тәуелсіздігіміздің қасиетті нышандары қазақстандықтарды бірлікке, татулыққа жетелей берсін!