Мектеп жасындағы балалардың сөйлеу тілінде жүйелі кемістіктерді жоюдың әдіс – тәсілдерін талдау, логопедиялық сабақтарда тапсырмалар мен жаттығулар жүйесін өңдеу

Пән: Педагогика
Жұмыс түрі: Дипломдық жұмыс
Тегін: Антиплагиат
Көлемі: 59 бет
Таңдаулыға:

КІРІСПЕ 3

1 КІШІ МЕКТЕП ЖАСЫНДАҒЫ БАЛАЛАРДЫҢ СӨЙЛЕУ ТІЛІНІҢ ЖҮЙЕЛІ БҰЗЫЛЫСЫН ТҮЗЕТУДІҢ ТЕОРИЯЛЫҚ НЕГІЗДЕРІ 7

1. 1 Сөйлеу тілдің жүйелі бұзылыстардың мәселесініңғылыми негіздері 7

1. 2 Жалпы білім беретін мектепте оқитын балалардың сөйлеу

бұзылыстарын ерте диагностикалаудың мәні 16

1. 3 Жалпы тіл кемістігі бар балалардың

психологиялық-педагогикалық сипатамасы 20

2 СӨЙЛЕУ ТІЛДІҢ ЖҮЙЕЛІ КЕМІСТІГІ БАР МЕКТЕП ЖАСЫНДАҒЫ БАЛАЛАРДЫҢ СӨЙЛЕУ ТІЛІНДЕГІ БҰЗЫЛЫСТАРЫН ТҮЗЕТУ ЖҰМЫСЫ 31

2. 1 Жүйелі тіл кемістігі бар мектеп жасындағы балалардың

сөйлеу тілі дамуының деңгейін зерттеу 31

2. 2 Балалардың сөйлеу тіліндегі жүйелі бұзылыстарын

түзету жұмыстың бағыттары 35

2. 3 Эксперименталды жұмыстың нәтижесі 49

ҚОРЫТЫНДЫ 56

ҚОЛДАНЫЛҒАН ӘДЕБИЕТТЕР ТІЗІМІ 58

ҚОСЫМША

Кіріспе

Адамның ең жарқын ерекшеліктерінің бірі-оның сөйлеу қабілеттілігі. Сөз - адам психикасының өмір сүруінің аса маңызды факторы. Біздің миымыздың белсенділігі екінші сигнал жүйесінің қызметіне байланысты. Сондықтан адамның барлық психикалық ерекшеліктері сөйлеу арқылы ғана көрініп өмір сүреді. П. Ф. Лесгафт санасы іске қосылған адам өзі аңғарғанының бәрін сөзбен жеткізіп бере алады деп орынды көрсеткен. Сөз - сөйлеу тілінің негізгі бөлігі болып табылады. Ол өз қызметінде - заттардың нақты аталуын, қызметін, белгісін, адамның сезімін, түрлі қоршаған орта құбылыстарын түсіндіруді мақсат етеді Сөз грамматикалық құрылымның көмегімен, сөйлеу қызметін жүзеге асырыды.

Жалпы сөйлеу тілінің дамымауы - сөйлеу тілінің түрлі күрделі бұзылыстары, мұнда дыбыстық және мағыналық жақтарына қатысты сөйлеу жүйесінің барлық компонеттерінің қалыптасуы бұзылған. Жалпы сөйлеу тілінің дамымауы бірмезгілде даму механизмі бойынша ауызша сөйлеу тілі бұзылыстарының түрлі формаларында бақыланады (алалия, дизартрия және т. б) Жалпы сапалық белгілері ретінде сөйлеу тілінің кеш пайда болуы, сөздік қорының жеткіліксіздігі, аграмматизмдер, дыбыс айту бұзылыстары, дыбыс түрлендіру бұзылыстары білінеді.

Дамымаушылық түрлі деңгейде айқындалады, сөйлеу тілінің бұзылыс деңгейіне қарай оларды жалпы мектепте білім алатын, сонымен қатар арнайы білім беруді қажет ететіндер деп бөлуге болады. Сөйлеу тілінің ауыр бұзылыстарының ішінде алалия, дизартрияның түрлері, тұтықпаның кейбір түрлері және т. б кездеседі.

Жақсы сөйлеу - баланың жан - жақты толыққанды дамуының кепілі. Баланың сөйлеуі дұрыс әрі неғұрлым бай болса, соғұрлым қоршаған шындықты тану мүмкіндіктері кең болады, бала өз ойын кеңінен айта алады, сонымен бірге үлкендермен, құрдастарымен толыққанды қарым - қатынаста болады, және психологиялық дамуы белсенді түрде жүзеге асады. Сондықтан баланың сөйлеу тілін өз уақытында қалыптастыру, оның дұрыстығын, сөйлеу тілінің түрлі бұзылыстарының алдын алу мен түзету өте маңызды.

Біздің зерттеуіміздің мәселесі сөйлеу тілінде жүйелі бұзылыстары бар балаларды түзете-дамыту барысында қалпына келтіруі болып табылады. Бұл мәселемен Т. Б. Филичева, Г. В. Чиркина, В. А. Ястребова, Т. В. Туманова, Н. С. Жукова, Е. М. Мастюкова, және тағы басқалары айналысты.

Бұл мәселе толығымен ашылды. Осы тақырып бойынша әдебиеттерді талдауда байланыстырып сөйлеу тілін дамыту бойынша сұрақтар анықталды. С. А. Миронова «Балаларды әңгіме құрастыруға үйрету бөлімінде тура сөйлеу тілін дамыту бойынша жұмыстың әдістері мен мазмұнын ашты.

Шимкович жалпы тіл кемістігінің Ш деңгейі бар балалардың сипаттап - хабарлау сөйлеу тілін қалыптастыру бөлімінде баланың өз бетінше суреттеп - хабарлау сөйлеу тілін қалыптастыру еге асыратын дәстүрлі тәсілдер мен әдістер қажет, сонымен бірге жаңа, тиімді, ғылыми негіздегі дамыту жолдарын іздеу керек. Бірақ бұл тақырып мектеп жасына дейінгі логопедияда толығымен зерттелген жоқ, қосымша зерттеуді талап етеді және сондықтан біз осыған тоқталдық. Осы мәселені шешу біздің зерттеу мақсатымызды құрды. Осы сұрақтардың өзектілігі және олардың теориялық және тәжірибелік өнделуінің жетіспеушілігі бізге зерттеу жұмысының тақырыбын анықтауға: «Кіші мектеп жасындағы оқушылардың сөйлеу тілінің жүйелі бұзылысын түзету жолдары» мүмкіндік берді.

1. Баланың сөйлеу тілін ерте дайындалған суреттің көмегімен қалыптастыру (оқыған мәтіннің түсінігін айту және сюжетті суретті бойынша әңгіме құрастыру)

2. Дайын суреттің көмегінсіз баланың сөйлеу тілін қалыптастыру.

«Жалпы білім беретін оқушыларының сөйлеу тілінің кемшіліктерін түзету кітабында А. В. Ястребова жалпы тіл кемістігі бар балалардың байланыстырып сөйлеу тілін түзетіп - дамытып оқыту әдістерін басып шығарды. Қалыптастырушы толыққанды сөйлеу әрекетінің тәсілдерін ұсынды.

В. В. Воробьева «Баланың сөйлеуі мен дауысының бұзылуы» кітабында «Моторлы алалиясы бар оқушылардың байланыстырып сөйлеуінің ерекшеліктері бөлімінде байланыстырып сөйлеудің қалыптаспауының себептерін көрсетті.

«Мектеп жасына дейінгі балалардың жалпы тіл кемстігін жою» логопедтерге арналған кітабында байланыстырып сөйлеу тілін дамыту сұрағына Н. С. Жукова, А. М. Мастюкова; Т. Б. Филичева көп көңіл бөлді.

Зерттеу мақсаты: мектеп жасындағы балалардың сөйлеу тілінде жүйелі кемістіктерді жоюдың әдіс - тәсілдерін талдау, логопедиялық сабақтарда тапсырмалар мен жаттығулар жүйесін өңдеу.

Зерттеу нысанасы : мектеп жасындағы балалардың сөйлеу тілінде жүйелі кемістіктерді жоюдың әдістемесі

Зерттеу пәні: мектеп жасындағы балалардың сөйлеу тілінде жүйелі кемістіктерін жоюына арналған түзету жұмысы.

Зерттеу болжамы: мектеп жасындағы балалардың сөйлеу тілінде жүйелі кемістіктерін жоюына ұсынылған тапсырмалар мен жаттығуларды жүйелі қолдану, әңгімені қайта айту және ойлап табуды үйренуге, сонымен қатар сөйлеу тілінің кемшіліктерін жоюға көмектеседі. Мақсатқа сәйкес келесі міндеттерді қойдық.

Зерттеу міндеттері:

сөйлеу тілінде жүйелі кемістіктері бар балалардың сөйлеу тілін қалпына келтіру туралы мәселесі бойынша арнайы әдебиеттерді зерттеу.
Эксперименталды зерттеу барысында сөйлеу тілінде жүйелі кемістіктері бар балалардың сөйлеу тілін қалпына келтіру жолдарының ерекшеліктерін анықтау және талдау;
Эксперименталды зерттеу барысында сөйлеу тіліндегі жүйелі кемістіктерді жоюына арналған тәсілдерді өңдеу;
Эксперименталды оқыту барысында сол және басқа тәсілдерді қолданудың маңыздылығын тексеру.

Зерттеуды теориялық - әдіснамалық базасы:

Л. С. Выготскийдің бала ағзасының компенсаторлы мүмкіндіктері туралы, ақаулықты күрделі құрылымы, актуальды және жақын даму аймағы туралы зерттеу;
Аномальды баланы зерттеудегі кешенді және толық концепсия (Л. С. Выготский, А. Р. Лурия, П. Я. Гальперин, В. В. Давыдов, Д. Б. Эльконин)
Баланың потенциалды мүмкіндіктерін ашуда үлкендер көмегінің ролі туралы концептуальды ойлар (Т. В. Егорова, А. Я. Иванова, Н. Ю. Борякова, М. С. Певзнер, В. И. Лубовский)

Зерттеу әдістері:

Зерттеу тақырыбы бойынша психологиялық педагогикалық және оқу - әдістемелік әдебиеттерді теориялық талдау;
Медициналық және педаогоикалық құжаттарды зерттеу мен талдау;
алынған мәліметтерді салыстырмалы сандық және сапалық талдау;
Педагогикалық тәжербиені зерттеу және жалпылау
Анықтау, қалыптастырушы және бақылау эксперементі
Психологиялық - педагогикалық диагностика;

Зерттеудің қосымша әдістері сапасында қолданылды

Медициналық және педагогикалық құжаттарды талдау.
Тура - және дұрыс бақылау;
Логопедтермен, тәрбиешілермен, ата- аналармен әңгімелесу;

Зерттеудің теориялық маңыздылығы: сөйлеу тілінде жүйелі кемістіктері бар мектеп жасындағы дейінгі балалардың сөйлеу тілін қалпына келтіру бойынша тапсырмалар мен жаттығулардан және зерттеудің технологиясын өңдеуден тұрады.

Зерттеудің тәжірибиелік маңыздылығы: сөйлеу тілін зерттеудің өңделген технологиясы сөйлеу тілінде жүйелі кемістіктерін жою бойынша тапсырмалар мен жаттығулар кешені арнайы мектепке дейінгі логопедиялық мекемелердің логопедтері мен тәрбиешілеріне қажетті.

Зерттеу базасы: № 46 жалпы білім беретін мектебі.

Зерттеу кезеңдері: Ғылыми - теориялық іс - әрекет 3 кезеңде жүзеге асырылады. (2010-2012ж. ж. )

Бірінші кезеңде арнайы білім беру теориясы мен тәжірбиесінде мәселенің жағдайы зерттелді, сөйлеу тілінде жүйелі кемістіктері бар мектеп жасындағы балалардың сөйлеу тілін зерттеудің жеке фрагменттері өңделді, алдағы зерттеу бағдарламасы анықталынды.

Екінші, негізгі кезеңде зерттеу пәні, нысанасы, міндеттері анықталынды. Диагностикалық әдістемелерді анықтау мен өңдеу бойынша № 46 жалпы білім беретін мектебінде тәжербиелік эксперименталды жұмыс логопедиялық сабақтарда сөйлеу тілінде жүйелі кемістіктерін жою бойынша түзету жұмыстары жүргізілді, зерттеу мәселесі бойынша материалдар жиналды.

Үшінші қорытынды кезеңде тәжербиелік - эксперементалды жұмыс барысында алынған мәліметтерді өңдну жүзеге асырылды.

Диплом жұмысының құрылымы мен көлемі: жұмыс кіріспеден, екі бөлімнен, қорытындыдан, 60 атаудан тұратын қолданылған әдебиеттер тізімінен, қосымшадан тұрады.

1 КІШІ МЕКТЕП ЖАСЫНДАҒЫ БАЛАЛАРДЫҢ СӨЙЛЕУ ТІЛІНІҢ ЖҮЙЕЛІ БҰЗЫЛЫСЫН ТҮЗЕТУДІҢ ТЕОРИЯЛЫҚ НЕГІЗДЕРІ

1. 1 Сөйлеу тілдің жүйелі бұзылыстардың мәселесінің ғылыми негіздері

Жалпы сөйлеу тілінің дамымауы (ЖТД) - бұл сөйлеу жүйесінің барлық компонеттерінің қалыптасуындағы бұзылыс (дыбыстық құрылымының, фонематикалық үрдістердің, лексика, грамматикалық қатардың, сөйлеу тілінің мағыналық жақтарының) . Жалпы сөйлеу тілінің дамымауы сөйлеу бұзылыстарының түрлі формаларында байқалады-моторлы, сенсорлы алалия, балалар афазиясы, дизартриясы.

Сөйлеу тілі бұзылыстарына әкелетін барлық этиологиялық факторлар полиморфты және күрделі. Көп жағдайда жалпы сөйлеу тілінің дамымауы түрлі факторлардың комплексті әсер етуі салдарынан болады, тұқымқуалаушылық бейімделуден, орталық жүйке жүйесінің органикалық жетіспеушілігінен және қоршаған ортаның қолайсыздығынан. Кейде бұл себептер бұзылыстың туындауындағы басты, ал кейде қосалқы факторлар болып табылады. Жалпы сөйлеу тілінің дамымауы жұқпалы ауруларды өткергеннен немесе өткір немесе созылмалы уланудан пайда болуы мүмкін. Бұған анасының жүктілік кезіндегі ерте немесе кеш токсикоз болуы, қандарының сәйкессіздігі, босану кезіндегі жарақаттар мен патологиялар, орталық жүйке жүйесінің аурулары, баланың алғашқы жолдарындағы бас ми жарақаттары және т. б әсер етеді.

Сөйлеу тілі бұзылыстарының айқындалу құрылымы мен деңгейі бас миының зақымдалу күрделілігі мен оқшаулануына тәуелді. Сонымен, бас миының жатырішілік зақымдалуы кезіндегі сөйлеу бұзылыстары басқа да полиморфты даму бұзылыстарымен байланысады (есту, көру, тірек-қимыл аппараты, интеллект) Сөйлеудің сөйлеу-қозғалыс механизмін қамтамасыз ететін құрылым аймағында бас миының зақымдалу локализазиясы кезінде сөйлеудің дыбыс айту жақтарының бұзылысы-дизартрия пайда болады. Ең ауыр және тұрақты түрі жалпы сөйлеу тілінің дамымауы болып табылады. Орталық жүйке жүйесіндегі қозу мен тежелу секілді псикалық үрдістердің түрлі ауытқушылықтары жалпы сөйлеу тілінің дамымауының функционалды себепьері болып келеді. Ақыл - ойының артта қалуы, есте сақтаудың түрлі бұзылыстары және басқа да психикалық функциялардың бұзылыстары психоневрологиялық себептер болып саналады. Ең күрделі сөйлеу бұзылыстары сөйлеу тілінің фонетико-фонематикалық, сондай-ақ лексико-грамматикалық жақтарын қамтиды.

Сөйлеу тілінің дамуын үш критикалық кезеңге бөлуге болады.

Бірінші критикалық кезең (1-2жас) - бұл сөйлеу тілінің алғышарттарының қалыптасуы. Бұл кезеңде сөйлеу тілінің дамуы басталады, коммуникативті мінез-құлық негіздері қалыптасады. Бір жарым жаста бала фразалық сөйлеу тілін қолдана бастайды, оның енжар сөздік қоры 150 сөзді, ал белсендісі-50 сөз шамасын құрайды. Осы уақытта Борк аймағындағы сөйлеу тілі қыртыстарының белсенді дамуы жүреді. Критикалық сәт болып 14-18 айлық жас кезеңі саналады, онда сөйлеу тілі дамуына болмашы қолайсыз факторлар әсер етеді. Екінші критикалық кезеңде (3жас) сөйлеу тілінің белсенді дамуы жүреді. Бала қарым-қатынас тіліне көшеді. Бұл жаста келеңсіздіктерді байқауға болады және т. б.

Сөйлеу жүйесінің шамадан тыс жүктелуі нәтижесінде түрлі бұзылыстар, мысалыға тұтығу пайда болуы мүмкін. Бала сөйлеу қарым-қатынасына түспей, тұйықтанады. Кейде мұндай тұтығудың түрін эволюционды деп атайды, яғни баланың нақты жасымен байланысты. Былай болуы мүмкін: мутизм туындап, сөйлеу тілінің дамуы артта қалады.

Үшінші критикалық кезең (6-7 жас) - балалардың көпшілігі мектепке барып, психикаға қосымша күш болып табылатын жазбаша сөйлеу тілін меңгере бастайды. Балаға жоғары талаптар қойылады, соның нәтижесінде тұтықпаға әкелетін жүйке жүйесінің ақаулықтары пайда болуы мүмкін.

Жалпы сөйлеу тілі дамымаған балаларда әрқашан дыбыс айтудың бұзылысы, фонематикалық естудің дамымауы, сөздік қор мен грамматикалық қатардың қалыптасуындағы айқын артта қалуы белгіленеді. Бұл балалар өзін қоршаған адамдармен байланысқа өзбетінше түседі, алайда оларда еркін тілдесу қиынырақ. Олар дұрыс дыбыстай алатын дыбыстарының өзі олардың еркін сөйлеу тілінде жеткілікті анық дыбысталмайды.

Олар өздеріне қиын сөздерден алшақ болуға тырысады, сын есім мен үстеуді, заттың белгілерін білдіретін сөздерді аз қолданады, сөз түрлендірде қателіктер жібереді.

Қателіктің көп мөлшері қатыстық сын есімдерді меңгеруде жіберіледі. Сөйлеу тілін грамматикалық әрлендірудегі қателіктердің арасында ең өзгешелері болып табылатындары:

сын есімнің зат есіммен жақ, септік бойынша дұрыс байланыспауы;
сан есімдердің зат есіммен дұрыс байланыспауы;
көмекші сөздерді дұрыс қолданбаудағы қателіктер (тастап кету, алмастыру, толық айтпау) ;
септіктерді көпше түрінде дұрыс қолданбаудағы қателіктер.

Жалпы сөйлеу тілі дамымаған балаларда дыбыс айтубұзылыстарының барлық түрі байқалады - ысқырық және ызың сигматизмі, ротатизм, ламбдацизм, дыбыстау мен жұмсарту бұзылыстары. Сөздің дыбыстық топтастырылуында, буындық құрылымында тұрақты қателіктер белгіленеді. Фонематикалық есту мен қабылдаудың жеткіліксіз дамуы балаларда сөздерді дыбыстық талдау мен жинақтауға өзбетіншедайындығының қалыптасуына әкеп соғады және олар логопедтің көмегінсіз сауат ашуды меңгере алмайды.

Сонымен қатар даму деңгейіне шартты түрде бөлу қарастырылған, мұнда белсенді сөйлеу тілінің айтарлықтай артта қалуы, шектелген сөздік қор, аграмматизм, дыбыс айту мен фонематикалық қабылдаудың жеткіліксіздігі ортақ болып табылады.

Бір деңгейден басқасына өту жаңа тілдік мүмкіндіктердің пайда болуымен, белсенді сөйлеу тілінің жоғарылауымен, тілдің мотивациялық негіздерінің өзгеруімен анықталады.

Сөйлеу тілінің қалыптаспағандығының көрсеткіші есебінен оның дамымаушылығының 4 деңгейі бөліп қарастырылады.

Сөйлеу тілі дамуының бірінші деңгейі қарым-қатынасқа түсудегі тілдік амалдардың толық болмауымен немесе қалыпты дамыған балаларда сөйлеу тілі қалыптасқан болса, ал сөйлеу тілі дамымағанған балаларда бұл кезеңде оларда айтарлықтай шектеулі дамуымен сипатталады.

Бұл деңгейде балалар қарым-қатынасқа түсуі үшін былдыр сөздерді, дыбыстық еліктеулерді, тұрмыстық мазмұндағы зат есім мен етістіктердің жеке бөлімдерін, былдыр сөйлемдердің үзіктерін қолданады. Балалар өздерінің пікірлерін мимика және жестпен білдіреді.

Сөйлеу тілінің аналогиялық жағдайы ақыл-ойы артта қалған балаларда да байқалады. Алайда алғашқы сөйлеу тілі дамымаған балалар олигофрен балалардан ажыратуға мүмкіндік беретін білгілерге ие. Бұл ең алдымен енжар сөздіктің (бала білетін және олардың мағынасын түсінетін сөздер) белсенді сөздікке ауысуын айтарлықтай жоғарлатады(бала өзінің сөйлеу тілінде қолданылатын сөздер) . Ақыл - ойы артта қалған балаларда мұндай айырмашылық айтарлықтай байқалмайды. Сонымен бірге, жалпы сөйлеу тілі дамымаған балалар олигофрен балаларға қарағанда өздерінің ойларын білдіру үшін сараланып жіктелген жест пен мәнерлі мимиканы пайдаланады. Оларға бір жағынан қарым-қатынас үрдісі кезіндегі сөйлеу тілінің үлкен ынтасы, ал бір жағынан - өзінің сөйлеу тіліне сыни көзден қарауы тән.

Белсенді сөздік қоры бірнеше мөлшерде анық дыбысталмайтын қолданыстағы сөздерден, дыбыстық еліктеу мен дыбыстық кешендерден құралады. Сөздер мен оларды алмастырушылар нақты заттар мен іс-әрекеттерді белгілеу үшін қолданылады, монмен қатар, олар түрлі мағынада пайдаланылады. Іс - ерекет атаулары заттардың атауларымен және керісінше аталуы белгіленеді. Сөйлеу тілінде грамматикалық қатынастарды білдіру үшін морфологиялық элементтер болмайды. Баланың сөзі нақты жағдайларда ғана түсінікті.

Оларға бір сөзді сөйлемдерді қолдану тән. Бірсөзді сөйлем кезеңі сөйлеу тілі қалыпты дамыған кезде де бақыланады, алайда ол 5-6 ай көлемінде ғана басым болып келеді және бірнеше мөлшерде сөздерді қосады. Сөйлеу тілі дамымауының күрделі түрінде бұл кезең ұзаққа созылады. Сөйлеу тілі қалыпты дамымаған балалар сөздің грамматикалық байланыстарын ерте пайдалана бастайды. Дыбыстарды дыбыстауда тұрақсыздық байқалады. Сөйлеу тілінде негізінен бір-екі күрделі сөздер қолданылады, оларды қайта жаңғыртуда буындық құрылымында буындардың саны екі-үш есе қысқарады. Фонематикалық қабылдау дөрекі бұзылған, аталуы бойынша ұқсас сөздерді іріктеуде қиындықтар туындайды. Сөздерге дыбыстық талдау бойынша берілген тапсырма аталған деңгейдей балаларға түсініксіз.

Сөйлеу тілі дамуының екінші деңгейіне өтуде жестпен былдыр сөздерден басқа, мұнда бұрмалану болғанымен жеткілікті тұрақты жалпы қолданыстан сөздер пайда болады. Фразалық сөздер пайда болады, бірақ ол фонетикалық және т. б Грамматикалық қатынастарда бұрмаланған түрде қалады. Балалар қолданыстағы сөздік қорды игерген және қарым-қатынаста құрылымы бойынша қарапайым немесе бұрмаланған сөздерді қолданады.

Олардың сөйлеу тілінде заттардың іс-әрекеттердің жеке белгілердің атаулары дифференциалды көрсетіліеді. Бұл деңгейде есімдік, жалғаулықтар қолданылуы мүмкін. Балалар сұраққа жауап бере алады, сурет бойынша отбасы қоршаған әлем туралы айтып бере алады. Сурет бойынша, сұрақ бойынша әңгіме қысқа әрі нашар құрылады. Алайда грамматикасы бірнеші деңгейдегі балаларға қарағанда дұрысырақ.

Балалар отбасы, таныс қоршаған орта құбылыстарына қатысып, суреттер бойынша сұрақтарға жауап бере алады, бірақ жануарларды және олардың төлдерін, дене мүшелерін, киім, жиһаз, мамандықтарды және т. б білдіретін көптеген сөздерді білмейді. Олар қарапайым құрылымдық екі-үш, кейде төрт смөзден құралатын сөйлемдерді қолджанады. Сөздер қысқа мағынада пайдаланылады. Ауызша талдап, қорытудың деңгейі өте төмен. Сөздік қоры жастық нормадан артта қалған. Бір сөзбен түрі жағынан ұқсас бірнеше сөздерді атайды. Сөздік қорының шектеулілігі заттың бөліктерін білдіретін көптеген сөзрдерді білмеуімен дәлелденеді, мысалы: ағаш-бұтақ, дің, тамыр; ыдыс-аяқ-табақ, шәйнек, стақан; жануарлардың төлдерін-көжек, қозы, құлын. Сөздің грамматикалық қатарының жеткілікті дамымағандығы сөздік материалды күрделендіргенде немесе бала аз қолданатын буындар мен сөз тіркестерін қолдану қажеттілігі туындағанда жеңіл білінеді. Балалар көптеген грамматикалық түрлерді ажырата алмағандықтан, қаратап сөздерді түсінуі толық емес. Балаларда заттық сөздерде, іс-әрекет, белгілерді білдіретін сөздерді қолдану мүмкіндігінің шектеулілігі байқалады. Мұндай балалар заттың түрін, түсін, пішінін білмейді. Сөз түрлендіру дағдыларын олар толықтай меңгермеген. Заттардың атауларын алмастыру жиі кездеседі. Арнайы тексеру кезінде грамматикалық формаларды қолдануда дөрекі қателіктер белгіленеді:

септік жалғауларын алмастыру;
етістіктің түрлерін қолданудағы қателіктер;
зат есімдерді түрлендірудегі қателіктер;
сын есім, сан есім және зат есімдердің байланыстылығының болмауы.

Балалар көмекші сөздерді қолдануда көптеген қателіктер жібереді, орнын ауыстырып қою, кейде оларды тастап кетуі де кездеседі. Сөйлеу тілінде жалғау мен жұрнақтар аз пайдаланылады. Балалардың дыбыс айту мүмкіндіктері жастық нормаларына қарағанда айтарлықтай артта қалады, ұяң және қатаң, ысқырық, ызың, мұрындық дыбыстарды(қызғадағы-қызғалдағы, сына-зина және т. б. ) дыбыстағанда байқалады. Көбінесе буындардың санының қысқаруы тән (твики-снеговики) .

Сөздің қайта жаңғырту кезінде дыбыстардың, буындардың орнын алмастыру, дауыссыздардың тоғысуы кезінлегі дыбытардың санының азаюы(ровотник-воротник, тена-стена, виметь-медведь) бақыланады.

Балаларды тереңірек тексеру олардағы фонематикалық есту қабілетінің жеткіліксіздігін, олардың дыбыстық талдау және жинақтау дағдыларын игеруге дайындығының болмауын (балаға берілген дыбыс бойынша суретті таңдау, сөздегі дыбыстың орнын анықтау өте қиын және т. б. ) Жеңіл анықтауға мүмкіндік береді.

Арнайы түзетіп оқыту нәтижесінде балалар қоршаған ортамен қарым-қатынасқа түсуін кеңейтетін жаңа, сөйлеу тілі дамуының үшінші деңгейіне өтеді.

Сөйлеу тілі дамуының үшінші деңгейі ауызша сөйлеу тілінің лексика-грамматикалық және фонетика-фонематикалық элементтерінің дамуымауымен сипатталады. Бұл деңгейде балалар қоршаған ортадағы адамдармен тек ата-аналарының (тәрбиешіліердің) қатысуымен ғана байланысқа түседі. Еркін қарым-қатынасқа түсуге қиналады. Балалар дұрыс дыбыстай алатын сөздердің өзі олардың өзбетінше сөйлеу тілінде жеткілікті айқын дыбысталмайды.

Белсенді сөйлеу тілінде зат есіммен етістіктер қолданылады, заттың сапасын, іс-әрекетті, белгілерді білдіретін сөздер жеткіліксіз.

... жалғасы

Сіз бұл жұмысты біздің қосымшамыз арқылы толығымен тегін көре аласыз.