Әскери қызметшілердің қызметі мен тұрмысының жағдайларын жақсарту

1. Сабақтың мақсаты
2. Көрнекілік құралдар:АӘД оқулығы, әскери жарғылар.
3. Сабақтың барысы:
а) Әскери қызметшілердің қызметі мен
в) тұрмысының жағдайларын жақсарту.
4 Әскери қызметшілерді шынықтыру.
5 Санитарлық.гигиенелық және жұқпалы ауруларға қарсы іс.шаралар.
6 Емдеу.алдын алу шаралары.

Әскери қызметшілердің күнделікті қызметі кез келген жағдайда әскери жарғылар мен тәлімдемелердің, олардың қызметтері мен тұрмысының жағдайларын жақсарту туралы талаптарын сақтай отырып жүзеге асырылуы тиіс.
Командирлердің (бастықтардың) әскери қызметшілердің қызметі мен тұрмыс жағдайын жақсарту жөніндегі негізгі бағыттар мыналар:
- қауіпсіздік ережелерін белгілеу және оларды әскери қызметшілерге уақтылы жеткізу, олардың орындалуын қамтамасыз ету;
- санитарлық нормалар мен әскери жарғылардың әскери қызметшілерді орналастыру, олардың тамақтандырылуын ұйымдастыру, сумен жабдықтау, жылумен, материалдық және тұрмыстық қамтамасыз етудің басқа да түрлерімен жабдықтау жөніндегі талаптарын қатаң орындау;
- күн тәртібі мен қызметтік уақытының регламентінің дәл орындалуын ұйымдастыру
- тиісті үлестік нормаларды әрбір әскери қызмешіге уақтылы және толық жеткізу;
- әскери қызметшілердің денсаулығына зиянды факторлардың әсерлерін жою немесе белгіленген шектен асырмау, әскери бөлімнің орналасқан аумағында санитарлық-эпидемологиялық жағдайды жақсарту жөніндегі шараларды жүргізу.
Әскери қызметшілерді шынықтыру.
Әскери қызметшілерді шынықтыру, дене тәрбиесі мен спорт дәрістері олардың ағзасының қоршаған ортаның физикалық факторының түрлі күрт өзгерістеріне, әскери қызметтің ерекшеліктеріне және жауынгерлік тапсырмаларды орындауға байланысты жағдайларға төзімділігін арттыру мақсатында жүргізіледі.
Әскери қызметшілерді шынықтыру тәсілдері мыналар:
- таза ауада таңертеңгі дене шынықтыруды күн сайын орындау;
- белуарға дейін суық сумен жуыну немесе жеңіл-желпі суық су себезгісін қолдану;
- аяқты ұйықтар алдында күн сайын суық сумен жуу;
- қысқы кезеңде шаңғы жаттығулары мен дәрістерің жүргізу, жеңіл киімде кейбір жұмыстарды орындау;
- жазғы кезеңде жеңіл киімде дәрістер мен спорттық-бұқаралық шараларды жүргізу, күн ваннасын қабылдау және дәрістер мен жұмыстардан бос уақытта ашық су айдынында шомылу.
Дене даярлығы мен спорт жөніндегі дәрістер таңертеңгі дене шынықтыруда, оқу дәрістерінде, спорттық-бұқаралық жұмыс уақытында, әскери қызметшілердің оқу-жауынгерлік процесінде, сондай-ақ өз бетінше жаттығулар барысында жүзеге асырылады. Дәрістерде дене шынықтырулары әскери қызметшілердің ҚК-дің қай түріне және әскерлердің қандай тегіне жататындығы, жасы мен денсаулығының жай-күйі ескеріле отырып орындалады.
Сортпен шұғылдану спорт секцияларында әрі күн тәртібінде, әрі қызметтік уақыттың регламентінде белгіленген уақытта жүргізіледі.