Отандық дәрі дәрмек

1 ОТАНДЫҚ ДӘРІ ДӘРМЕКТІҢ САПАСЫ ҚАШАН КӨТЕРKІЕДІ
2 ҚАРА БАЗАРДА ҚАПТАП КЕТКЕН «ДӘРІХАНАЛАРДЫ» КІМ НАЗАРЫНА АЛАДЫ?
3 ӨЗІМІЗДЕ ӨНДІРІЛЕТІН ДӘРІ НЕГЕ ҚЫМБАТ?
4

Ауыра қалсақ, дәріге жүгіреміз. Кейбіреулер қалтасындағы ақшасының шамасына қарап, өзінше ем-дом жасап жатады. Оның арты аурудың асқынуына әкеп соғады. Осының барлығына дәрумендердің қымбаттығы да себеп болып отыр. Бүгінде Қазақстанды дәрімен қамтамасыз етіп жатқан шетелдік фирмалар. Ішке кіретін өнімнің 90 пайызы батыс елдерінен әкелінеді. Әсіресе Батыс елдерімен бірге Оңтүстік Шығыс Азия мемлекеттері еліміздегі ішкі нарықты жаулап алған. Сондықтан отандық өнімдердің оларға қарсы тұруға шамасы да жетпейді. Бұл мәселенің бір жағы ғана, енді соны тарқатып көрсек…
ҚАРА БАЗАРДА ҚАПТАП КЕТКЕН «ДӘРІХАНАЛАРДЫ» КІМ НАЗАРЫНА АЛАДЫ?
Қай базарға бармасаңыз да бір бұрышынан кішігірім дәрі¬хананы байқауға болады. Киім-кешек, ұсақ-түйек заттармен қа¬баттасып тұрған «дәріханадан» дәрі алмақ түгілі қасына жолаудан қорқасыз. Әсіресе, шым-шытырық қытай тілінде жазылған дәрілерді сатып алып жатқандарды көргенде тіпті қайран қаласыз. Сөресінде не жоқ, бә¬рі бар. Қалташаларға салынған ұнтақ дә¬ріден бастап, құтыға салынған жылан, бақа-шаянға дей¬ін тұр. Тілі майда сатушы барлық ауруыңнан құлан-таза айығасың деп түсіндіреді. Сатып отырған дәрі¬леріне «ке¬піл¬дік» беріп, алдына келген адамды құр жібергісі кел¬мейді. Саудасы да жаман жүр¬мейтін сияқты. Мен қарап тұрған санаулы минуттарда бірнеше адам келіп, сауда жасап кетті.
- Сізге қандай дәрі керек еді?
Қарап тұрған маған тосыннан қойылған сауалға жауап таба алмай, сасып қалдым.
- Сізде бет терісіне арналған крем бар ма?- дей салдым.
Үстіне ақ халат емес, қалың жүннен тоқылған орамалын жауып алған ол:
- Бар. Бетіңізді ағартатыны да, дақтарын кетіретіні де, майлы болса құрғатып, құрғақ болса дымқылдандыратыны да табылады. Қолыма қабымен бірге кіші¬гірім затты ұстата салды. Сыртындағы қорабының өзі се¬нім¬нен шықпайтындай. Әбден ары-бері тасылғаннан ба, қағазы да желіне бастаған, сыртында қы¬тай иероглифтерімен жазыл¬ған жазуы бар. Не құрамын, не қа¬лай қолдану керектігін түсіне алмайсыз.
- Құрамында не бар?
- Бұл түрлі шөптердің қоспаларынан жасалған, таза, - деді сатушы менің аударып-төңкеріп қарап тұрғанымды ұнатпай.
- Жоқ, рахмет. Сыртындағы жазуы мүлдем түсініксіз. Ала алмаймын.
- Жарайды, сізді ешкім қи¬намайды. Бірақ, таза өнім екені қорабынан-ақ көрініп тұр ғой. Тек қытай тілінде жазылған, - деді ол сыпайылық танытқансып.