Көне грекияның тарихы

1 Көне Грекияның тарихы
2 Ежелгі Рим медицинасы

Бұл мемлекеттер Жерорта теңізінің айналасында орналасқан. Осылардың ішінде өте зор дамыған Көне Грекияның тарихы бес кезеңнен тұрады:
1. Эгей заманы (б.д.д ІІІ-ІІ мыңжылдық)
2. Мемлекеттік дәірден бұрын (б.д.д. ХІ – ІХ ғғ.)
3. Мемлекеттік дәір (б.д.д. VІІІ – VІ ғғ.)
4. Классикалық дәуір (б.д.д. V – ІV ғғ.)
5. Эллинистикалық (б.д.д. ІVғ екінші жартысы б.д. І ғ.)

Бұл кезеңдердің әрқайсысында емдеу әдістерінің дамуының және
медициналық білімнің негізделуінің ерекшеліктері болған.
Осы елдің алғашқы әдщеби мұралары Гомердің эпикалық поэмалары. Оның дүние жүзіне белгілі шығармалары «Илиада» мен «Одисей» атты көне заманнан қалған медицина туралы жалғыз ғана мәлімет көздері. Грек медицинасының келесі даму жолдары медицина әдебиетінің атақты ескерткіші «Гиппократ жинақтары». Бұның құрамына ежелгі замандағы грек дәрігерлерінің шығармалары және Гиппократтың өзінің еңбектері кірген. Сонымен қатар ежелгі грек медицинасы туралы бірен- саран мәліметтер Геродоттың атақты «Тоғыз кітапқа жазылған тарих» деген шығармасында келтірілген.
Медицина туралы жазылған осы әдебиет көздеріне қарағанда көне Грек мемлекетінде медицина аса зор дамыған болып табылады.
Ежелгі Грек мәдениетінің орталығы болып Крит аралы есептелген. Бұл кездің өзінде Крит патшалығының басқа елдермен сыртқы байланысы күшті болған. Олардың ішінде Троян патшалығы, әсіресе көне Мысыр елімен байланыста болған, мұндай байланыс бір – бірінің дамуына зор әсер еткен.
Келесі кезең б.д.д. ХІ-ІХ ғғ. Бұл кезңді көп уақытқа дейін «Гомер» заманы деп атады. Себебі ХІХ ғ дейін ежелгі Грекия тураы мәлімет тек қана Гомердің екі поэмасынан ғана белгілі болды. Осы поэмаларда дененің және аяқ- қолдың 141 жаралану түрлері сипатталған. Олардың ішінде жараны емдеу, улы жылан шаққанда көмек көрсету, жараның іріңдеуі, оның емдеу әдістері жазылынған. Сонымен қатар қан тоқтату, жансыздандыру. Садақтан жараланғанда садақты алып тастау, жараны байлау сияқты емдік әдістері келтірілген.

Көне Грекияда мәйітті ашып зерттеу рұқсат етілмегенмен анатомиялық және басқа да медициналық атаулар қалыптасқан. Мысалы: хирургия, педиатрия, психиатрия, дерматология, офтальмология, сондай- ақ жүйке туралы ілім, терапия,пневмония, плеврит, нефрит, гемморрагия, эпилепсия және т.б. ежелгі грек атаулары осы уақытта да пайдаланылуда.
Көне Грекияда емшілерді өте құрметтеген және жұмысының маңызын жоғары бағалаған. Гомердің поэмаларында оба ауруының көп тарағаны, естен тану науқасы, жеті айлық баланың тірі туылғаны, аурудың алдын алу үшін үй-ішін күкірт жағып тазалау, күкіртті емге пайдалану және ежелгі мысырлықтардың емдеу әдістерін қолдану туралы жазылған. Б.д.д. VІІІ-VІғғ ежелгі Грекия жерінде үлкен қалалар қалыптасады да оларды қала, мемлекет деп атаған. Ол мемлекеттерде бас бостандығы өзінде болған және жерге иелілігі бар адамдар , сонымен қатар құл ұстағандар бірігіп басшылық жасаған.