Қазақстан мен Жапония қарым-қатынастары

1. Қазақстан мен Жапония қарым.қатынасының стратегиялық сипаты.
2.Қазақстан мен Күншығыс елінің саяси.экономикалық қарым.қатынасы.
3.Қазақстан мен Жапонияның ғылым мен техника саласындағы ынтымақтастықтың кеңеюі.
4.Қазақстан мен Жапонияның сауда.экономикалық ынтымақтастық жөніндегі қарым.қатынасы.

Жапонияның әлем экономикасындағы ерекше орнын бөлекше бағалай білген Қазақстан тәуелсіздіктің тәй-тәй басқан күндерінен-ақ Күншығыс елімен саяси-экономикалық қарым-қатнасқа қатты көңіл бөлді.Жапон жағы да өз тарапынан шикізатқа аса бай Қазақстанға ә дегеннен назар аударды.Тәуелсіздігімізді жариялай салысымен,1991 жылғы 28 желтоқсанда біздің елді тануы,араға бір-ақ ай өткізіп,1992 жылғы 26 қаңтарда дипломатиялық қатынастар орнатқаны,келесі,1993 жылдың өзінде Алматыда елшілігін ашып жіберуі осының дәлелі.Екі ел арасындағы байланыстардың әу бастан берік орнығуына Елбасымыз Нұрсұлтан Назарбаевтың Жапонияға 1994 жылғы 6-9 сәуір,1999 жылғы 5-8 желтоқсан аралығындағы сапарлары мықты негіз қалады.Екінші сапар кезінде Достық,әріптестік және ынтымақтастық жөнінде бірлескен мәлімдеме қабылданған болатын.Екі елдің Біріккен Ұлттар Ұйымын реформалау жөніндегі көзқарастарының ұқсастығы атап айтылды,Қазақстан жағы Жапонияны БҰҰ Қауіпсіздік Кеңесінің мүшесі ретінде көруді қалайтынын мәлімдеді,атом энергиясын бейбіт мақсатта пайдалану саласындағы ынтымақтастықты дамыту жөнінде меморандум қабылданды. Нұрсұлтан Назарбаев Жапонияның әлеуметтік-экономикалық дамудағы табыстары біздің елімізді таң қалдыратынын атап өтті.Қазақстан индустриялық-инновациялық бағдарламаны іске асыруға кірісті,сондықтан да технологиялық жағынан дамыған Жапониямен әріптестіктің айрықша маңызы бар.

1.Қасым Жомарт Тоқаев «Қазақстан Республикасының дипломатиясы» Алматы 2001 жыл (166-170)беттері.

2.Нұрсұлтан Әбішұлы Назарбаев «Ғасырлар тоғысында» Урумчи 1998 жыл (311-314) беттері.

3.Сауытбек Абдурахманов «Егемен Қазақстан» 2008 жыл 21 маусым (1) беті.