Трактордың басқару органы және оның двигателін жүргізу

1 Трактордың басқару органы
2 Аспалы құралдардың негізгі және шығарылмалы цилиндрлерін басқару

Дизельді двигательмен (дизельмен) жабдықталып, қосалқы двигательмен жүргізілетін казіргі ауыл шаруашылық тракторларында басқару органдары мен екі қозғалтқыш де кабинада орналасқан(мәселен, ДТ —75 М трак торында, 5сурет). Мұның өзі жүргізу жүйесін дистанционды басқару арқылы жүзеге асырылады.
Іске қосқыш двигательді жұмысқа әзірлеу және оның жұмысын басқару үшін мыналарды пайдаланады: бензин бачогінің шүмегін басқаратын тұтқа (1), карбюратордын ауа жапқышын басқаратын тұтқа (5), магнето оталдырғышын ажыраткыш (11), стартерді қосқыш (15), жүргізу құрылғысының редукторын іліністіруді және шестерняны жүргізуді қосуды басқаратын рычаг (27).
Негізгі двигательді жұмысқа әзірлеу үшін декомпрессиялық механизм (декомпрессор) рычагы (8), отын жіберуді баскару рычагы (20), «массаны» қосқыш (20), отын багының шүмегі және айдайтын кол насосы (кабинадан тыс орналасқан) қолданылады.
Тракторды басқару үшін кабинада мынадай рычагтар мен педальдар орналасқан.
Шынжыр табанды трактордың бұрылысын басқару механизмінін рычагтары (9 және 10). Тракторды үлкен доға радиусы бойынша бұру үшін тиісті рычагты жайлап артқа тартады.
Бұраушы моменттің арттырғышын қосатын рычаг (10). Рычагты өзіне қарай тартқанда бұраушы моментті арттырғыш қосылады. Рычаг қосылған қалпында ілгешекпен тоқталады.
Отын жіберуді басқару рычагы (20). Рычагты төмен қарай қозғағанда отынның келуі артады. Отынның келуін тоқтату үшін рычагты ең жоғарғы қалпына ауыстырады.
Бас іліністі басқару педалы (21). Егер педальды аяқпен тірелгенінше басса, бас ілініс ажыратылады.
Қуат алу білігінің рычагы (23). Қуат алу білігін қосу үшін рычагты артқа жылжытады. Ал рычаг алдына қарай жылжытылғанда куат алу білігі ажыратылады.
Оң және сол жақ тежеуішінің педальдары (25 және 26). Тракторды шұғыл бұру үшін бұрылатын жақтың рычагын тартып, сол бұрылатын жағындағы педальды ғана басады.