Жастар — ел ертеңі

Қазіргі таңда әлеуметтанушылар «жастар» деген ұғымды жас ерекшеліктері және сонымен байланысты қызмет түрлерінің негізінде пайда болатын топтасқан көпшіліктің жалпылама жиынтығы ретінде айқындайды.
Қазіргі таңда әлеуметтанушылар «жастар» деген ұғымды жас ерекшеліктері және сонымен байланысты қызмет түрлерінің негізінде пайда болатын топтасқан көпшіліктің жалпылама жиынтығы ретінде айқындайды. Қысқа мағынада, жастар–жас адамдардың әлеуметтік жағдайының ерекшелiктерi, олардың қоғамның әлеуметтік құрылымындағы орны мен қызметі, ерекше құндылықтары мен мүдделері негізінде бөлінетін әлеуметтік – демографиялық топ. ҚР «Мемлекеттік жастар саясаты туралы» Заңына сәйкес 14 жастан 29 жасқа дейінгі адамдарды жастар деп атау қабылданған. Мемлекетіміздің тұрақты даму үдерісіндегі шарттардың бірі – жас ұрпақтың әлеуметтік бағытталуы және азаматтық қалыптасуы үшін ұйымдастырушылық, әлеуметтік – экономикалық және құқықтық жағдайлар жасау және оларды нығайту. Жастар кез келген мемлекеттiң кешендi дамуы үшiн стратегиялық ресурс болып табылады. Жастардың пiкiрлерiн зерттеу, жастар саясатының үрдісіне, жастардың бүгінгі таңдағы құндылықтарына және қазiргi жай – күйiне уақытылы мониторинг жүргізу мемлекет үшiн өте маңызды. Бұл мақсатта ҚР жастар саясатының iске асырылуын зерделеу жөніндегі бірқатар социологиялық және талдамалы зерттеулер жүргiзiлуі аса маңызды болып табылады. ҚР мемлекеттiк жастар саясаты жеткiлiктi нормативтік– құқықтық базамен қамтамасыз етілген. ҚР- да мемлекеттік жастар саясатының тұжырымдамасы бекітіліп, 2004 жылы «Мемлекеттiк жастар саясаты туралы» Заң қабылданды. Білім беруді дамытудың 2020 жылға дейінгі мемлекеттік бағдарламасында, ҚР дамытудың 2020 жылға дейінгі даму стратегиясында, басқа да маңызды стратегиялық құжаттарда жастар саясатына арнайы бөлім арналған. Бiлiм және ғылым министрлігінің құрылымында, аталған саладағы бейіндік мемлекеттік орган болып табылатын Жастар саясаты департаменті жұмыс iстеуде. ҚР мемлекеттiк жастар саясатының негiзгi мақсаты – жастардың азаматтық, әлеуметтiк дербес тұлғалық қалыптасуын жүзеге асыру үшiн қажет құқықтық, экономикалық, ұйымдастырушылық жағдайларды жасау мен нығайту болып табылады. Мақаланы қорытындылай келе, аудандағы жастар саясаты тиімді, алайда біршама біржақты іске асырылуда деген қорытындыға келуге болады. Жастар саясаты аясында жүргізіліп отырған іс – шараларда, сондай – ақ нормативтік құқықтық құжаттарда жастарды әлеуметтік қолдау мәселелеріне жеткілікті түрде мән берілмейді.