Энергетика саласындағы жоспарлау мәселелері

1. Энергетика саласындағы жоспарлау мәселелері
2. Стратегиялық жоспарлау жөнінде жасаған сараптама

Қазақстан Республикасы Еуропалық одақтың мойындауы бойынша нарықтық экономикалық мемлекет мәртебесін иеленді. Жаһандану жағдайында бұл елімізге үлкен жауапкершілік пен экономиканың тұрақты дамуын жүктейді.
Кез-келген ел өзінің тұрақты дамуын қамтамасыз ету үшін ұзақ мерзімді стратегиялық бағдарлама әзірлеп, оның негізінде орта және қысқа мерзімді бағдарламалар қабылдауы мүмкін. Осы орайда, еліміз 1997 жылы «Қазақстан-2030» стратегиялық даму бағдарламасын қабылдап, жаңаша даму жолына түсті.
2030-страгегиясы Қазақстанның экономикалық, саяси және қоғамдық дамуының ұзақ мерзімді бағыттары мен басымдықтарын айқындайтын құжат болып табылады. Оны іске асыру мақсатында елімізде қоғамдық өмірдің түрлі салаларында қажетті бағдарламалар бекітілді.
Мемлекеттің саяси, әлеуметік және экономикалық дамуын жоспарлау- басқарудың барлық деңгейінде маңызды элемент ретінде ерекше мәнге ие. Әлемдік тәжірибе көрсеткендей, мемлекет саясатының тиімділігі мен нәтижелілігі, оның дұрыс таңдаған страгегиясына және ғылыми-негізделген жоспарына және сапалы, уақытылы және нәтижелі орындалуына байланысты. Осы орайда, Президенттің 2009 жылғы 18 маусымдағы «Қазақстан Республикасындағы мемлекеттік жоспарлау жүйесі туралы» №827 Жарлығы қабылданды[1]. Бұл Жарлықтың негізгі мақсаты - нәтижеге бағдарланған мемлекеттік жоспарлаудың жаңа жүйесіне қазіргі уақытта енгізілетін негізгі қағидаттарды құқықтық тұрғыдан бекіту.
Мемлекеттік жоспарлаудың жаңа басқару жүйесі елдің стратегиялық және бағдарламалық құжаттарының тиімді және біртұтас жүйесін құруға, нақты нысаналы нәтижеге қол жеткізу үшін құжаттардың артық түрлерін тәртіпке келтіру және оңтайландыру, бағдарламалық құжаттардың тиімділік иерархиясын түзуге мүмкіндік береді. Сондай-ақ, жоғары деңгейдегі құжаттардан (Қазақстан Республикасы Энергетика және минералды ресурстар министрлігінің Стратегиялық жоспары) төменгі дегейдегі құжаттарды (аймақтық энергетика және коммуналды шаруашылық басқармаларының Стратегиялық жоспары) әзірлеудің қажеттігі мен дұрыстығы туындайды, ал жоғары деңгейде тұрған құжаттардың іске асырылуын бақылау және бағалау төменгі деңгейдегі құжаттардың негізінде жүзеге асырылады. Сондықтан аймақтық бағдарламалар өзара байланыс тауып, біріздендіріледі және жоғары тұрған мемлекеттік органның стратегиялық бағдарламалармен үйлесімдік тауып, жүйеленеді.

Пайдаланылған әдебиеттер:

1. «Қазақстан Республикасындағы мемлекеттік жоспарлау жүйесі туралы» Қазақстан Республикасы Президентінің №827 Жарлығы // Егемен Қазақстан
23.06.2009, 6-бет.
2. Қазақстан Республикасының Энергетика және минералды ресурстар министрлігінің ресми сайты: www. memr. kz