Күнделікті өмір тарихы ғылыми бағыт ретінде

1 Күнделікті өмір тарихы ғылыми бағыт ретінде
2 Күнделікті өмір мәселесін қозғаған алғаш еңбектер

Ғылым дамыған сайын оның әдістері мен зерттеу бағыттарының да көбейе түсері сөзсіз.
ХХ ғасыр - батыс тарихнамасы үшін ғылымда жаңа бетбұрыс жасау ғасыры болды. Себебі тарихты зерттеудің жаңа әдістері пайда болып, кең көлемде тарала бастады. Соның ішінде адам өмірін зерттеуге байланысты қызығушылық артты. Егер осыған дейін ғылымда тек жалпылай тарихи оқиғалар ғана зерттеліп келсе, ендігі кезекте жекелікке көше бастады.
«Күнделікті өмір – бұл жерде адамдар өмірге келеді, өмір сүреді, өмірден кетеді, қуанады, ренжиді, жақсы көреді және жек көреді. Осыған орай тарихшылар ғасырлар бойы күнделікті өмірге мән бермей, көбіне терең әрі қиын мәселелерге көңіл бөлді: патшалар, дипломаттар, саясатшылар өмірі, соғыстар мен революциялар. Күнделікті әлем аймағында ғана адам дүниеге келіп өседі, мәдениет, ғылым, өнер, дін дамиды», – деп И.Б. Бутенко пайымдаған болатын. [1.25б]. Адамдардың күнделікті өмірі - тек әлеуметтік, экономикалық, саяси, мәдени үрдістердің көрінісі емес, тұтас қоғамның бейнесі. Күнделікті тарихты зерттеу арқылы өткенімізге толық баға бере аламыз.
Сонымен, күнделікті өмір тарихы дегеніміз –тарихи білімнің жаңа бағыты, оның зерттеу пәніне тарихи-мәдени, саяси-оқиғалық, этникалық, конфессионалдық контекстегі адамзаттың үйреншікті өмір сүру ортасы жатады. Соңғы он жылдықта күнделікті өмір тарихы заманауи ғылымдар ішінде әлем тарихшыларының ерекше назарын аударған бағыт болып табылады.
Бұл жаңа бағыттың бастауы батыстан басталады, оның ішінде Англия, Франция, Италия, Германия елдерінің тәжірибесін ұмыт қалдыруға болмайды.
Батыс тарихнамасында күнделікті өмір мәселелерін түсіндіруде «Анналдар» мектебінің орны ерекше болды. Сонын ішінде Марк Блок, Люсьен Февр, Фернанд Бродель сиякты ғалымдардың еңбектері зор. М.Блок пен Л.Феврдің ізбасары Фернанд Бродельдің «Материальная экономика и капитализм (XV-XVIII в.в.)» деп аталатын еңбегінің бірінші кітабы «Структуры повседневности: возможное и невозможное» деп аталады. Бұл еңбекте материалдық өмірдің ескішіл тәртібі мен тарихи шындықтың әртүрлі деңгейінде кездесетін шиеленістер, уақыт және кеңістік диагностикасы туралы философиялық тарихи ойлар анық көрінеді.Адам өмірін рәсімдеу мен ұйымдастырудан тұратын (ландшафт, архитектура, бөлменің ішкі көрінісін әзірлеу; іс-әрекет пен қарым-қатынас: әдет-ғұрып, салт-дәстүр, әдеп) «күнделікті құрылым» терминін енгізді [2.5-6б]. Фернанд Бродельдің оқушысы, «Анналдар» мектебінің өкілі, француз тарихшысы Эммануэль Ле Руа Ладюридің 1975 жылы жарық көрген

1. Бутенко И.Б. Социальное познание и мир повседневности: горизонты и тупики феноменологической социалогии.1987.
2. Лебедева Л.В. Повседневная жизнь пензенской деревни в 1920-е годы: традиции и перемены/ Л.В.Лебедева.-М.: Российская политическая энциклопедия (РОССПЭН), 2009.
3. Пушкарева Н.Л. Предмет и методы изучения «Истории повседневности» Этнографическое обозрение. 2004. № 5.
4. Жарасхан А.Ж. «Күнделікті өмір тарихы: зерттеу теориясы мен әдістері»,2012.
5. З.Г.Сактаганова, К.К.Абдрахманова «Повседневная жизнь городов центрального Казахстана».2010 .