Қоғамдық-гуманитарлық бағыттағы бағдарлы оқытудың тұжырымдамасы

1 Тұжырымдаманың мақсаты
2 Міндеттері
3 Білім берудің қазіргі жағдайы
4 Білім берудің қазіргі жағдайы

Қоғамдық-гуманитарлық бағыттағы бағдарлы оқытудың тұжырымдамасы білім берудің нәтижеге бағытталған жаңа моделі жағдайындағы мұғалімдердің мақсаттарын, міндеттерін, қызметінің құрылымдық – мазмұндық моделін, бағытын анықтайтын стратегиялық құжат болып табылады.
Бұл құжат Қазақстан Республикасындағы білім беру аясындағы өлшемді-құқықтық база, Қазақстан Респуликасының "Білім туралы” заңы, Қазақстан Республикасындағы білім берудің 2010 жылға дейінгі мемлекеттік бағдарламасы, Қазақстан Республикасы Президенті Н.Ә. Назарбаевтың "Қазақстан экономикалық, әлеуметтік және саяси жедел жаңару жолында” атты халыққа жолдауы негізінде жасалған.
Білім берудің, адам тұлғасының қалыптасуымен тығыз байланысты сала ретінде, қоғам дамуының жағымсыз тенденцияларын жеңуге мүмкіндігі бар.
Тұжырымдаманың мақсаты – қоғамдық гуманитарлық бағыттағы бағдарлы оқытудың негізгі мазмұны мен даму бағыттарын анықтау.
Міндеттері:
1) қоғамдық гуманитарлық бағыттағы бағдарлы оқытудың қажеттігін дәлелдейтін негізгі факторларды айқындау;
2) қоғамдық гуманитарлық бағыттағы бағдарлы білім беру жүйесін сипаттау;
3) қоғамдық гуманитарлық бағыттағы бағдарлы оқытуды қамтамасыз етуге қойылатын талаптарды әзірлеу;
4) қоғамдық гуманитарлық бағыттағы бағдарлы оқытудың құрылымы мен мазмұнын негіздеу;
5) тұжырымдаманы жүзеге асыру кезеңдері мен одан күтілетін нәтижені анықтау.