Ұсақтау және үгіту үрдісі

1. Кіріспе
2. Негізгі бөлім
А) Ұсақтау және үгіту үрдісі.
Б) Пайдалы кенді ұсақтау.

3. Қорытынды

Байыту фабрикалары қолданылатын өңдеу үрдістеріне байланысты ұсақтап-сорттаушы, жуу, гравитациялық, флотациялық, магниттік байыту және біріктірілген технологиясы бар болып бөлінеді. Пайдалы қазбаларды өңдеу кешенділігінің қазіргі талаптарына сай біріктірілген технологисы бар байыту фабрикалары көп қолданылады.
Байыту фабрикаларына келетін шикізат кесектері үлкен өлшемді (ашық таулы өндіру үшін 1200-1500 мм, ал жер асты өндіру үшін 600-800 мм) болғандықтан ұсақтау мен кішірейту бірнеше сатыда жүргізіледі. Ұсақтау үрдістерін грохоттау операцияларымен, ал кішірейту үрдістерін жіктеу операцияларымен қосып жүргізген дұрыс. Бұл кезде Чеччота деген принцип сақталады, яғни артық ештене ұсақталмайды, классттың ірілігі бойынша үрдістен дайын өнімді уақытында шығарып алу, бұл өнімнің өте қатты кішірейіп кетпеуін болдыртпайды, электр энергиясын үнемдейді және уатқыш пен тартқыштың қызмет көрсетуін ұзартады.
Байыту фабрикасында біріншілік өңдеу үрдісінде минералды шикізат бірінен кейін бірі және бір-бірімен байланысты операциялардан өтеді, оларды төртке бөлуге болады:
1) Дайындық.
2) Негізгі байыту.
3) Қосымша (құрғату, қоюландыру және кептіру).
4) Өндірістік қызмет көрсету үрдістері (сумен, ауамен және электрмен қамтамасыз ету, кенді және өнімдерді тасымалдау және т.б.).
Дайындық үрдістеріне байыту үрдісіне қажет бағалы компоненттерді ашуға және материалды ірілігі бойынша жеткізуге бағытталған ұсақтау және кішірейту операциялары және ірілік класстары бойынша алынған механикалық қоспаны бөлу үшін қолданылатын грохоттау және жіктеу операциялары жатады.
Ұсақтау, кішірейту деп бөлшектердің бір-бірімен ішкі байланысу күшін жоюға бағытталған сыртқы күштердің әсерінен қатты денелердің бұзылу үрдісі аталады.
Ұсақтау және үгіту үрдісі минералды шикізатты бізге қажет ірілігіне байланысты алу үшін қолданамыз. Бұл үрдісте шикізат сыртқы әрекет күшіне ұшырайды. Құрамы өзгереді, сынықтар пайда болады. Қысу, созу, майыстыру, жылжыту кезінде өнім құрамы өзгеріске ұшырайды.
Ұсақтау және үгіту әдістері арқылы өнім негізі қалпына келмейтін өзгеріске ұшырайды.
Бұзу әдісінің негізі:
- езу – бұл қысу кезінде пайда болатын бұзу, 1.7,а-суретте көрсетілген.
- жару – бұл созу кезінде пайда болатын бұзу, 1.7,б- суретте көрсетілген.
- ұру – өнімге динамикалық салмақ түскен кезде пайда болатын бұзу, 1.7,в - суретте көрсетілген.
- уатылу – жылжыту кезінде пайда болатын бұзу, 1.7,г - суретте көрсетілген.
- сыну – майысу кезінде пайда болған бұзу, 1.7,д- суретте көрсетілген.
Үгіту әдісі кеннің физикалық қасиетіне байланысты болады. Кең қолданылатын бұзу әдістері:
- қатты кен үшін – ұру, езу;
- сынғыш кен үшін – жару және сыну;
- тұтқыр кен үшін – уатылу.
Ірі кенді үгітіп қирату жару және езу, ал орташа және ұсақ кенді үгітіп қирату уатылу және сындыру әдісімен жүзеге асады.