«Нұрсишылар» жамағаты

1 Саид Нүрси
2 Өмірі
3 Жастық шағы

“Рисалә-и Нұр” атты кітапшаларды таратып, сол арқылы ислам дінін уағыздап жүрген топ ел арасында нұрсишылар жамағаты деген атпен белгілі. Нұрсишылар сопылық тариқатына жақын жамағат. Ақидада Әл-Мәтуридия тәлімдерін, мазһабта имам Ағзам жолын ұстанады. Олардың уағыздары арнайы басылған кітапшалар немесе тікелей нөмірлі сабақтар (мысалы жиырма бесінші сабақ) арқылы насихатталады. Ағым әдебиеттерінде Құран Кәрім аяттарына түсініктеме әрі талдау жасау, оның жұмбақты құпия-сырларын, Жаратушының бар екенін және бірлігін, адамзат баласын жаратудағы Алла тағаланың мақсатын, өлімнен кейін өмірдің барлығын философиялық тұрғыдағы мысалдармен баяндайды. Сондай-ақ, хазреті Мұхаммедтің пайғамбарлығын, Құран - Алланың сөзі, ақиқат пен шындық кітабы екенін анық, нақты түрде дәлелдеп және ислам негіздері туралы басқа да мыңдаған сауалдарға жауап береді.
Бұл жамағат Түркияның шығыс Анадолыдағы Битлис өлкесінде, Хизан аймағында Ван көлінің маңындағы шағын ғана Нұрс деп аталатын таулы ауылда дүниеге келген Мырзаұлы Сайд Нұрси (1873-1960 ж.) тарапынан құрылған. Ұйым осы кісінің атымен нұрсишылар деп аталады.
Осы кезеңнен бастап ол өзінің атеизм ықпалынан мұсылмандарды арашалау мақсатында “Рисалә-и Нұр” кітапшаларын жазып шығара бастайды. Сайд Нұрсидің еңбектерін бағалаған көпшілік оған “Бадиүз-заман” – “Заманның ғажайып адамы” деген есім берген.
Оның бүгінгі таңда “Әл-Калимат”, “Мактубат”, “Лемалар - Сәулелер”, “Шұғылалар”, “Аса – и Мұса”, “Маснауи Нурия”, “Ишарат әл-Иғжаз”, атты кітаптарынан басқа да бірнеше парақтан ғана тұратын да шығармалары бар.
Қазіргі таңда нұршылар тобы Түркиядағы ең үлкен діни ағымдардың бірі саналады, кейбір мәліметтерге қарағанда бірнеше миллион ұстанушысы бар. Ағым мүшелері өзара ынтымақ пен бірлік қағидаларына берік. 1999 жылдың сәуір айындағы сайлауда олар ешбір партия мүшелерін қолдамады.
Нұршылар туралы Түркияда және шетелдерде қайшы пікірлер жоқ емес. Кейбіреулер бұл топты айыптаса, кейбірі бұл топ заманға сай іс-шараларды ұйымдастырып, үлкен ғылыми істерді амалға асырып жүр деп санайды.