Газ құбырлы двигательдерге қажетті отындар

1. Газ құбырлы двигательдерге қажетті отындар.
2. Отындардың физикалық қасиеттері.
3. Отындардың коррозияға тұрақтылығы.

Газ турбиналары өнеркәсіп, энергетика, басқа да әр турлу салаларда кеңінен қолданылады. Оларды теңіз және өзен кемелерінде, темір жол локомотивтерінде, газ және мұнай айдау станцияларында, тұрақты және жылжымалы электр стансаларында негізгі қозғалтқыштар ретінде орналастырылады. Газ турбиналарының кеңінен қолданылуы олардың басқа дизельдік және бу турбиналы қондырғыларға қарағанда біршама артықшылықтарына байланысты.
Газ турбинасы бір агрегаттан көбірек қуат алуға мүмкіндік береді. Оның өлшемдеріжәне қуат бірлігіне шаққандағы массасы аз – 1,0-1,2 г/(Вт*сағ), бу турбиналарында 21,6 г/(Вт*сағ). Газ турбинасының отынның кез келген түрімен: газ тәріздес, сұйық, тіпті қатты(шаң тәріздес отындар, эмульсиялар және т.б.) отындармен жұмыс істей алу мүмкіндігі оның маңызды артықшылығы болып табылады. СУытатын суды онша қажет етпеуі,тез оталуы және басқарудың қарапайымдылығы, жоғары сенімділігі және пайдаланылған газдардың уыттылығының жоғары еместігі – мұның бәрі газ турбиналарының кең қолданысына себеп болады.
Газ турбиналарының кемшіліктері – ПӘК-нің салыстырмалы түрдегі төмен болуы(дизельде-40%),бу турбиналары үшін – 24-27%. Алайда тұрақты газ турбиналарын пайдаланылған газдарын жылыту немесе ыстық сумен қамтамасыз ету үшін қолдануға болады, бұл олардың ПӘК-ін арттырады.
Газ құбырлы двигателдерге қажетті отындар
Газ құбырлы қондырғы әр түрлі отындармен жұмыс жасай алады. Яғни газ тәрізді отындар мен сұйық отындарда жұмыс жасайды. Отын ретінде кез – келген ыстық, дисперлеуге болатын өнімдер қолданылады. Оларға бензин, керосин, мазут, газ, спирт, тіптен ұнтақталған көмір де қолданылады.
Газ құбырларының отын жүйесі отын бактерінен, төмен және жоғары қысымдағы сораптардан, отын реттегіштерден, дөрекі және нәзік тазалау сүзгілерінен, түтіктерден, форсункалардан тұрады.
Газ құбырлы двигательдерге қажетті отындардың қасиеттері
Отындардың буланғыштығы шектелмейді, алайда отындарға тұтқырлығы және тығыздығы бойынша қойылатын талаптар фракцияоар бойынша құрамын жанама түрде реттейді. Отынды форсункалармен тозаңдатып шашырату дәрежесі, шашыратылған отын жалынының алысқа соққыштығы тұтқырлыққа байланысты.
Газ құбырлары отындарының тұтқырлығы шартты тұтқырлықпен өлшенеді.
Газ құбырларына арналған дистилятты және қалдық отындарды көбінесе 50-80°С-қа дейін қыздырады.
Газ турбиналары отындарды шайырлы-асфальтенді заттардың көп мөлшері болады, олар отындардың беттік керілісін жоғарылатып, оларды шашыратудың сапасын нашарлатады. Газ турбиналарына арналған арнайы отындардың тығыздығы 935кг/м3 –ден артық болмауы керек.
Жақсылап тозаңдатып шашыратылған газ турбиналары отындарының тұтануы және жануы газ ауа трактысының конструкциялық рәсімделуі және жану камераларына ауаның дозаланған мөлшерін беру есебінен тұрақты түрде өседі. Газ турбиналарының жану камерасындағы тұтану және жану үдерістерін ұйымдастыру пайдаланылатын отынның сапасына байланысты.
Ауыр қалдық отындарды қолдану үшін қоспа түзілуді жақсарту, күйік түзілуді, бағыттағыш аппараттар және турбина қалақшаларының кокс қыртыстарының және эрозиясының коррозиялық агрессивтілігін төмендету үшін арнайы шараларды қарастыру қажет.