Жас ұрпақ әлеміне-тағылымды тәрбие

Пән: Педагогика
Жұмыс түрі: Материал
Тегін: Антиплагиат
Көлемі: 5 бет
Таңдаулыға:

Жас ұрпақ әлеміне-тағылымды тәрбие

Сабақтың білімділік мақсаты: тәрбие туралы жан-жақты таныстыру, оқушы бойында дұрыс ой, жаңа ұғым қалыптастыру, жақсы әдеп, әдет қасиеттерін арттыру.

Дамытушылық мақсаты: оқушылардың дүниетанымын кеңейту, шығармашылыққа баулу, ойлау, ізденімпаздық, тапқырлық қабілеттерін дамыту;

Тәрбиелік мақсаты: өзіне-өзі сын көзбен қарау өзін-өзі тәрьиелеуге үйрету, ізгілікке. Мәдениеттілікке, үлкенді сыйлауға, кішіге үлгі бола білуге, санлы, сауатты, салауатты азамат болып, елді қорғай білуге және тәрбие туралы өзіндік көзқарас қалыптастыруға тәрбиелеу.

Түрі: дәстүрлі тәлімдік сабақ.

Әдісі: ой қозғау, сұрақ-жауап талдау, жеке оқушымен, топпен жұмыс.

Көрнекелігі: нақыл сөздер, «Тәрбие бағыттары» диаграммасы «Ой қорғау» ойыны, буклет.

Сабақтың барысы:

"Естілердің айтқан сөздерін ескеріп жүрген кісі өзі де есті болады"

Кіріспе сөз:

«Сәлем - сөз анасы» дегендей, армысыздар оқушылар!

Еңбек Адамгершілік

тәрбиесі Т тәрбиесі

Экономикалық Ә Эстетикалық

тәрбие тәрбие

Халықтық

тәрбие

Салауатты

өмір салтына

тәрбиелеу

Ақыл-ой

тәрбиесі

Дене

И тәрбиесі

Экологиялық

тәрбие

Құқықтық

Е тәрбие

« Миуалы алғашқы барлығы да қарайды» дегендей, колледжіміз ауданымыздағы «қара шаңырақ» екенін мақтан етеміз.

Қазір біз парасатты, тәртіпті, тәрбиелі, оқушылармен бірге тәрбие әлеміне саяхат жасап, «Тағылымды тәрбие - таңғажайып әлем» деген тақырыпты тәлімдік сабақ өткіземіз.

Негізгі бөлім

Тәрбие дегеніміз - баланың сезімін оятып, жақсылық жасауға, мәдиниетті, адамгершілігі мол, білімді, саналы, еңбекқор, ата салтын, ана тілін құрметтейін, «үлкенге - құрмет, кішіге - ізет» жасай білетін адам етіп баулау деген сөз.

Міне, оқушылар сендердің бойларыңа тәрбие дәнін сеуіп, оны көгертіп, гүлдетіп, баптайтын ата-аналар мен ұстаздардың.

«Тәрбие ережеден емес, өнегеден тұрады» деген сөзді басшылыққа ала отырып, тәрбие бағытының жолы сан тарау екенін дәлелдегім келеді.

Тәрбие әлеміне ене отырып, оның әр бағыты бізді неге үйретеді, үйренгеннен қандай жақсы үлгі аламыз. Қандай азамат болып өсетінімізді болжайық.

Адамгершілік тәрбиесі - сендердің күнделікті өмірде жасаған іс-әрекеттерінің айқын көрінісі Бұған үлкенді құрметтеу, кішіні ренжітпеу, ата анағақолғабыс ету, дос қадірін білу, шыншыл болу, әдепте, инабатты болу, барлық жақсы қасиеттерді өз бойларыңа ұялату мысал бола алады.

Мына тәрбиелі сөздер соның дәлелі

«Ағасына қарай інісі, анасына қарай сіңілсі». «Үлкенді сен сыйласаң, кіші сені сыйлайды». «Әдептілік белгісі - иіліп сәлем бергені», «Жақсылық еккен, алғыс орады», т. б.

Эстетикалық тәрбиеге әсемдік әдемілік сөздері саяды. Адам баласының талғам мәдениеті өте жоғары болуы керек. Ол сенің киім киюің, өз-өзіңді ұстауың, сөйлеу мәнерің, қимыл-қозғалысың, көпшілік ортыда ғажап жан болып көрінуің сенің сұлулығыңды, әдемілігіңді, жеке басыңның мәдениетін паш етеді. «Сөз мәнерің өз мәдениетің », «Әдемілік - кісілік бейнесі».

Салауатты өмір салтына тәрбиелеу деп денсаулық және оны сақтау, күту жолдарын үйретіп адам ағызасына кері әсерін тигізетін зиянды заттар арақ, темекі, есірткеден аулақ болып, саналы, салауатты азамат болып өсулері үшін алдын ала сақтандыру, дұрыс жолды таңдауды үйрету. Салауатты өмір сүруге мынадай тәрбиелік сөздер негіз болады: «Арақ - арыңа нұқсан, темекі тегіңе нұқсан», «Есің болса есірткіге жолама», «Ауырып ем іздегенше, ауырмайтын жол ізде».

Дене тәрбиесі - адам баласы үшін бірден-бір қажет тәрбие. Деннің саулығы, мүсіннің сымбаттылығы, денсаулықтың күшті болуы, ең алдымен, денені шынықтырудан, жаттықтырудан бастау алады. Күнделікті дене жаттығуларын үзбеу орындау, таза ауада серуендеу, спорт түрлерімен айналысу, дұрыс тамақтану, тынығу міндетті тәртіпке айналуы қажет. «Дені саудың - жаны сау», «Денсаулық кепілі - тазалық». «Тазалық - саулық негізі, саулық - байлық негізі».

Құқықтық тәрбие. Тәуелсіз елдің азаматтары өз елінде тыныш, тату, бірлікте өмір сүре отырып, өз елінде тыныш, тату, бірлікте өмір сүре отырып, өз құқығын толық пайдалана алады. Заңға бағынуға, қолдауға, еңбек ету, отбасы, қоғамдағы жайларды айтуға құқылы. Біз демократиялы қоғамда өмір сүре отырып ынтымақтастық ниетте өмір сүреміз. Біз сендерді елін сүйетін, қорғайтын азамат - патриот етіп тәрбиелейміз. «Тура биде туған жоқ, туғанды биде жоқ». «Заңды білу - заман талабы», «Өз құқығың - өз қолыңда, еңбек етші өз жолыңда».

Еңбек тәрбиесі. Еңбекті адам өмірінде алатын орны зор. Еңбек етуге, істі әдетке айналдыру, еңбексүйгіш болу, еңбегі арқылы биікке көтерілген азаматтар туралы білу, оны бағалау, оған ұқсауға тырысу, қалаған істі тиянақты орындау, нәтижеге жетуге, ізденіске өзімізді тәрбиелеуіміз керек. Сонда ғана біздің бойымызда құлшыныс, серпіліс, еңбек етуге қызығушылық артады. «Емнің - алды еңбек», «Еңбек- ердің санты, білім - елдің қанаты», «Еңбек етсең ерінбей, тояды қарның тіленбей».

Экономиаклық тәрбие. Қазіргі уақыттағы экономика жүйесін білу, зиян келтірмеуге тырысу, үнемшіл болу, ысырып етпеу және дұрыс пайдалана білу, өзімізді болашақ өмірге дайындап, өз бетінше өмір сүруге ұмытылуымыз қажет. «Ұқсата білгенің - үнемдей білгенің». «Үнем, обал, ысырап, оны білген іс ғажап».

Халықтық тәрбие. Қазақ елін, атамекенді сүю, тарихын білу, дініміз бен тілімізді ардақтау, салт-дәстүрді, әдет-ғұрпты білу, кейінгіге үлгі ету сендердің қолдарыңды, ел болашағы - жастардың қолынды.

«Халық айтса, қалт айтпайды» дегендей халқымыздың бесік жырынан бастап, айтыс, ән-күй өнері, тұсаукесу, шілдехана, сүндет тойы, беташар, салт-дәстүрлер әлі де тарихпен бірге жасасып келеді. Міне, үлыларымызды ұлықтау, қадірлеу, қасиеттерімзді жоймай, дәстүрді дәріптеп, ата-әже пе? «Әкені көріп ұл өсер, ананы көріп қыз өсер», «Қызым саған айтам, келінім сен тыңда».

Ақыл-ой тәрбиесі сендердің таным қабілеттеріңді дамытып, білім қорын игеруге жол ашатын тәлім-тәрбиенің бір сапасы. Біз, ұстаздар танымдық ойындарға қатыстырып, ойлау білуге, саналы бәсекелестікке, көп білуге ұмытылуға дағдыландырып, соған сай біліммен қаруландырамыз «Білімдінің күні жарық, білімсіздің күні ғаріп».

Экологиялық тәрбие Қоршаған ортаны, жасыл бау-бақты, аң-құсты, өзен-көлді, бір сөзбен айтқанда, табиғат әсемділігін сақтау біздің басты парызымыз.

Табиғатты түсіну - өзіңді-өзің түсіну Жаның сұлу болса, сенің сенің айналаң да сұлу болып нұрға бөленеді. Біз Жер, Табиғат, Отан, Атамекен деген ұғымдардың бір-бірімен мәндес, мағыналас екенін түсінеміз «Таза болса табиғат - аман болар адамзат». «Бір тал кессең, он тал ек», «Судың да сұрауы бар», «Бұлақ көрсең, көзінше аш».

-Міне, оқушылар, біз «тірбие» ұғымның мәнін, сырын ұғып, тәрбие салаларының түрлері туралы, жақсы қасиеттерге баулитыны туралы білдік.

«Жерінде - бабасының,

Елінде - атасының,

Көңілде - әжеснің

Қолында - атасының,

Жолында - ағасының

Төсінде - даласының,

Тапқан өз жарасамын,

Мен қаза баласымын», - деп ақын жырлағандай, ата, әже, аға ата-ана тәлімін көрген біздер халық тәрбиесінен бастау алып, қазағымыздың ақыл-нақылын, мақал-мәтелін есітіп өсіп жалымызда тұтқанымыз абзал.

Бәріміз бірге «Ой қозғау» деп аталатын сұрақтарға ойлы жауап берейік.

Бала тәрбиесін қадағалайтын мейрімді жан (Ана)
Атанаың баласы болма, . . . (Адамның баласы бол)
Үш қуаныш не? (Алғыс алу, өзіңді көптің іздеуі, ісіңнің өшпеуі)
Әдепті бала - арлы бала, . . . (Әдепсіз бала - сорлы бала)
Жеті қазына не? (Ер жігі, сұлу әйел, берен мылтық, ақыл-білім, жүйрік ат, қырын бүркіт, жүйрік тазы)
Балапан ұядан не көрсе . . . (ұшқанда соны іледі)
Бес анық не? (Тіл, дін, дәстүр, тарих, атамекен)
Үш парыз не? (Ата-ана алдындағы, ұстаз алдындағы, көрші алдындағы)

Осы сөздерден біз қоытынды түйіп, дәстүрден, нақыл сөздерден көп нәрсені біліп, үйреніп жүргеніміз дұрыс деп ой түйіндеймін.

Көрініс: «Ата сөзі»

Қорытынды бөлім

«Әрбір адамда екі түрлі тәрбие болады, біреуі өзгелерден алатын тәрбиесі, » - деп айтылғандай, біз күнделікті өмірімізде отбасымыздан, ұстаздарымыздан, достарымыздан, туған-туысымыздың жақсы істерінен үлгі алып, олардың өнегелі істеріне жанымыз жадырап, қуанып, өзіміз де соларға ұқсауға тырысып, өзімізді тәрбиелейміз.

-Қазір «Мен қандай болуым керек» деген сұраққа жауап беріңіздер

-Міне, балалар, тәрбиелі өте жақсы адам болу үшінбойымыздағы жақсы қасиеттерді дамытуымыз керек екен.

«Тәрбие - тал бесіктен» деген сөздің мағынасына үңілсек, сендер шырылдап, жерге түскен сәттеріңнен тәрбие ананың ақ сүтімен. Әлдиімен, бесік жырымен бойларыңа сіңеді. Ал, өсе келе қоршағн орта, ауыл, табиғат, адмдар қарым-қатынасы сендерді өз тағылымдарына үйрету отырып, жақсы азамат болып өсулеріңе жағдай жасалады.

Міне, біз бүгінгі сабағымызда тәрбиенің сан сапалы жақтарын біле отырып, оны ажырата білдік. Енді мына кестедегі сөздердің тәрбиенің қай түріне жататындығына назар аударайық.

Даналық сөздерімен оза білгеен қазақ халқымызда «Балаңды өз тәбиеңмен тәрбиелеме, өз ұлтыңның тәрбиесімен тәрбиеле» деген сөз бар. Осындай айтылып жатқан қаншама сөз сендер үшін қажеті болып жатса, оны сендер ұғып, санға тоқып, біліп, өссеңдер ол ұстаз еңбегінің текке кетпегені.

«Тоқсан ауыз сөздің тобықтай түйініне» келсек: біз - халықтың нақыл сөзінен сусындаған, аталар сөзімен өсіп-өнген, бабалар, даналар өсетінен тәрбие алған, ұлылар тәрбиесіне тағзым еткен дана халықтың ұрпағымыз.

Біз-тәуелсіз елдің болашақ қырандарымы, ата-анамыздың үміт еткен ұландарымыз, ұстаздың жемісіміз, тәрбиелі елдің тұтқасымыз. Сондықтан осы сөзге лайық болып, білімнің биігінен, тәрбиеніңтөрінен көріне берейік.

Ән: «Атамекен».

- Не білдім?

- Не үйрендім?

- Не білгім келеді?