Арнаулы салық режимдері

Пән: Салық
Жұмыс түрі: Дипломдық жұмыс
Тегін: Антиплагиат
Көлемі: 59 бет
Таңдаулыға:

МАЗМҰНЫ

КІРІСПЕ . . . 6

АРНАУЛЫ РЕЖИМДІ ҚОЛДАНУ ҚАЖЕТТІЛІГІ

1. 1 Жалпы салықтар туралы түсінік және оларды өндіріп алу ерекшеліктері . . . 8

Арнаулы салық режимдерін қолдану қажеттілігі . . . 17

2 ҚР АРНАУЛЫ САЛЫҚ РЕЖИМДЕРІ

2. 1 Шағын бизнес субъектілеріне арналған арнаулы салық режимі және оны талдау . . . 29

2. 2 Шаруа (фермер) қожалықтарына арналған арнаулы салық режимі . . . 39

2. 3 Ауыл шаруашылығы өнімдерін өндірушілерге арналған арнаулы салық режимі . . . 44

3 ОРТА ЖӘНЕ ШАҒЫН БИЗНЕС ЖАҒДАЙЫН ДАМЫТУҒА САЛЫҚ ЗАҢДЫЛЫҒЫНЫҢ ҚОСАР ҮЛЕСІ . . . 49

ҚОРЫТЫНДЫ . . . 59

ҚОЛДАНЫЛҒАН ӘДЕБИЕТТЕР ТІЗІМІ . . . 62

КІРІСПЕ

Қазіргі кезде шағын бизнесті дамыту және қолдау мемлекеттік экономикалық саясатының негізгі бағыттарының бірі болып табылады. Сонымен қатар кәсіпкерлердің ойынша салық қатынастарын реттейтін нормативтік негізінің жетілмегендігінен көптеген қиындықтар кездеседі.

Шағын бизнес өндірістің кейбір түрлері мен нысандарына тән (сауда, қызмет саласы) . Бұл жайлы ҚР ұзақ мерзімді стратегиясында анық жазылған. Дипломдық жұмыс мақсаты - арнаулы салық режимінің экономикадағы маңызы мен кіріс бөлігін толтырудағы алатын орнын толықтай қарастыру.

Осы дипломдық жұмысты жазу барысында басты назар келесі мән - жайларға аударылды:

арнаулы салық режимінің қажеттілігі;
шағын бизнес субъектілерінің арнаулы салық режимдері;
шаруа қожалықтарына арналған арнаулы салық режимі;
ауыл шаруашылық өнімдерін өндіруші заңды тұлғаларға арналған арнаулы салық режимі;
орта және шағын бизнес жағдайын дамытуға салық заңдылығының қосар үлесі.

Осы есептен шаруа қожалықтары шаруашылығының дамуы өз кезегінде халықтың жұмыспен қамтылуына өз әсерін қосады және шаруа (фермер) қожалықтары мен ауыл шаруашылығымен айналысушы кәсәпкерлердің шаруашылығына оң әсерін тигізетінін көреміз.

Сонымен қазіргі таңда мемлекеттің маңызды мәселесі болып кәсіпкерліктің дамуына нақты қолдау көрсету табылады. Осы мәселелерді шешуде заң нормалары өзгертілуде, соның ішінде салық заңдылығы. Осы өзгерістермен бірге мемлекеттік органдар мен кәсіпкерлердің арақатынастары да өзгеруде. Бүгінгі күні кәсіпкер жаңа заңды біледі және қызметтік тәжірибесі бар кәсіпкер ел экономикасына салымның маңыздылығын, мәнін жетік түсінеді. ҚР Президенті шағын кәсіпкерлікті қолдауды және белсенді дамуының шаралары туралы жарлығынан бастап, қаржы министрлігінің салық комитеті мен министрліктің жергілікті салық комитеттерімен едәуір қызмет атқарылды. Мемлекетпен шағын бизнесті қолдау мен дамыту бойынша мақсатты бағытталған жұмыс жүргізілуде.

Салық кодексінде шағын бизнес субъектілері, шаруа (фермер) қожалықтары мен ауыл шаруашылығымен айналысушыларға арнаулы салық режимдері қарастырылған. Арнаулы салық режимдері кәсіпкерліктің жекелеген түрлері бойынша салықтық есеп беру мен төлеудің ерекше тәртібін тағайындауы, салық төлеушілердің салық ауыртпалығының төмендеуіне бағытталған.

Дипломдық жұмыс жазудың әдістемелік нұсқамасы болып, нормативтік - құқықтық актілер, жетекші мамандардың монографиялары, әдебиеттер, газет - журналдар табылады.

1 АРНАУЛЫ РЕЖИМДІ ҚОЛДАНУ ҚАЖЕТТІЛІГІ

1. 1 Жалпы салықтар туралы түсінік және оларды өндіріп алу ерекшеліктері

Қандай да мемлекет боласын тек өзінің матаериалдық - қаржылық негізі бар болғанда ғана өмір сүре алады. Яғни, қарапайым тілмен айтқанда, ол өзінің тікелей функцияларын ақша болғанда ғана атқара алады. Ал ақшаны тек материалдық өндіріспен айналысып, тауарлар өткізу аркылы табуға болады. Оған мемлекет қызметінің жалпы табиғаты келмейді. Мемлекетік қызмет - басқарушылық, ұймдастырушылық қызмет. Мемлекетік қызметшілер өз еңбегімен ешбір тауарлық өнім жасалмайды. Сондықтан мемлекет өзі өмір сүру үшін ақша көзін басқаша іздеуді көздейді. Ол - «мемлекеттік жүйенің өз функциясын атқару үшін қажетті ақша құралдарын мотивациялау және мемлекеттік ақша қорларын жасақтау» деп аталады. Бұл қорларды жасаудың тарихта әр түрлі әдістемелері болған. Соның ішіндегі ең кең таралған классикалық түрі - салықтар. Салық - уәкілетті орган арқылы бірнақты тәртіпте және баянды құқықтық нысанда мемлекет белгілеген, төлеуімемлекеттік мәжбүрлеу шаралары жолымен қамтамасыз етілетін, қайтарымсыз, баламасыз және тұрақты мінездемелердегі, салық субъектісі белгілнген мөлшерлерде мемлекеттік кіріске жасайтын міндетті немесе затай төлем. Салықтың қайтарымсыздық белгісі, оның салық төлеушіге белгілі бір уақыт қайтарып берілмейтінін және де ол үшін мемлекет салық төлеушінің алдында борышты емес екендігін көрсетеді. Яғни мемлекет салық төлегені үшін салық төлеушіге белгілі бір қызмет көрсетуге немесе заттай материалдық көмек беруге еш міндетті емес. Бұл орайда осы бюджетке төленетін міндетті төлемдерден айырмашылығы да сол екенін айта кету керек. Мысалы: салық кодксінде белгіленген «жеке кәсіпкерлерді мемлекеттік тіркелгені үшін » деген алым бар. Ол алымды төлегені үшін мемлекет жеке тұлғаға кәсіпкерлік қызметпен айналысуға рұқсат береді. Яғни, алымның бұл арада қарызы бар салық төлеушіге нақты түрде не үшін алым төлегені түсінікті; айқын. Ал төленген салық оны төлеген салық төлеушіге нақты түрде келешекте қызмет ете ме, жоқ па, бұл белгісіз. Міне салық пен алымның айырмашылығы болып жатыр.

ҚР 1991 жылғы 25 желтоқсанда қабылданған «ҚР салық жүйесі туралы» Заңы, Тәуелсіз Қазақстанның салық жүйесін құрудың ең алғашқы бастамасы болып табылады. Бұл еліміздің экономикасын реформалаудағы істердің бірегейі. Осы мезгілден ел экономикасында бұрын болмаған жаңа құбылыстар іске аса бастады. Оларды атап айтсақ: шаруашылықты жүргізудің еркіндігі; меншік түрлерінің бір - біріне өзара тепе - теңдігі; шаруашылық жүргізуші субъектілер мен мемлекет арасындағы қатынастардың құқықтық негізде жүргізілуі болып табылады. Осы заң бойынша салық төлеушілер мен салық қызметі органдарының құқықтары мен міндеттері, республикалық және жергілікті басқару органдарының да салыққа байланысты қызметтері, құқықтары мен міндеттері айқын бекітілді.

Қабылданған заңға сәйкес 1992 жылдың 1 қаңтарынан ҚР - да:

13 - жалпы мемлекеттік салықтар;

11 - міндетті түрде төленетін жергілікті салықтар мен алымдар;

18 - жергілікті жергілікті салықтар мен алымдар енгізілді. Қазақстан Үкіметі 1995 жылдың басында салық реформасының ұзақ мерзімді концепциясын қабылдады. Бұл құжатта негізінен салық жүйесін, салық заңдылығын бірте - бірте халықаралық салық салу принциптеріне сәйкес қызмет етуге жеткізу көзделген. Жер қойнауын пайдаланушылардың барлығы Қазақстан Үкіметімен контрактіге тұрар алдында Бас салық инспекциясынан салықтың экспертизадан өтулері тиіс.

Салық жүйесінің бір орында, өзгеріссіз тұрып қалуы мүмкін емес. Ел экономикасының дамуы, нарықтық қатынастарға көшу жолында қалыптасатын іс - тәжірибелер экономикасы дамыған елдердің тәжірибелерін талдап - жиынтықтау барысында, салық жүйесі де өзгеріп, дамып, бара - бара жақсара түсуі тиіс.

Салықтың тұрақты міндетті туындататынын төмендегідей мысалмен түсіндіруге болады.

2001 жылғы 12 - ші маусымда қабылданған «салық және бюджетке төленетін басқа да міндетті төлемдер туралы» салық кодексі бойынша Қ. Р. салық жүйесінде 9 салық, 13 алым, 9 төлем түрлері қарастырылған. Осыларға тереңірек үңілсек:1. Салықтар: корпоративтік табыс салығы, жеке табыс салығы, қосымша құн салығы, акциздер, жер қойнауын пайдаланушылардың салықтары мен арнаулы төлемдері, әлеуметтік салық, жер салығы, көлік құралдары салығы, мүлік салығы. 2. Алымдар: заңды тұлғаларды мемлекеттік тіркелгені үшін алым, жеке кәсіпкерлерді мемлекет тіркеуі үшін алым, жылжымайтын мүлікке құқықтарды және олармен жасалған мәмімлерді мемлекет тіркеуі үшін алым, радиоэлектрондық құралдары және жиілігі жоғары құралдарды мемлекет тіркеуі үшін алым, теңіз, өзен, кемелер мен шағын көлемді кемелерді тіркеуі үшін алым, механикалық көлік құралдарымен тіркемелерді немесе тіркеу үшін алым, азаматтық әуе кемелерін мемлекеттік тіркеу үшін алым, дәрі - дәрмек құралдарын мемлекет тіркеуі үшін алым, автокөлік құралдардың Қазақстан Республикасының аумағы арқылы жүру алымы, аукциондардан алынатын алым, ел таңбалық алым, жекелеген қызмет түрлерімен айналысу құқығы үшін лицензиялық алымы, телевизия және радиохабарларын тарату ұйымдарына, радиожиілік спектрін пайдалануға рұқсат беру үшін алым.

Төлемақылар: жер учаскісін пайдаланған үшін төлемақы, жер бетіндегі қазыналарын су ресурстарын пайдаланған үшін төлем ақы, қоршаған ортаны ластаған үшін төлемақы, жануарлар дүниесін пайдаланған үшін төлемақы, орманды пайдаланған үшін төлемақы, ерекше қорғалатын табиғи аумақтарды пайдаланғаны үшін төлемақы, радиожиелік электрін пайдаланғаны үшін төлемақы, сыртқы (көрнекі) жарнаманы орналастырғаны үшін төлемақы, кеме жүретін су жолдарын пайдаланғаны үшін төлем ақы. Мемлекеттік баж. Кеден төлемдері: кеден бажы, кеден алымдары, төлемақы, алымдар.

Егер жеке тұлға жеңіл машина көлігінің иегері болса, онда ол сол көліктің меншік иесі болган күннен бастап, сол меншіктің құқы өткенше, «көлік құралдары салыгын» төлейтін салық төлеуші салып табылады жәнежыл сайын тұрақты түрде аталған салықты төлеп атыруға міндетті сол сияқты егер жеке тұлға үй немесе пәтер алса, онда ол меншік иесі болған күннен бастап, «мүлдік салығы» мен «жер салығын» төлеу міндеті тұрақты түрде туындайды.

Салық тек заңдастырылған нысанды болды, оның табиғатының, өміршеңдігінің заңмен негізделуі деген мағына береді. Яғни белгілі бір объектіге салынатын салықтың заңдастырылған құқықытық негізі - өмір сүруге құқы болуы керек. Айталық, мысалы, «ауамен дем алғаны үшін» деген салық енгізу ойға алынды делік. Осындай салық түрін енгізуге үкіметті органның құқы бар ма, жоқ па? Қалай мұндай салық түрін заңдастыруға болады. Адам жаратылымынан ауамен дем алуға жаратылған. Ал, ауамен дем алғаны үшін салық төлеген жағдайда, қандай шара қолданылмақ? Міне осындай негізсіз түрде түрлі - түрлі салықтар туындамауы үшін оларға өмір сүруге болатын заңдастырылған нысан берілуі керек.

Ал, салықтардың заңмен белгіленетін төлем болатыны, қай мемлекет болмасын өз салық жүйесінде енгізілетін салықтар түрін тек қана заңмен қабылдау арқылы белгіленеді. Заңда аталған салықтар мен төлемдерден басқа да төлемдер түрлерін жасауды ешбір органның салық төлеушіден талап етуге құқы жоқ. Себебі, ол салық туралы заңда белгіленбеген, көрсетілмеген. Сондықтан, мемлекет өз қазынасының кіріс бөлігіне түсетін төлемдерді заң түрінде белгілейді және тек белгіленген төлемдерді, өз міндеттері туындағанда, төлеп отыруды салық төлеушілерге міндеттейді.

Салық белгілерін, мемлекеттік төлемдердің (салық, алым, төлем т. б. ) табиғатын дұрыс ашу үшін қолдана білу азаматтардың құқықтарын сақтай отырып, әрбір төлемді тиімді түрде пайдалану және мемлекеттік кіріс жүйесін ғылыми негізде нысандауға кепілдік берер еді. Салық белгілі бір элементтардан тұратын күрделі құрылым.

Салықтар элементтері салық табиғатын ашатын нысандар болып табылады:

1) Салықтың құқықтық негізі. Бұл салықты төлеу міндеттемесінің неге болатыны туындайтынын айқындайды.

2) Салық субъектісі - салықты не үшін және заттан төлейтінің айқындайды.

3) Салық объектісі - салықты не үшін және заттан төлейтінен айқындайды.

4) Салық шамасы (нормасы) - салықты қандай мөлшерде төлейді, салық салу ставкасы қалай қолданылатынын айқындайды.

5) Салық төлеу тәртібі - салық қандай жолдармен төленетінін анықтайды.

6) Салық бойынша жеңілдіктер - не себеп, салық төлеуші салық төлеуден босатылады немесе аз мөлшерде салық төлеуге құқы бар екенін айқындайды.

Әрбір салықтың табиғатында, құрылымында аталған элементтердің біреуі салықтың бойынан табылмаса, онда ол салық белгіленбеген болып табылады. Тек қана салық бойынша жеңілдіктер кейбір салықтарға қатысты болмауы мүмкін. Ал қалған элементтердің қатысты болуы міндетті. Салықтар белгілері турала салықтар тек заңдастырылған құқықтық нысанда ғана өмір сүре алады. Салықтар элементтерінің кешенді тобы толық қатысты болған жағдайда ғана салық заңды түрде белгіленген, қалыптасқан б. т.

Заң тұрғысынан қарағанда, бұл құқықтық акт нормативтік акт қатарына жатқызылады. Ал нормативтік актіні жариялау нақты салық төлеуші мен мемлекет арасында салық міндеттемесін туындатады. Мөлшері, төлеу тәртібі мен мерзімі салықты белгіленген құқықтық актімен анықталған ақша сомасын мемлекетке берудің салық төлеушіге жүктелген міндеттемесі - салық міндеттемесі деп аталады.

Салық салу объектісінің болуы - салық міндеттемесінен туындауының кепілі. Мысалы, тауарлар өткізу, қызмет көрсету арқылы жеке немесе заңды тұлғалар табыс иегері болса, онда олар міндетті түрде салық төлеуші болып табылада, яғни құқықтық нормативтік актілерге сәйкес олардың мемлекет алдында салық міндеттемесі туындайды. Салық салу объектісі жоқ болған жағдайда, олардың да салық мідеттемесі тоқтатылады.

Жоғарыда айтқандай салық міндеттемесі салық төлеуші мен мемлекет аралығындағы қарым - қатынасты білдіреді. Қазақстан Респуликасында қазіргі кезеңде салықтардың құқықтық негізі болып «Салық және бюджетке төленетін басқа да төлемдер туралы» заң - салық кодексі болып табылады. Салық міндеттемесінде көрсетілген тәртіптік, мөлшерде және мерзімде салықты төлеу закңдылық міндеттемесі жүктелген тұлға - салық субъектісі деп аталады. Салық субъектілері заң және ж. т. болып бөлінеді. Олардың салық төлеу режимдері әр түрлң, олд кей жағдайларда тек өздеріне ғана тиісті төлейтін салық түрлері де әр түрлі.

Қазақстан Республикасының заңдарына сәйкес өз құқықтық меншігінде, шаруашылық жүргізуінде немесе басқаруында оқшауланған мүлкі бар және сол мүлкімен алған міндеттемелері бойынша жауап бере алатын, сот алдында талапкер немесе жауапкер бола алатын ұйым - заңды тұлға болып табылады. Заңды тұлғаның жеке өзіңдік бухгалтерлік есептік тепе - теңдікті немесе сметасы болуы керек және өз аты жазылған мөрі болуы шарт.

Заңды тұлғаның статусы үшін оны ұйымдастыру - құқықтық нысанының (акционерлік қоғам, жауапкершілігі шектелген серіктестік өндірістік кооператив т. б. ) не меншіктік нысанының (мемлекеттік немесе мемлекеттік емес) еш маңызы жоқ, бірақ кейбір салықтың түрін төлеу үшін (мүлік, корпоратвитік табыс салығы, ҚҚС) заңды тұлғаның коммерциялық емес екенінің белгісінің маңызы зор.

Салық субъектісінің бар категориясы - жеке тұлғалар. Салық заңдарына сәйкес салық төлеуші жеке тұлғаларға Қазақстан Республикасының азаматтары шет мемлекеттерінің азаматтары және азматтығы жоқ тұлғалар жатады. Қазақстан Республикасының азаматтарына азаматтығы бар фактісінің өзі салық міндеттемесінің заң бойынша орындауын жүктейді. Ал, шет ел азаматтарына келер болсақ, салық заңына сәйкес, олар кез - келген 12 айлық кезең ішінде 183 күннен артық қасында болса, резидент, болмаса резидент еместұлға болып бөлінеді. Сондай - ақ салық субъектісі салықты алып жүруші - салық алудың нақты ақырғы қорытындысында барлық ауыртпашылықты көтеруші тұлға. Әсіресе, бұл құбылысты жанама салықтармен (ҚҚС, акциздер) бірлестіруге болады.

Салық объектісі - субъект, яғни салық төлеущі салықты не заттан төлейтінің көрсетеді. Салық объектісі болып, мысалы КТС үшін заттардың табысы, жер салығы үшін жердің аудан көлемі, мүлік салығы үшін мүліктің құны т. б. болып табылады. Субъектіде табыстық, жердің немесе мүліктің меншігінде болуы - мемлекеттік солардың негізінде салықты белгілеуге негіз бола алады немесе сол салықты төлеу міндеттемесін туындатады.

Салық төлемінің мөлшерін анықтайтын заңмен белгіленген салық салу шамасы - салық нормасы деп аталады. Көп жағдпйда ол салық салу ставкасы мен салық салу бірлігінің өзара қимылы болып табылады. Салық салу бірлігі дегеніміз салық салу базасын анықтайтын салық объектісінің өлшемі болады. Мысалы, жер салығында салық салу бірлігі болып жер ущаскесінің 1 ГА аумағы табылады. Мүлік салығын алайық. Салық объектісінің, яғни мүліктің құнының, салық салу бірлігі 1 тг болып табылады т. с. с.

Салық салу бірлігіне соларға келетін салық мөлшері - салық салу ставкасы деп аталады. Салық базасының өсуі немесе кемуіне байланысты салық ставкасының өзгеру тәртібі - салық салу әдістемесі деп аталады.

Салық салу әдістемесінің төрт негізгі түрін бөліп атауға болады: теңдік, пропорционалдық, прогрессивтік(үдемелі), регрессивтік(кемімелі) .

Салық мөлшері барлық салық төлемдер үшін нақты белгісінің сома мөлшеріне тең болып немесе салық салу ставкасын қолдану арқылы анықталуы мүмкін.

Теңбе - тең салық салуда барлық төлеушілерден бірдей мөлшерде салық ұсталады. Мысалы, патент арқылы жұмыс потентін, кәсіпкерлік қызметтерінің сипаттамасы бірдей, жеке тұлғалардан есептеліп, ұсталатын салық сомасы барлығы үшін бірдей.

Салық салу ставкасы бойынша салық ұстағанда екі түрлі жағдай болуы мүмкін:

1) салық салу бірлігінене нақты ақшалай сома арқылы салық ұстау әдісі. Мысалы, жер салығы бойынша Қарағанды қаласы үшін 1м ² жерге 0, 2 теңге ставка қолданылды.

2) проценттік ставка қолдану арқылы салық ұстау. Мысалмен айтатын болсақ, КТС - ң ставкасы 30%. Ол барлық заңды тұлғалар үшін (оған тек негізгі құралдары жер болып келетін заттар жатпайды) бірдей.

Тек салық салу базасы, яғни салық салынатын табыстары, әр түрлі борлуы мүмкін. Соған байланысты төлейтін салық сомалары да әр түрлі. Проценттік ставкв\амен салық ұстау ставкасы - пропорционалдық ставка деп те аталады. Мысалы, заттар А мен Б - ның салық салынатын табыстары 1 млн және 2 млн теңге. А 3 теңге (1 млн*30%), ал Б 600 млн теңге(2 млн *30%) салық төлемдері көрсетеді.

Салық сомалары әр түрлі болғанымен, ставка екеуі үшін де бірдей. Көріп отырғанымыздай салық базасы өскен сайын салық сомасы пропорционалды түрде өсіп отырады. Прогрессивтік ставка, салық салу базасының көлемі өскен сайын, үдемелі түрде өсіп отырады, яғни салық төлеушінің табысы ұлғайған сайын, одан ұсталатын салық ауыртпалығыда салық ставкасының үдемелеп өзгеріп өсуіне байланысты көбейе береді. Мысалы, жеке табыс салығын алйық. 15 еселенген жылдық есептік көрсеткішіне (ЖЕК), дейінгі табыс сомасынан 5% ставкамен салық ұсталса, 15 ЖЕК пен 40 ЖЕК аралығындағы табыс сомасынан 8 % ставкамен салық ұсталады. Бұл салық бойынша ең жоғары ставка 20% екенін ескерсек, табыс ұлғайған сайын, ұсталатын салық сомасы ұлғайа беретіні түсінікті.

Регрессивтік ставканың прогрессивтік ставкаға кереғар ставка екені түсінікті. Бұл ставка біздің Қазақстан салық жүйесіндеәзірше қолданылмайды. Дегенмен, АҚШ салық жүйесінің мысалымен түсіндіре кетейік. Әуелде бұл ставка прогрессивтік ставка тәрізді салық салу базасының белгілі бір деңгейіне дейін өсіп отырады да содан кейін кері төмендей бастайды. АҚШ - та 1986 жылғы қабылданған реформа бойынша ерлі - зайыпты адамдардың жылдық табыстары 149250 долларға жеткенше 33% ставкамен салық ұсталса, табыс сомасы әрі қарай өскен жағдайда салық салу ставкасы 28% төмендейді. Салық ставкасының қандай деңгейде экономиканың дамуы үшін олтимальді болып келуі қажет? Бұл экономикада әрдайым толғантып жүрген сұрақ.

Салық ставкасының жобалап өсуі экономиканың дамуына кереғар әсер етері сөзсіз. Осы орайда салық ставкасын белгілеу «азаматтардың төлем мүмкіндігіне» сай келуі факторы еске алына отырып жасалған Лоренц сияқты атақты кесте - сызбаларын еске алуға болады. Бұлардың барлығына ортақ 3 ескеруге тиісті жағдайлар бар:

салық субъектісінің тұрғысынан алғанда, салық барлық азаматтарды қамту керек.
салық объектісінің тұрғысынан алғанда салық салу объектісі барлық азаматтардың «төлем жасау мүмкіндігіне» байланысты анықталу қажет
салық ставкасы тұрғысынан алғанда салық ставкасы анықталғанда салық төлеушінің мүліктің жағдайын әсер ететін барлық факторлар ескерілуге тиісті, салық төлеушінің жеке басының жағдайы, салық салу объектісінің мөлшері және сипаты.

Салық заңдарының белгіленуіне сәйкес салық төлемдерінің салық төлеушіден мемлекетке өтуі - салық төлеу тәртібі деп аталады.

Салық жеңілдіктері: төлеушілердің заңға сәйкес салық төлеуге ішінара немесе толық босатылуы, салық жеңілдіктеріне мыналар жатады: салық салынбайтын төменгі шек - салық объектісінің салықтан толық босатылатын төиенгі бөлігі. Табыс сомасын есептелген мөлшерден төмен түсіру, табыс салығы бойынша пайдаға салынатын салық. Сондықтан төлем мерзімін ұзарту және уақтылы төленбеген салықты есептен шығару жеңілдіктер қатарына жеңілдіктердің кезеңі заң бойынша белгіленген жеңілдіктердің күшінде болатын уақыты.

... жалғасы

Сіз бұл жұмысты біздің қосымшамыз арқылы толығымен тегін көре аласыз.