Зікірді бұрмалаған «исматуллашалар» тобы хақында

1 Исматуллашылардың адасушылығы салдары
2 Дұға ету, зікір салу немесе басқа да ғибадатты атқару
3 Шын сопылар уахи мен шариғатқа амал етеді
4 Исматулла «тақсыр» мен оның сарбаздарын тариқаттың қайсы түріне жатқызған дұрыс?

Елімізде қазақ халқының көрнекті ойшыл ақындары мен тақуа діндарларын бетке ұстап, дініміздегі зікір ғибадатын бұрмалайтын «симатуллашылар» тобы қылаң беруде. Ол «Сенім, Білім, Өмір» қоғамдық бірлестігі деген атпен тіркелген.
Ол топтың басшысы осындағы «сопылардың» пірі Пәкістаннан келген Исматулла Мақсым (суретте). Оның діни көзқарастары мен діни істерін жүзеге асыруда Нарымбай Разбекұлы, Санжар Керімбай, Рахат Мамырбек, Болат Мүрсәлім, Саят Ыбыраев, Ғалым Боқаш сияқты ортаға таынмал сенімді шәкірттері белсенділік танытады екен.
Олардың діни сенім-нанымы мен діни көзқарастары Қазақстан мұсылмандары діни басқармасы ұстанатын әһлус-сунна ақидасы мен Ханафий мазһабына сәйкеспейді. Исматуллашылардың адасушылығы мынау мысалдардан көрінеді:
1.Олардың сөзі мен іч-әрекетінен «зікір» терминін тар аяда түсінетіні байқалады. Олар зікір дегенде «Лә иләһә иллаллаһ» ты айтып, басын щайқап, «һу-һу» – ден әріге бармайды. Алайда, зікір – бұл ұлық әрі кең мағыналы ғибадат. Ол мұсылманның әр іс-қимылынан сезілуі керек. Өйткені, зікір ғибадат, намаз, құрбандық, дұға, Құран оқу, шүкір, тәубә, насихат т.б. ұғымдарды қамтиды. Мұның мағыналарын Алла Тағаланың «Мені еске алу үшін намазды толық орында» («Таһа» сүресі, 14-аят), «Алла сендерге бір зікір түсірді», «Бұл Құран бүкіл әлем үшін бір насихат» деп айтылған аяттарынан кездестіруге болады. Тақуа сопылардың бірі Бәһәуддин Нақшбандидың (р.а.): «Жүрегің Алланың зікірінде, ал, қолың жұмыста (тіршілікте) болсын, деген қағидасы зікірдің ұғымын айқынырақ аша түседі.
2.Бұл топ зікірді мұсылманшылықтың негізгі шарты деп біледі. Біз қашаннан исламда бес парыз (шарт) бар деп келдік. Өйткені, Ибн Омардың (р.а.) риуаятында Пайғамбарымыз (с.ғ.с.) мұсылман үмметіне: «Ислам бес нәрсеге негізделген: Алла Тағаладан басқа тәңір жоқ, Мұхаммед (с.ғ.с.) оның елшісі деп куәлік беру, намаз оқу; Зекет юеру; Қажылыққа бару; Рамазан айында ораза ұстау», – деп бұйырады (бұхари мен Муслим). Мұнда «зікір-исламның негізгі шарты» деген бірде-бір сөз де ұғым да жоқ. Пайғамбар Мұхаммедтен (с.ғ.с.), сахабалардан және діни кітаптардан естімеген шариғатты, біз Исматулла тақсырдан естіп тұрмыз.
3.Зікір аясын тарылтып, ұлық намазды одан бөліп, тәрк ету күпірлік. Зікір ғибадаты мустахаб (істесе дұрыс, істемесе күнәға жатпайтын ғамал). Намаз – есе исламның бес діңгегінің екіншісі саналады.
Алла Тағаланың: «Әрине, намаз мүминдерге белгілі уақытта парыз етілді» («Ниса» сүресі, 103-аят) және «…намазда орында. Күдіксізнамаз арсыздықтан, жамандықтан тыяды» («Әнкадут» суресі, 45-аят) деген аяттары намаздың парыздығын айқындайды.