Дене мәдениеті оқытушысының педагогикалық шеберлігін жетілдіру негіздері

1 Дене мәдениеті оқытушысының педагогикалық шеберлігін жетілдіру негіздері
2 Әдебиеттер

Педагогикалық қызметтің басты мақсаты –тәрбиеленушінің жеке тұлғасын, оның оқытып, үйрету үдерісінде өзін-өзі жетілдіруіне бағыттылығын қалыптастыру.
Педагогикалық қызметтің мақсаты – бұл студенттерді оқытып, үйрету барысындағы олардың сұраныстары, рухани және табиғи мүмкіндіктері ескерілген әлеуметтік және экономикалық даму талаптары.
Оқу жұмысындағы педагог қызметінің мазмұны – жеке тұлғаны дамытудың негізі және жағдайы ретінде олардың пәндік әлеуметтік мәдени тәжірибелерін меңгеруіне бағытталған қызметін ұйымдастыру үдерісі тәрбие жұмыстарының мазмұны тәрбиеленуші мен педагогтың бірлескен қызметі барысындағы оқып, үйренушілердің жеке тұлғалық сапалары мен тәрбие құралдарын қалыптастырумен байланысты.
Оқытушының (жаттықтырушының) оқу және тәрбие жұмыстары тәрбиеленушілердің жеке тұлғасын социялизациялауға, олардың әлеуметтік тәжірибелерді игеруіне бағытталған. Педагогтың оқытушылық (жаттықтырушылық) қызметінде тәрбиеленушілерге әлеуметтік тәжірибесін беруі оқу-тәрбие жұмыстарының әдістері мен тәсілдері арқылы іске асырылады.
Педагогтық қызметтің нәтижесі – бұл студенттердің оқып, үйрену және тәрбиелену деңгейінде айқындалған олардың оқытып, үйрету барысында қалыптастырылған жеке тәжірибесі.
Дене мәдениеті мен спорт саласы бойынша тәрбиеленушілердің оқып, үйрену деңгейі – олардың креативтік және дене қабілеттері мен мүмкіндіктерінің даму көрсеткіші. Оқып, үйренушілердің (студенттер оқытушылар) тәрбиеленгендік деңгейі дегеніміз қоғамдық қатынастармен белгіленген сәйкес келетін нормалар мен ережелерге келетін мінез-құлық, іс әрекет үлгісі болып табылады.
Педагогикалық қызметтің барлық қасиеттері соның жәрдемімен көрінетін негізгі қызметтік бірлік педагогикалық әсер ету болып табылады. Педагогикалық әсер етуді жүзеге асыруды талдау педагогикалық қызметтің логикасын айқындауға мүмкіндік береді. Оқытушының (жаттықтырушының) педагогикалық іс әрекеті (қызметі) дидактикалық мақсаттарды тұжырымдаумен, мазмұнын, құралдарын, оған жету жолдарын және ұсынылған әрекет нәтижесінен бастау алады.
Педагогикалық үдерісті табысты іске асыру үшін оқытушыға (жаттықтырушыға) мыналар қажет:
• оқытып, үйрету мақсаттары мен міндеттеріне сәйкес оқу материалдарын меңгеру деңгейін жоспарлау;
• оқып, үйренушілердің жас және жеке ерекшеліктерін есепке алып педагогқа өз қызметіндегі нысанын және пәнін анықтау;
• оқытып, үйрету мотивациясын қалыптастыру және оқып, үйренушілердің қызметін жандандыру;
• дене мәдениеті мен спорт саласындағы қызметтің негізгі құрылымдық копоненттерін тәрбиеленушілердің меңгеруін қамтамасыз ету;
• оқу-тәрбие үдерісінің жүруін бақылауды және түзетуді іске асыру.
Педагогикалық қызмет тиімді болуы үшін, оқытушыға (жаттықтырушыға) мыналарды білу қажет:
• қызметтің психологиялық құрылымын, оның даму заңдылықтарын;
• оқып, үйренушілердің қажеттілік табиғатын және олардың қызмет мотивін;
• адамның әртүрлі жас кезеңдеріндегі басты қызмет түрлерін;
• ұжымдағы (командадағы) жұмыстардың ерекшеліктерін.

1. Педагогика. Дәріс курсы. – Алматы: «Нұрлы Әлем», 2003. – 368 б.
2. Қоянбаев Ж.Б., Қояенбаев Р.М. Педагогика: Университеттер студенттеріне арналған оқу құралы. –Алматы, 2002-384 б.
3. Әбділлаев Ә.К. Дене мәдениеті мен спорт педагогикасы (лекциялық жинақ)
4. Лихачев Б. Педагогика (курс лекция) Москва. 2006г.
5. Каинова Э.Б. Общая педагогика физической культуры и спорта. Москва. 2007г.