Индустрияға дейінгі экономиканың мәні және негізгі сипаты

1. Алғашқы қауымдық өндіріс тәсілі
2. Азиялық және антикалық өндіріс тәсілдерінің сипаты
3. Феодалдық және көшпенді өндіріс тәсілі

1. Алғашқы қауымдық тарих – адамның пайда болуынан мемлекеттің қалыптасуына дейінгі кезең: адамның, тілдің пайда болуы, шаруашылық іс-әрекеттің, материалдық және рухани мәдениеттің қалыптасуы, еңбек, меншік бөлінісі. Алғашқы қауымдық құрылыс - өндіргіш күштерінің қалыптасу дәуірі: еңбек құралдарын жасау үшін басты материал тас болды, ал тастан тек қарапайым құрал- саймандар жасауға болатын еді.Алғашқы адамдардың техникалық әлсіздігі тек олардың ұжымдық бірлесуімен ғана толтырылуы мүмкін еді. Алғашқы қауымдық қоғам жеке меншікті, мүліктің дифференциясы және қоғамнан шеттетілген мәжбүрлік билікті білмеген.
Алғашқы қауымдық өндіріс тәсілі – бұл ең ұзақ формация, оның басы мен соңы қазіргі күнге дейін анықталмаған (бүгінде оның диапазоны б.ғ.д.1,5 млн. Жылдан 5 мың жылға дейінгі аралықта деп қабылдап отыр). Оның дамуын келесі кезеңдерге бөледі: алғашқы адамдар табыны – алғашқы рулық қауым – алғашқы көршілік қауым.
Қоғам тарихының басы – адамның биологиялық қалыптасуының аяқталуымен ұштасады. Адамның жануарлардан айырмашылығы мен адамның тіршілік етуінің негізгі шарты еңбек құралдарын өндіруге бағытталған іс- әрекет болып табылады.
Еңбек өнімділігі өсуінің екі салдары болды: ұымдастыру тұрғысынан өндірістің даралануы жүрді, ал экономикалық тұрғыдан қосымша өнімнің пайда болуы. Бұл бірінің өндірген қосымша өнімін екіншілердің иемденуіне әкелді. Ал қоғамдық еңбек бөлінісі тауар өндірісін туғызды. Нәтижесінде еркін шеттетілетін жеке меншік пайда болып, оның рулық кезеңдегі жеке меншікпен ерекшелігі эксплуатацияға мүмкіндік берді.
Алғашқы қауымдық өндіріс тәсілінің өндірістік қатынастарының негізгі сипаттары:
1. алғашқы ұжымдардың өндіріс құралдарына ортақ меншігі
2. таптардың болмауы
3. адамның адамды қанауының болмауы
4. өндірілген өнімдердің теңгермелі бөлінісі