Гольф – белсенді демалыстың тамаша түрі

1. Гольф
2. Гольф тарихы.
3. ГОЛЬФ ОЙЫНЫНЫҢ ЕРЕЖЕСІ
4. Этикет
5. Терминология
6. Доппен ойын
7. " Паттинг.грин" .де
8. Қозғалыссыз тұрған доп жылжытылса.
9. Допты көтеру, лақтыру және орнату
10. Кездейсоқ су, жөнделетін аймақ және т.б.
11. Су бөгеуілдері
12. Қорытынды

Гольф дегеніміз жасыл алаңдағы бірінші кадамдардан – ақ қызықтырып әкететін таңғажайып ойын.
Гольфтың дүние жүзі бойынша миллиондаған табынушылар жүрегін жаулап алуының себебтері неде?
Біріншіден, бұл ойынды жалғыз ойнауға болса да, жоқ дегенде бір серіктестің болуы ойынды қызықтыратыны даусыз. Қызықты серіктес табудың ешқандай қиындығы жоқ, өйткені гольф ойынын әр деңгейлі ойыншалар ойнай бере алады. Сонымен қатар гольфта төреші керек жоқ. Әр ойыншы гольф алаңына шығудан бұрын өз нәтижелерін жазып отыратын арнайы карточка алады.

Гольф – белсенді демалыстың тамаша түрі. Ол үлкен тәндік жуктемені талап етпесе де, күш шығындамасаң тағы да болмайды.

Гольф тарихы.
Гольф ойынының пайда болуына байланысты аңыз бойынша, кәдімгі бақташы жағалау бойындағы құм тобелерде кезіп жүріп, байқамай таяқпен домалақ тасты бір соғып, кездейсоқ қоянның ініне кіргізіп жібереді. Кейінірек бақташыға жаңа ермекті ұнатып қалған достары қосылады. Бірнеше уақыттан кейін тастар доптарға, қоянның індері – лункаларға, ал таяқтар – клюшкаларға алмастырылды.

Гольф отаны атағын алуға көптеген мемлекеттер үміттенеді. Мысалы, Голландия елінде kolven ойыны кеңінен тараса, ежелгі Рим тұрғындарында гольф ойынына ұқсас “паганика” ойыны болған. Қытайлықтардың жобалауы бойынша, қазіргі гольфтың арғы алыс атасы біздің заманымызға дейінгі III–II ғасырларда Аспанасты елінде өмір сүрген “гуй ван” ежелгі ойыны. Өз болжамдары франсуздармен бельгиялықтарда да тіршілік етеді.
Соған қарамастан классикалық гольфтың отаны болып, қасиетті Андрей табыты орналасқан және алты ғасыр бұрын тұрғызылған шіркеуі бар кішкене шотландиялық Сент-Эндрюс қалашығы саналады. Дәл осы шіркеу жаймасөрелерінің бірінде қолында клюшка ұстап тұрған адам бейнесін көруге болады.

Алғашқы жазылған гольф атауы және гольф ресми тарихының басы болып қабылданған дерек 1457 жылға жатады. Тура сол кезде Джеймс патша, әскерлерінің осы ойын үшін өздерінің негізгі міндеті - садақ ату жаттығуларынан қашқақтағандықтан, гольф ойынына тыйым салды. Тыйым Шотландия парламентінің қаулысында білдірілді.

Гольф ойыны өзінің дәстүрлері мен аңыздарын қастерлеп – сақтап келе жатқан ерекше бір мәдениет. Мысалы, алғашқы болып әйелдер тарапынан гольф ойыншысы атағына ие болған Шотландия патшайымы Мария Стюарт. Ежелгі гольф – клуб атағы үшін 1744 жылдың наурыз айында құрылған "Джентльмен Голферз" (қазіргі аты - "Онорабл Кампани оф Эдинбург Голферз") және өзінің құрылу мерзімін 1735 жылдан бастап санайтын "Ройял Бергес Гольфинг Сегайити" күні бүгінге дейін талас жүргізуде.

1870 жылы сэр Дэвид Манкрейф және эксвайр Джон Вайт-Мелвин арасындағы таластың шарты бойынша екеуінің кайсысы ұзақ өмір сүрсе, сол қасиетті Эндрю атындағы гольф – клубына осы паридың шарттары жазылған өзінің күміс клюшкасын сыйға тартуға міндетті еді. 13 жылдан кейін клюшканы дәл осы клубқа мистер Вайт-Мелвин сыйға тартады. Сол жылы ол клуб төрағасы қызметіне сайланып, бірақ жаңа міндеттеріне кірісуге үлгермей, қайтыс болады. Оның портреті әлі күнге дейін клубтың шылымшегетін бөлмелерінің бірінде ілулі тұр.