Нарықтық қатынаста салық жүйесі

Кіріспе

Мемлекеттік бюджет түсімдерінің ең басты көзі - салықтар. Өнеркәсібі дамыған елдердің бюджетіндегі салықтардың үлесі 90 пайызды құрайды. Салықтың негізгі түрлеріне табыс салығы, одан басқа қоғамның құқықты мүшелерінің табыстарына, корпорация пайдаларына салынатын салықтар жатады. Өндірістік бірлестіктер, кәсіпорындар, капитал иелері өздері жариялаған мәлімдемелері бойынша салық төлейді.

Салық мәлімдемесі салық төлеушілердің өз табыстарының мөлшері туралы хабары, ал жалдамалы еңбек адамдарынан салық жалақы төлегенде ұсталады.

Табыс салығын алу белгілі бір төменгі деңгейден басталады. Номиналдық табыстың ұлғаюына сәйкес табыс салығын өсірудің базасы жасалады, салық төлеушілердің саны артады, мемлекеттің шоғырландырылған жалпы қаржы-қаражаттары көбейеді. Салық салудың нормасы - салық ставкасы объектінің бір өлшеміне салынған мөлшері. Салық ставкаларының көптеген түрлері бар. Егер табыстың көлеміне байланыссыз салық төлеудің бірыңғай пайызды тағайындалса, олар пропорциялы ставкалар болады. Егер ставкалар табыстың өсуімен көбейсе, онда прогрессивті, үдемелі ставкалар болғаны. Салық салудың тәжірибесінде бір объектіге (мысалы, көлікке) оның құнына қарамастан салынатын қатаң ставкалар кездеседі.

Салық салу жүйесінің басты буыны - бірінші дүниежүзілік соғыс кезінде пайда болған корпорациядан алынатын салық. Салық акционерлік қоғамның таза пайдасынан алынады, яғни жалпы пайдадан басқаларды шегергеннен кейін, мысалы, жедел амортизация, табиғи кендердің азаюы, қайырымдылық қоры төлемдері және тағы басқа шығындар. Көптеген елдерде корпорация пайдаларына салық, салу ставка пропорциялары арқылы жүреді.

Салық салу тарихында жоғары пайдаға салық салу деген де бар. Ол пайданың белгілі мөлшерден артық болуына байланысты салынады. Мұндай шара әдетте төтенше жағдайларда, соғыс , экономикалық күйзеліс кездерінде қолданылады. Табыс салығының қатарына мүлік салығы капиталды пайдаланумен байланысты атқарылған істер салығы да жатады. Бірінші жағдайда салық мүліктің құнына қарай (жер, құрылыс) әрбір адамнан және заңды тұлғалардан алынады.

Капитал иесінен алынатын салық корпорациялардың бағалы қағаздарды сату, сатып алуынан түскен табыстардан алынады.

Тікелей табыс салықтарымен қатар жанама салықтар да маңызды рөл атқарады. Олар тауарлар немесе қызмет көрсету бағаларына қосылады. Бұл салықты тауарды тұтынушылар (сатып алушылар) төлейді. Қаржы ресурстарын бюджетке шоғырландырудың басты құралы тікелей салықтар, алайда жанама салықтардың да рөлі кеміген жоқ.

Жанама салықтар бугінде үш түрге бөлінеді: акциздер, фискалды, монопольді салықтар және кеден салығы. Бұлардың ішіндегі ең бастысы - акциздер. Олар тауар бағаларына немесе қызмет көрсету тарифтеріне қосылады. Әрбір елдің ерекшеліктеріне қарай акциздер халық тұтынатын тауарларға, транспорт, байланыс, тұрмыстық қызмет көрсету турлеріне салынады. Қазіргі кезде акциздің бір түрі - қосымша құнға салынады.

Фискалды (монопольді) салық - мемлекеттің монопольді өндіретін тауарларына салынатын жанама салық. Нақты елдердің ерекшеліктеріне қарай бұлардың қатарында темекі бұйымдары, алкогольдік ішімдіктер, сусындар, тұз және тағы басқа заттар болуы мүмкін. Фискалды (монопольді) салықтың түсімдері әдетте мемлекеттік бюджетке, біраз бөлігі, жергілікті үкіметтің бюджетіне түседі.

Жанама салықтың қатарында кеден, баж алымдары жатады. Олар тауарларды мемлекеттік шекарадан әрі - бері алып өткенде төленетін салықтар. Қазіргі кезеңде, әсіресе шет елдер тауарларынан алынатын кеден салығының маңызы зор. Кеден салығының механизмі арқылы мемлекет белгілі тауарлардың шеттен әкелінуін тежеп, өзінің ішкі рыногын шетелдік бәсекеден қорғайды. Қазіргі мемлекеттердің финанс жүйесінде маңызды рөлді орталық үкіметтің салықтарымен қатар, жергілікті жерлердің салықтары да атқарады. Олардың ішіндегі ең бастылары: меншік салықтары, әр түрлі жанама салықтар (темекі, ішімдікке, жанармайға және т. б. ) .

Жергілікті әкімшіліктің қажеттіктерін өтеуге өз салықтары жетіспегендіктен көптеген елдерде орталық үкіметтің жергілікті органдарға субвенция (көмек) беруі үшін белгілі сомалар бөлінеді. Жалпы, өзінің табиғаты жағынан субвенция дегеніміз - орталық үкіметке түсетін салықтың бір бөлігі, ол жергілікті бюджетке бөлініп беріледі.

Бұл дипломдық жұмыстың өзегі болып салықтық заңдылықтарды бұзғаны үшін қылмыстық және әкімшілік құқық бұзушылық алынып отыр.

Қазақстан өз алдына егемендік алған соңғы 13 жылда осы салық жүйесі бойынша бірнеше деген үлкен заңдар қабылданды. Атап айтқанда 12 маусым 2001 жылғы “Салық және бюджетке төленетін басқада да міндетті төлемдер туралы” Қазақстан Республикасының кодексі қабылданды. 16 шілде 1997 жылы Қазақстан Республикасының қылмыстық кодексі қабылданып онда салық заңдылықтарын бұзғаны үшін арнайы баптар, 30 қантар 2001 жылы Қазақстан Республикасының әкімшілік құқық бұзушылық туралы кодексі қабылданып ондада салық заңдылықтарын бұзғаны үшін арнайы баптар кіргізілді.

1-ТАРАУ. Салықтар, оның жүйесі жӘне Әлеуметтік - экономикалық мӘні

1. 1. Салық туралы ұғым

Салықтар дегеніміз - мемлекеттік бюджетке заңды және жеке тұлғалардан белгілі бір мөлшерде түсетін міндетті төлемдер.

Салықтар - шаруашылық жүргізуші субъектілердің, жеке тұлғалардың, мемлекет пен екі арадағы мемлекеттік бюджет арқылы жүзеге асырылатын, қаржы қатынастарын сипаттайтын экономикалық категория. Салықтардың экономикалық мәні мынада: салықтар шаруашылық жүргізуші субъектілер мен халық табысының қалыптасуындағы қаржылық қатынастардың бір бөлігін білдіреді. Сондай-ақ шаруашылық жүргізуші субъектілер мен халық табысының белгілі бір мөлшерін мемлекет үлесіне жинақтап, жиынтықтаудың қаржылық қатынастарын көрсетеді.

Салықтар мемлекеттің құрылуымен бірге пайда болады және мемлекеттік өмір сүріп, дамуының негізі болып табылады. Мемлекет құрылымының өзгеруі, өркендеуі қашан да болса оның салық жүйесінің қайта құрылуымен, жаңаруымен бірге қалыптасады.

Әрбір мемлекетке өзінің ішкі және сыртқы саясатын жүргізу үшін белгілі бір мөлшерде қаржы көздері қажет. Салықтар - мемлекеттің тұрақты қаржы көзі.

Мемлекет салықтарды экономиканы дамыту, тұрақтандыру барысында қуатты экономикалық тетік ретінде пайдаланады.

Салықтардың мәнін толық түсіну үшін, олардың экономикалық маңызын түсіну қажет. Ал салықтардың экономикалық маңызы, олардың атқаратын қызметіне тікелей қатысты.

Мемлекетте салынатын салықтар түрлерінің оларды құрудың салық жүйелері мейлінше күрделі үлгі (моделі) түрінде көрініс береді, өйткені салықтардың саны, оларды төлеушілер, салық салудың тәсілдері, салық жеңілдіктері көп. Салықтарды төмендегідей әр түрлі белгілері бойынша жіктеп - саралауға болады:

1) салық салу объектісіне және төлеуші мен мемлекеттің өзара қатынасына қарай;

2) пайдалануына қарай;

3) салық алатын органға қарай;

4) объектінің экономикалық белгісіне қарай;

5) салық салу объектісінің бағалау дәрежесіне қарай.

Бірінші белгісі бойынша салықтар тіке және жанама болып бөлінеді.

Табысқа немесе мүлікке тікелей салынатын салықтар (пайдаға салынатын салық, жер салығы, мүлікке салынатын салық, табыс салығы) тіке салықтарға жатады.

Жанама салықтар сырттай - тауарлардың бағасы арқылы, оған көрсетілетін қызметтер арқылы (қосылған құнға салынатын салық, акциздер, баж салықтар) алынады. Салық сомаларын тауарлар мен қызметтер өткізілген соң мемлекетке жібереді.

Пайдалану белгілеріне қарай салықтар жалпы және арнайы болып бөлінеді. Жалпы салықтар мемлекет қорына түсіп, пайдаланылуы барысында негізденеді. Арнайы салықтар нақты мақсатқа арналады (мысалы: көлік құралдарына салынатын салынатын салық, көлік құралдарын сатып алуға салынатын және басқа салықтар) .

Салықты алатын, пайдаланатын органға қарай мемлекеттік және жергілікті салықтар болып ажыратылады.

Объектінің экономикалық белгілеріне қарай табысқа салынатын салықтар және тұтынуға салынатын салықтар болып бөлінеді; алғашқылары - салық төлеушінің тапқан табысына салынады; екіншісі тауарлар мен қызметтер тұтыну кезінде төленетін шығындарға салынатын салықтар.

Салық салу объектісін бағалау дәрежесіне қарай салықты нақты және жеке болып бөлінеді. Нақты салықтар - мүліктерді сыртқы белгісіне қарай, нақтылы табыстың түсуі есептелместен (жер салығы, мүлікке, құнды қағаздарға салынатын салық) салынады. Жеке салықтар жеке адамдар мен заңды тұлғалардың қаражат жағдайына байланысты (пайдаға салынатын салық, табыс салығы, мұра немесе сыйға тарту, ауысқан мүліктерге салынатын салық) салынады. Салық салу обьектілерінің есепке алу және бағалату тәсілдеріне қарай, табыс көзі бойынша салық алу сияқты 3 тәсілі бар.

Бірінші жағдайда, салық алынатын объектілердің тізім негізінде, олардың табыс нормаларын көрсете отырып есептеу және салу (жер салығы, мүлік салығы) нақтылы табысты есептемей іске асырылады.

Жарияланымында төлеуші табыстың мөлшерін, қажет жеңілдіктерді және салық сомасын көрсетеді.

Үшінші әдіс бойынша, салық төлеуші жұмыс істейтін заңды тұлғалардың бухгалтериясында есептелініп, сол жерде төленеді.

Қазақстан Республикасының салық жүйесі - салықтарды, адамдар мен баж салықтарының үш тобын, салық қатынастар реттеп отыратын құқықтық нормалар мен оның салық қызметі органдарын (Бас салық инспекциясы мен оның жергілікті органдарын) қамтиды,

Бірінші топқа жалпы мемлекеттік салықтар енеді, оларды алу шарты мен тәртібі Қазақстан Республикасының заңдарына белгіленеді.

Оларға мыналар жатады:

- қосылған құнға салынатын салық;

- пайдаға салынатын салық;

- акциздер;

- құнды, қағаздармен жасалатын операцияларға салынатын салық;

- кеден тарифі мен баж салығы;

- тіркелген (ренталық) төлемдер;

- тасымалдау құралдарына салынатын салық;

- автотасымалдау құралдарын алуға салынатын салық;

- республикаға автомобиль көліктерінің кіруі үшін төлем;

- заңды тұлғалардың мүлкіне салынатын салық;

- азаматтардан, шет елдік азаматтардан және азаматтығы жоқ адамдардан алынатын табыс салығы;

- мемлекеттік баж;

- табиғи ресурстарға салынатын салық.

Екінші топқа Қазақстанның заң актілерімен күшіне енгізілген, нақты ставкалары жергілікті өкілетті шешімдерімен белгіленетін жалпыға бірдей міндетті жергілікті салықтар мен алымдар қамтылған. Оларға мыналар жатады:

- жер салығы;

- жеке адамдардың мүлкіне салынатын салық;

- орман табысы;

- су үшін төлем;

- табысқа салынатын салық;

- кәсіпкерлік қызметті тіркегені үшін алынатын алым;

- кәсіпкерлік қызметтің субъектісі ретінде тіркелмеген азаматтардан алынатын алым;

- заңды тұлғалар мен жеке адамдарды тіркеу алымы;

- мұрагерлік және сыйға тарту тәртібімен ауысқан мүлікке алынатын салық;

Үшінші топ, Жоғарғы құқық органдары берген құқықтарға сәйкес жергілікті өкілетті органдар белгілейтін жергілікті салықтар мен алымдар. Бұл топқа 19 төлем енеді, олардың мына үшеуі салық түрінде:

- курорт аймағындағы өндірістік мақсаттағы объектілер құрылысына салынатын салық;

- автомобиль көлігі, есептеу техникасын және жеке компьютерлерді қайта сатуға салынатын салық.

Салық жүйесі Бас салық инспекциясы мен облыстық, аудандық, қалалық салық инспекцияларынан құралатын мемлекеттік халық қызметін қамтиды. Ол, салықтар және бюджетке міндетті төлемдер туралы республика заңдарының және бағалар мен тарифтер тәртібінің қатаң сақталып, орындалуын жүзеге асырып отырады.

Нарықтық қатынастарының қалыптасуы жағдайында салық жүйесі белгілі бір қағидаларға сәйкес жүргізіледі. Белгілі ғалымдар (Я. Корнаи және басқалар) ұсынған дүниежүзілік тәжірибеде сынақтан өткен қағидалар бар, олар негізінен, мыналар:

1. Салық салудың нысандарын белгілеу барысында қарапайым нысандарды қолданған жөн. Өйткені, төлеушілердің бір бөлігі табыстарын кемітіп көрсетіп, салық төлеуден жалтаруға тырысады.

2. Салық жүйесі мүмкіндігінше бейтарап болуы тиіс. Мемлекет төлеушілерді салық жүйесі арқылы ынталандыруға да, жазалауға да жол бермеуі тиіс. Бұл үшін бюджеттің кіріс бөлігінде табыстарды қысқартудың орнына, шығыс бөлігінде арнайы баптар қарастырылуы тиіс. Бұл ашық істеледі. Салық ставкасы түріне қарамастан бірынғай болуы тиіс. Өнімдердің, қызметтердің жеке түрлерін немесе әлеуметтік топтарды салықтан орынсыз босатуға жол бермеуі тиіс. Әлеуметтік саясат, денсаулық сақтау, мәдениет салаларын мемлекет қаржыландырғанымен, бұл қаржыны салық ставкаларын өзгерту жолымен алуға болмайды. Саяси бірлік жекелеген топтардың қысымына берілмеуі тиіс. Бұл қағида нарықтық экономика тұрғысынан да маңызды қағида. Шынайы бағаларсыз нарық болмайды. Орынсыз салық жеңілдіктері бағада көрініс тауып, әрбір өнімнің нақты құнын бере алмайды.

3. Прогрессивті салықтардың орнына тікелей пропорционалды салықтарды басымдырақ пайдалану. Тіке тұтыну салығына қосылған құнға салынған салық турінде жұмысшылар мен қызметшілердің жалақыларының бірыңғай тіке салығын пайдаға салынатын салықты пайдаланған жөнінде мұндай салықтын ставкалары төлеуші кәсіпорынның меншік нысанына қатыссыз, бірыңғай болуы тиіс.

4. Салық жүйесі экономика қызметінің жақсарып, курделі жұмсалымының өсуіне кедергі келтірмеуі тиіс. Көп жұмыс истегендерге прогрессивті салықты салуға болмайды. Өнімділікке, өндіріске және күрделі салымға салықтардың

ықпалы қандай болатынын ескеру қажет. Егер теріс ықпал жасаса, оны қолданудың реті жоқ.

Салықтың мынадай негізгі қызметтері (функцииялары) бар:

- ретеушілік;

- фискалдық;

- қайта бөлу;

Жоғарыда көрсетілген негізгі функциялармен қатар салықтардың ынталандыру, бақылау функцияларын да атауға болады.

Реттеушілік қызметі - салықтың ең негізгі қызметі. Осы қызмет арқылы салықтар ел экономикасына өз ықпалын тигізеді, яғни салықтық реттеу жүзеге асырылады. Салықтық, реттеудің ең басты мақсаты - өндірістің дамуына ықпал ету. Салық түрлері, салық ставкалары, салық жеңілдіктері, салық салу әдістері салықтық реттеудің тетіктері болып саналады.

Жоғарыда көрсетілген салықтық реттеудің тетіктері тек қана өндірістің дамуын реттеп қана қоймайды. Сонымен қатар ақша және баға саясаты, шетелдік инвесторларды ынталандыру, және кіші кәсіпкерлікті дамыту жұмыстарын жүзеге асырады. Әрине, салықтық реттеу тетіктері тиімді қызмет атқару үшін, олардың басқа да экономикалық тетіктермен тығыз байланыста болуы қажет. Салықтық реттеуде салық ставкалары мен салық жеңілдіктерінің алатын орыны ерекше. Себебі ғылыми негізделмеген, шектен тыс жоғары қойылған ставкалар кәсіпкерлердің ынтасын төмендетіп, өндірістің қарқынын бәсеңдетеді, ал шектен тыс төмен қойылған ставкалар салық төлеушілердің жауапкершілігін азайтып, өндірістің төмендеуіне және мемлекеттік бюджет кірісінің азайуына әкеліп соқтырады. Осы сияқты салық жеңілдіктерінің де тиімсіз жағы және бар. Дамыған елдердің тарихынан салық ставкалары жөнінде мынаны байқауға болады:

А) егер төленетін салық мөлшері салық төлеуші табысының 50 пайызынан асып кетсе, онда ол өндірістің тоқтап қалуына соқтырады;

Э) егер салық мөлшері салық төлеуші табысының 45-50 пайызы аралығында болса, онда жай, ұдайы өндіріске әкеледі;

Б) егер салық мөлшері, салық төлеуші табысының 35-40 пайызы мөлшері аралығында болса, онда ұлғаймалы ұдайы өндіріске әкеледі.

Салықтардың екінші қызметі - фискалдық немесе бюджеттік қызметі. Бұл қызметі (функциясы) арқылы мемлекеттік бюджеттің кіріс бөлімі құрылып, салықтардың қоғамдық міндеті артады. Себебі, салықтар мемлекеттік бюджеттің кірісін топтастыра отырып, әлеуметтік, әскери-қорғаныс, тағы басқа да шаралардың іске асуын қамтамасыз етеді.

Қайта белу қызметі арқылы түрлі субъектілер табысының бір бөлшегі мемлекет пайдасына өтеді. Бұл қызметтің іс-әрекетінің көлемі ішкі жалпы өнімді салықтардың алатын үлес салмағы арқылы анықтайды. Соңғы жылдардағы мәліметтер бойынша Қазақстан Республикасының ішкі өніміндегі салықтардың үлес салмағы 40 пайыздан көбірек болып отыр. Бұл экономикасы дамыған басқа елдерден әлде қайда жоғары. Еліміздегі мемлекет мүддесі үшін қаржы кездерін орталықтамдырудың бір айғағы осы.

Мемлекет мына жоғарыда көрсетілген салықтардың қызметін (функциясын) пайдалана отырып еліміздің салық жүйесін анықтайды. Салық механизмінің қызмет ету жолдарын белгілейді, жалпы экономикалық саясатты негізге ала отырып, салық саясатын анықтайды.

1. 2. Салық, олардың әлеуметтік - экономиканың мәні

Салықтар - белгілі бір көлемде және мерзімді алынатын заң бойынша қарастырылған міндетті төлемдер. Салықтардың экономикалық мәні мынада. Олар - шаруашылық субъектілерінен, азаматтардан ұлттық табыстың бір бөлігін алу жөніндегі өндірістік қатынастардың бір бөлігі. Оны мемлекет өзінің функциялары мен міндеттерін орындау үшін жинайды.

Салықтар мемлекетпен бірге пайда болады және оның өмір сүруінің негізі болып табылады. Мемлекетті ұстау үшін оның азаматтарының ақшалай немесе натуралдық нысанда тұрақты түрде төлейтін жарналары қажет болады. Адамзаттың даму тарихында салықтың нысандары мен әдістері мемлекеттің сұранымдары мен қажеттеріне қарай бейімделіп, өзгерістерге ұшырап отырады. Олардың қызмет ауқымы кеңейіп, әлеуметтік - экономикалық процестердегі рөлі де өзгеріп отырады. Тауар - ақша қатынастары неғұрлым дамыған жүйелерде салықтар да жақсы дамып, оларға мүмккіндігінше әсер етті.

Салықтарды ұтымды ұйымдастырудың классикалық қағидаларын кезінде Адам Смит ұсынған еді. Олар мыналар:

А) салық әрбір төлеушінің табысына қарай салынуға тиіс;

Ә) салықтың мөлшері мен төленетін мерзімі алдын ала әрі нақты белгіленуге тиіс;

В) өндіріп алынатын салықтың шығындары мейлінше аз болуға тиіс.

Бұл қағдаларды қолданылу салық салудағы сорақылықтарды жойып, бұл проуесті реттеді. Сондықтан А. Смит: «төлеушілер үшін салықтар - құлдықтың емес, бостандықтың белгісі», - деп жазды.

Мемлекетке тусетін салық түсімдеріне тән ерекшелік - олар сан алуан қоғам қажеттеріне таратылып пайдаланылады. Салықтардың мемлекет, басқа өкімет органдары белгілейтін сан алуан мақсатқа арналған жарналардан, аударымдардан, төлемдерден айырмашылығы осында. Бұған әлеуметтік сақтандыруға төленетін қатаң нысаналы аударымдар, жарналар, арнайы қорларға аударылатын жарналар мен аударымдар жатады.

Салықтардың мәні олардың функцияларынан көрінеді.

Салықтын, мемлекеттік бюджетке түсуін қамтамасыз ететін фискалдық функциясы ежелден оның бірінші қызметі болып табылады. Тауар - ақша қатынастары, өндіріс дамыған сайын бұл функция мемлекетке қаражаттың көп түсуін қамтамасыз етеді.

Салықтардың қайта белу функциясы шаруашылық жүргізуші түрлері субъектілер табысының бір бөлігін мемлекеттің пайдасын қайта бөлуден көрінеді. Бұл қызметтің ауқымы жалпы пайдасын қайта бөлуден көрінеді. Бұл қызметтің ауқымы жалпы ұлттық табыстағы салықтар үлесімен анықталады; ол ұлттық табыстың мемлекеттену дәрежесін көрсетеді.

Салықтардың үшінші - реттеушілік функциясы мемлекеттің экономикалық қызметі қеңейгенде басталады. Олар қабылданған бағдарламаларға сәйкес халық шаруашылығының дамуына мақсатты түрде ықпал етеді. Сонымен салық формалары таңдалып, оның ставкаларының алыыну әдістері, жеңілділіктері пайдаланылады. Бұл реттеуіштер қоғамдық ұдайы өндірістің құрылымы мен пропорцияларына, қорлану мен тұтынудың көлеміне әсер етеді; оларды ғылыми - техникалық прогресті көтермелеу де қолдану тиімді. Салық реттеуіштерін басқа экономикалық тұтқалармен ұштастырып қолданғанда, мейлінше пәрменді және қажетті нәтиже шығуын қамтамасыз етеді. Салық реттеушілерінің мүмкіндіктері, формалары мен әдістері Мемлекеттік қаржылық реттеу тарауында тереңірек баяндалған.

Мемлекет салық саясатын - салықтар саласындағы іс-шаралар жүйесін әзірленген экономикалық саясатқа сәйкес қоғам дамуының нақты кезеңіндегі әлеуметтік-экономикалық және басқа мақсаттар мен міндеттеріне қарай жүргізеді.

2 -ТАРАУ. Нарықтық қатынаста салық жүйесі

2. 1. Қазақстан Республикасының салық туралы заңның дамуы

Салық мемлекеттік бюджет кірісінің негзгі көзі ретінде мемлекеттің әлеуметтік-бағдарламасын орындауда маңызы зор. Сонымен бірге салық жаңадан құрылған қосымша құнды алудың тәсілі ретінде салық төлеушілердің қаржылық күйіне шешуші әсер жасайды. Сондықтан да бұл мақала салық мәселеріне және салық қызметі органдарының жұмыс көкжиектеріне арналған.

Салық заңын реформалау кезінде біз басты міндетімізге қазіргі салық жүйесін ықшамдауды, салық төлеушілермен әділ қарым-қатынастарды ендіруді алдық, сөйтіп тауар өндірушілер өндірісті инвестендіруге жеткілікті сомадағы қаржы ресурстарын бағыттауға қажетті мүмкіндікке ие болды. Сондай-ақ әділеттік қағидасын қамтамасыз ету мақсатымен көптеген, тіпті еш негізделмеген жеңілдіктер қайта қарастырылды. Қабылданған Салық кодексінің қимылын зерттеу стратегиялық жоспар бойынша есептеулердің ақтайтынын көрсетті. Біз болжаған бюджет жогалтулары Салық кодексіне ескерілген қосымша шығындармен жабылады.

---

Сіз бұл жұмысты біздің қосымшамыз арқылы толығымен тегін көре аласыз.

• Іс жүргізу
• Автоматтандыру, Техника
• Алғашқы әскери дайындық
• Астрономия
• Ауыл шаруашылығы
• Банк ісі
• Бизнесті бағалау
• Биология
• Бухгалтерлік іс
• Валеология
• Ветеринария
• География
• Геология, Геофизика, Геодезия
• Дін
• Ет, сүт, шарап өнімдері
• Жалпы тарих
• Жер кадастрі, Жылжымайтын мүлік
• Журналистика
• Информатика
• Кеден ісі
• Маркетинг
• Математика, Геометрия
• Медицина
• Мемлекеттік басқару
• Менеджмент
• Мұнай, Газ
• Мұрағат ісі
• Мәдениеттану
• ОБЖ (Основы безопасности жизнедеятельности)
• Педагогика
• Полиграфия
• Психология
• Салық
• Саясаттану
• Сақтандыру
• Сертификаттау, стандарттау
• Социология, Демография
• Спорт
• Статистика
• Тілтану, Филология
• Тарихи тұлғалар
• Тау-кен ісі
• Транспорт
• Туризм
• Физика
• Философия
• Халықаралық қатынастар
• Химия
• Экология, Қоршаған ортаны қорғау
• Экономика
• Экономикалық география
• Электротехника
• Қазақстан тарихы
• Қаржы
• Құрылыс
• Құқық, Криминалистика
• Әдебиет
• Өнер, музыка
• Өнеркәсіп, Өндіріс