Математикадан оқу-әдістемелік топтама

1 Жиындардың берілу тәсілдері
2 Жиындардың қиылысуы
3 Қиылысу амалының қасиеттері
4 Жиындардың айырмасы
5 Өзін бақылауға арналған тестік тапсырмалар

«Жиын теориясы ұғымы: жиын ұғымы, жиын элементі, бос жиын, шекті және шексіз жиындар, тең жиындар, ішкі жиын, универсал жиын. Жиындардың берілу тәсілдері. Эйлер дөңгелектері» (1 сағат)
Жиын ұғымы анықтауға болмайтын алғашқы ұғымдардың бірі. Жиынды құрайтын объектілерді жиынның элементтері дейді. Жиындарды латынның бас әріптерімен, оның элементтерін кіші әріптерімен белгілейді.
Жиын мен оның элементтерінің арасындағы қатысты «тиісті», немесе «жатады» деген сөздермен беруге болады да, былай белгілейді . Мысалы, «а объектісі А жиынына тиісті» деген сөйлемді былай жазып көрсетеді: а  А. «b элементі А жиынына тиісті емес» деген сөйлемді былай жазып көрсетеді: b  А, кейде b  А.
Жиындар шекті, шексіз, бос жиын болуы да мүмкін. Бірде-бір элементі болмайтын жиынды бос жиын деп атайды да, оны былай белгілейді: .
Жиындардың берілу тәсілдері
1.Жиынды оның элементтерін атап шығу арқылы беруге болады.
2.Жиынды оның элементтерінің бәріне бірдей ортақ сипаттамалық қасиетін көрсету арқылы беруге болады.
Мысалы жиын 1, 2, 3, 4, 5 сандарынан тұрса, ол жиынды былайша жазып көрсетеді А={1, 2, 3, 4, 5}.
Осы жиынды басқаша, екінші тәсілмен де беруге болады. А={x | x  , x < 6}. Бұл жиын екінші тәсілмен беріліп тұр, атап айтқанда жиынның элементтері натурал сандар және 6-дан кіші болу қасиеттері көрсетілген.
Егер В жиынының кез келген элементі А жиынының да элементі болса, онда В жиыны А жиынының ішкі жиыны деп аталады, В  А символымен жазылады. Бос жиын кез келген жиынның ішкі жиыны болады. Сол сияқты жиынның өзі де өзіне ішкі жиын болады, яғни   А; АА.