Қазақстан Республикасының стратегиялық даму жоспарын әзірлеу жөніндегі әдістемелік ұсынымдар

Пән: Саясаттану
Жұмыс түрі: Материал
Тегін: Антиплагиат
Көлемі: 59 бет
Таңдаулыға:

Қазақстан Республикасы

Экономика және бюджеттік

жоспарлау министрінің

2013 жылғы

№ бұйрығына

1-қосымша

Қазақстан Республикасы

Экономикалық даму және

сауда министрінің

2010 жылғы 1 шілдедегі

№ 101 бұйрығына 1-қосымша

Қазақстан Республикасының стратегиялық даму жоспарын әзірлеу жөніндегі әдістемелік ұсынымдар

1. Жалпы ережелер

1. Осы әдістемелік ұсынымдар Қазақстан Республикасының стратегиялық даму жоспарын (бұдан әрі - Стратегиялық жоспар) әзірлеу жөніндегі тәсілдерді ашады.

2. Стратегиялық жоспарды әзірлеу пайымдауды талдау, модельдеу, қалыптастыру және Стратегиялық жоспардың басым бағыттарын, стратегиялық мақсаттары мен нысаналы индикаторларын айқындау процесін білдіреді.

3. Стратегиялық жоспар Қазақстанның 2030 жылға дейінгі даму стратегиясын іске асыру мақсатында әзірленеді және елдің жоспарлы кезеңдегі әлеуметтік-экономикалық және қоғамдық-саяси дамуының стратегиясын, мақсаттарын, міндеттерін, басым бағыттарын нақтылайды.

1. 1 Негізгі ұғымдар

4. Осы әдістемелік ұсынымдарда мынадай ұғымдар қолданылады:

1) каскадтау - бұл мемлекеттік жоспарлау жүйесінің иерархиясындағы жоғарғы деңгейлердің мақсаттары, міндеттері, нәтижелер көрсеткіштерінің төменгі деңгейлердің тиісті мақсаттары, міндеттері мен нәтижелер көрсеткіштеріне ауысуын білдіретін әдіс. Каскадтау кезінде мемлекеттік жоспарлау жүйесі иерархиясының дәйекті деңгейлері арасында өзара байланыс орнатылады және ол бойынша біртіндеп төмендеу арқылы мемлекеттік жоспарлау жүйесі неғұрлым толық ашылады;

2) квазимемлекеттік сектор ұйымдары - мемлекеттік кәсіпорындар, жауапкершілігі шектеулі серіктестіктер, акционерлік қоғамдар, оның ішінде мемлекет қатысушысы немесе акционері болып табылатын ұлттық басқарушы холдингтер, ұлттық холдингтер, ұлттық компаниялар, сондай-ақ еншілес, тәуелді және Қазақстан Республикасының заңнамалық актiлерiне сәйкес олармен аффилиирленген болып табылатын өзге де заңды тұлғалар;

3) жоспарлы кезең - Стратегиялық жоспар әзірленетін кезең;

4) нысаналы индикатор - Стратегиялық жоспардың мақсатына қол жеткізу дәрежесін айқындауға мүмкіндік беретін сандық өлшенетін көрсеткіш.

2. Стратегиялық жоспарды әзірлеу кезеңдері

5. Стратегиялық жоспарды әзірлеу екі кезеңнен тұрады:

1) стратегиялық талдау;

2) стратегиялық жоспарлау.

6. Стратегиялық талдау - ішкі және сыртқы ортадағы процестер мен үрдістерді мынадай мақсаттарда анықтауға негіз бола алатын елдегі жағдайды талдау:

елдің дамуына мүмкіндіктер мен әлеуетті қауіптердің шеңберін айқындау;

проблемаларды анықтау және проблемаларға себеп-салдарлық талдау жүргізу;

елді дамытудың мүмкін сценарийлерін талдау.

7. Стратегиялық жоспарлау - елдің серпінді бәсекелестік ортада тұрақты әлеуметтік-экономикалық дамуының мақсаттары мен негізгі бағыттарын айқындау, ел болашағына қатысты мүдделі тараптардың мүдделерін анықтау және келісу, нысаналы индикаторлар мен ел дамуының жалпы ұлттық шешуші көрсеткіштерін әзірлеу.

3. Стратегиялық талдау

3. 1. Стратегиялық талдау жүргізу негіздемесі

8. Стратегиялық талдау жүргізу үшін әлемдік үрдістер, Қазақстан Республикасының әлемдік және өңірлік экономикадағы ұстанымдары, елдегі жағдай туралы қолжетімді ақпаратты жинау және оны құрылымдау жүзеге асырылады.

9. Стратегиялық талдауға арналған ақпарат көздері мыналар бола алады:

ұлттық және ведомстволық статистика;

интерактивті семинарлар, іскерлік ойындар, атқарушы және заң шығарушы билік, бизнес, ғылыми жұртшылық өкілдерімен сұхбат;

халық арасында пікіртерім (сауалнама) жүргізу, халықтың және бизнестің қызығушылықтарын анықтау үшін интернет-технологияларды қолдану.

3. 2. Ішкі және сыртқы факторларды талдау

10. Стратегиялық талдау алдағы жоспарлы кезеңде елдің дамуына әсер ететін ішкі және сыртқы факторлар бойынша жүзеге асырылады.

Атап айтқанда, факторлардың мынадай топтарын бөлуге болады:

экономикалық және қаржылық;

демографиялық;

технологиялық;

әлеуметтік және мәдени;

кеңістіктік және экологиялық;

заң шығарушы және реттеуші;

басқарушы.

11. Ішкі және сыртқы факторлар бойынша талдау жүргізу үшін соңғы үш жылдағы деректерді пайдалану ұсынылады.

12. Стратегиялық талдау ел дамуының сыртқы факторлары ретінде қаралатын әлеуметтік-экономикалық және қоғамдық-саяси дамудың жаһандық және елдік үрдістерін талдаудан басталады.

13. Дамудың сыртқы факторлары - мемлекеттік органдар мен бизнестің іс-әрекеттерінен тәуелсіз, қазіргі уақытта және алдағы жоспарлы кезеңде ел дамуына елеулі ықпал ететін шарттар.

14. Дамудың ішкі факторларын талдау белгілі салалар (қызмет салалары (атап айтқанда, экономикада, әлеуметтік салада және т. б. ) бойынша ел туралы толық түсінік береді.

15. Дамудың ішкі факторлары - сыртқы факторлардың әртүрлі өзгерістерін есепке ала отырып стратегияның қалыптасуына негіз болатын ресурстар мен әлеует.

16. Ел ерекшелігін негізге ала отырып елдің дамуына ықпал ететін сыртқы және ішкі факторлардың тізбелері қалыптасады және олар бойынша талдау жүргізіледі.

17. Дамудың ықтимал үрдістерін қалыптастыру үшін ішкі факторларды бағалау басқа елдер тәжірибесімен салыстырылады.

18. Сыртқы және ішкі факторларға, статистикалық деректерге, жүргізілген сұхбаттарға, сауалнамаларға, фокус-топтарға, мүдделі тараптармен консультацияларға жүргізілген талдау нәтижелері, бәсекелестермен салыстырулар жинақталып, жалпыланады.

19. Негізгі тұжырымдар SWOT-талдаудың қағидаттарына сәйкес интеграциялануы мүмкін, бұл өзінің күшті және әлсіз жақтарын анықтауға (ішкі орта) және сыртқы ортадағы мүмкіндіктер мен қауіптерді айқындауға мүмкіндік береді.

20. SWOT-талдау деректері бойынша негізгі артықшылықтар мен кемшіліктер, қолайлы мүмкіндіктер мен әлеуетті қауіптер арасында байланыс орнатылады. Талдау үшін тізбеден неғұрлым елеулі факторлар пайдаланылады және олардың негізінде ішкі және сыртқы факторларға жүргізілген талдау нәтижелері жүйеленеді және елді дамытудың бірнеше сценарийлері әзірленеді (SWOT-талдау кестесі) .

21. Барлық факторлар (ішкі және сыртқы факторлар да) қарастырылып отырған елдің даму стратегиясы үшін маңыздылық критерийлері бойынша бағаланады және оған әсер ететін фактордың дәрежесі айқындалады.

22. Елдің дамуына ықпал ететін артықшылықтар (күшті жақтары) және ел дамуын тежейтін және (немесе) оның дамуына теріс әсер ететін кемшіліктер (әлсіз жақтары) - бұл ел дамуының бақылаудағы ішкі аспектілері.

23. Елдің дамуына оң әсер ететін мүмкіндіктер және ел дамуына теріс әсер ететін, сыртқы ортаның сипаттамаларымен байланысты және ел дамуының әсеріне бағынбайтын қауіптер сыртқы аспектілер болып табылады.

SWOT-талдау кестесі

Мүмкіндіктер

Қауіптер

: Артықшылықтар

Мүмкіндіктер:

1 жиек

Артықшылықтар мен мүмкіндіктер

Қауіптер:

2 жиек

Артықшылықтар мен қауіптер

: Кемшіліктер

Мүмкіндіктер:

3 жиек

Кемшіліктер мен мүмкіндіктер

Қауіптер:

4 жиек

Кемшіліктер мен қауіптер

24. Кестедегі жолдар мен бағандардың қиылысында төрт жиек құрылады.

25. Жиектердің әрқайсысында барлық ықтимал жұп комбинациялар қаралады және стратегиялық жоспарды әзірлеуде ескерілетіндері ерекшеленеді.

26. SWOT-талдау нәтижелері, жалпы алғанда, елді дамыту сценарийлерін әзірлеуге (немесе нақтылауға) қажетті материал ретінде пайдаланылады.

27. 1-жиекте таңдап алынған жұптарға қатысты, сыртқы ортада пайда болған мүмкіндіктерден қайтарым алу үшін артықшылықтарды пайдалану бойынша елді дамыту стратегиясы әзірленеді.

28. Егер жұп 2-жиекте орналасса, онда даму стратегиясы қауіптерді жою үшін артықшылықтарды пайдалануды болжайды.

29. 3-жиектен орын алған жұптар үшін даму стратегиясы пайда болған мүмкіндіктер есебінен бар кемшіліктерді жоюға тырысу үшін құрылады.

30. 4-жиекте орналасқан жұптар үшін кемшіліктерден арылу ғана емес, сондай-ақ төнген қауіпті жоюға мүмкіндік беретін даму стратегиясы әзірленеді.

31. Осы кезеңде елді дамытудың бірнеше сценарийлері әзірленуі және қаралуы мүмкін.

32. Даму сценарийлерін әзірлеу кезеңінде елдің дамуын пайымдау қалыптасады, яғни елдің жоспарлы кезеңнің соңына қарай даму деңгейін көрсететін, стратегиялық жоспарды іске асыру салдарынан болатын елдегі өзгерістерді сипаттайтын пайымдау.

3. 3. Проблемаларды талдау

33. Бұл кезеңде проблемаларды тұжырымдау және олардың себеп-салдарлық байланыстарын айқындау жүзеге асырылады.

34. Проблемалар ішкі және сыртқы факторларға жүргізілген талдау, негізгі артықшылықтар мен кемшіліктерді, қолайлы мүмкіндіктер мен әлеуетті қауіптерді талдау (SWOT-талдау) және олардың негізінде әзірленген даму сценарийлері негізінде анықталады.

35. Проблеманы сипаттау қалыптасқан жағдайға теріс көзқарасты білдіреді.

36. Стратегиялық талдаудың осы кезеңінде негізгі проблеманың туындау себептерін және оларды тудыратын салдарды белгілеу, ал кейіннен проблеманы шешу бойынша іс-қимылдар дәйектілігін анық айқындау үшін негізгі проблеманы бөліп қарау мақсатында проблемалар талданады.

37. Проблемалар мынадай критерийлерге сәйкестікке қаралады:

проблема ағымдағы болып табылады, яғни Стратегиялық жоспарды әзірлеу кезінде бар болады;

проблеманы тұжырымдау мүдделі тараптарға қалыптасқан жағдайдың неліктен тиімсіз және нені өзгерту қажет екендігін жеткізу мүмкіндігімен нақты баяндалады;

проблеманы тұжырымдау артық толықтыруларсыз, қысқа да қисынды баяндалады.

38. Проблемалар бір-бірін қайталай алмайды. Егер бірнеше проблемалар мағынасы жағынан жақын болса, олар бірігеді немесе проблемалар арасындағы айқын айырмашылықты белгілеу мақсатында олардың тұжырымдамасы нақтыланады.

39. Барлық ықтимал проблемаларды анықтағаннан кейін, проблемалардың иерархиялық орналасуы және олардың арасындағы себеп-салдарлық байланыстар белгіленеді. Бұл үшін проблемалар бір-бірімен қалайша байланысты екендігіне нақтылау жүргізіледі, яғни «проблемалар-себептер» және «проблемалар-салдарлар» белгіленеді.

Проблемалар арасындағы себеп-салдарлық байланыстар схемасы

40. Егер бір проблема екіншісінің себебі болып табылса, онда оның біреуі бір деңгейге төмендейді, егер ол салдар болса - онда жоғары деңгейге көтеріледі. Егер проблемалар бір-біріне қатысты не себеп, не салдар болып табылмаса, онда олар бір деңгейге орналастырылады.

41. Осыдан кейін негізгі проблема таңдалады, оның шешіміне стратегиялық жоспарды іске асыру бағытталатын болады. Ол үшін жүргізілген жұмысқа талдау жүргізіледі және мыналар айқындалады:

стратегиялық жоспарды іске асыру нәтижесінде проблемалар қай деңгейге дейін шешіледі (проблемалар - себептер) ;

қай проблемалар өздігінен немесе басқа проблемаларды шешу нәтижесінде шешіледі (проблемалар - салдарлар) .

42. Себептер аяқталатын проблемалардың себеп-салдарлық байланыстары схемасындағы нүкте негізгі проблема болып табылады.

43. Проблемаларды нақты айқындау талдау процесінде аса маңызды болып табылады, өйткені олардың негізінде мақсаттарды қою және оларға қол жеткізудің аса қолайлы шараларын таңдау жүзеге асырылады.

44. Проблемаларды дұрыс тұжырымдау және олардың пайда болуының басты себептерін анықтау, оларды еңсеру бойынша шараларды негізделген түрде таңдау, мақсаттарға қол жеткізу, сондай-ақ күтілетін нәтижелерді айқындауды қамтамасыз етеді.

4. Стратегиялық жоспар

4. 1. Себеп-салдарлық байланыстар

45. Проблемалардың себеп-салдарлық байланыстарының әзірленген схемасы Стратегиялық жоспар, сонымен қатар төмен тұрған деңгейдегі стратегиялық және бағдарламалық құжаттарды, мемлекеттік органдардың стратегиялық жоспарларын жоспарлау мен әзірлеу үшін негізді білдіреді.

46. Әзірленетін Стратегиялық жоспар проблемаларды шешуге шоғырланады. Бұл үшін Стратегиялық жоспардың мақсаттары тұжырымдалады.

47. Себеп-салдарлық байланыстар схемасының құрылымын өзгертпестен, проблемалар тиісті мақсаттарға алмастырылады.

48. Негізгі проблеманы шешу қарастырылып отырған даму сценарийінің негізгі мақсатына қол жеткізуге өзгереді.

49. Схеманың төменгі деңгейінде стратегиялық мақсатқа қол жеткізу үшін орындалуы қажет мақсаттар қалыптастырылады.

50. Аса маңызды емес проблемаларды шешу мемлекеттік жоспарлау жүйесінің төмен тұрған деңгейінің құжаттарында көзделуі мүмкін.

4. 2. Стратегиялық мақсаттар

51. Стратегиялық мақсаттармен жоспарлы кезеңнің соңына қарай елдің күтілетін болашақ жағдайы айқындалады, оған қол жеткізу төмен тұрған деңгейдегі құжаттар арқылы Стратегиялық жоспарды іске асыруды қамтамасыз етеді.

52. Әрбір мақсатты сипаттау оның қысқаша тұжырымдамасын, мазмұнды анықтамасын, мақсатқа қол жеткізу деңгейін өлшеуге болатын сандық көрсеткіштердің жиынтығын және жоспарлы кезеңнің соңына қарай қол жеткізілуі тиіс аталған көрсеткіштердің мәндерін (нысаналы мәндер) қамтиды.

53. Стратегиялық мақсаттарды айқындау кезінде мынадай критерийлерді басшылыққа алу ұсынылады:

шынайылық, мақсаттар шынайы болып табылады;

өлшемділік, мақсаттарға қол жеткізуді сандық индикаторлардың көмегімен тексеруге болады;

релеванттық, мақсаттардың Қазақстанның 2030 жылға дейінгі даму стратегиясының мақсаттарымен байланысының болуы;

қолжетімділік, мақсаттар жоспарлы кезеңде әлеуетті түрде қолжетімді болады;

мақсаттың нақтылығы, мақсат тұжырымдамасынан оған қол жеткізу индикаторлары айқын болады.

54. Стратегиялық мақсат тұжырымдамасы қысқа және анық баяндалады және мыналарды:

еркін немесе әртүрлі түсіндіруге жол беретін терминдер, ұғымдар мен сөздер;

мақсатқа қол жеткізу жолдары, құралдары мен әдістерін сипаттауды қамтымайды.

55. Стратегиялық мақсаттардың көп саны ұсынылмайды. Стратегиялық мақсаттардың дұрыс тұжырымдалған жүйесі елдің жоспарлы кезеңдегі өзекті қажеттіліктерінің жиынтығын көрсетеді.

4. 5. Нысананы индикаторлар

56. Елдің дамуын пайымдауды сипаттау жоспарлы кезеңнің соңына қарай даму деңгейі мен мақсаттарға қол жеткізуді бағалауға болатын шешуші нысаналы индикаторларды қамтиды.

57. Әрбір стратегиялық мақсатқа, оған қол жеткізу дәрежесін айқындау үшін нысананы индикатор (аралық және түпкілікті) сәйкес келеді.

58. Нысаналы индикатордың сапалы жағы алдағы онжылдық кезеңге арналған Стратегиялық жоспарды іске асыру шеңберіндегі мемлекет қызметінің нәтижесінде болатын мемлекеттік басқарудың тиісті саласындағы (аясындағы) оң өзгерістердің мәнін, ал сандық жағы - олардың өлшенетін, абсолютті және салыстырмалы шамасын көрсетеді.

59. Нысаналы индикаторлар мынадай критерийлерге сәйкестікке қаралады:

жоспарланған кезеңдегі серпінде көрсеткіштерді салыстыруға мүмкіндік беру;

тұтынушылар үшін бір мәнді түсінікті болу;

көрсеткіштерге қол жеткізуді бағалау үшін жеткілікті ақпараттық және техникалық ресурстардың болуы;

жалпы елдің барлық жұмыс істеу аспектілерінің толық және барабар сипаттамасын беру;

жалпы елдің әртүрлі даму сатыларындағы өзгерістерді көрсету;

қолжетімді және өлшемді болу;

көрсеткіштерге қол жеткізуге мониторинг пен бағалау жүргізу мақсатында аралық мәндердің болуын қамтамасыз етеді.

60. Шешуші өзгерістерден тұратын және анықталған проблемаларды шешуді өте жақсы сипаттайтын және стратегиялық мақсаттарға қол жеткізуді бағалау үшін қажет нысаналы индикаторлар ғана таңдалады.

61. Әрбір нысаналы индикатор үшін ақпарат көздері мен деректерді жинау құралдары айқындалады.

62. Ақпарат көздері мыналарды:

құжаттық растау түрлері, олардың көмегімен тиісті мақсаттарға қол жеткізу фактісін тіркеуге болатын, яғни ақпарат қолжетімді болатын форматты және ақпарат көзін;

ақпарат беру жиілігін (тоқсан сайын, жыл сайын және т. б. ) қамтиды.

63. Нысаналы индикаторлар үшін сәйкес келетін тексеру көздері табылмаса немесе олар бойынша ақпарат жинау көп еңбек етуді қажет етіп, әрі қымбатқа түсетін болса басқаларымен ауыстырылады.

64. Өзге де нысаналы индикаторларды айқындау мүмкін болмаған жағдайда, таңдап алынған нысаналы индикаторлар немесе нәтижелер көрсеткіштері бойынша есептеу әдістемесін (формуласын) көрсетуге және мұндай нысаналы индикаторды бағалық (болжамды) есептеуді қоса беруге болады.

65. Егер нысаналы индикатор үшін ақпарат көзі немесе оны өлшеу тәсілі болмаса, онда басқа нысаналы индикатор әзірленеді.

66. Стратегиялық жоспардың нысаналы индикаторларын әзірлеу кезінде одан әрі оларға қол жеткізуге жауапты болатын орталық және жергілікті мемлекеттік органдар, квазимемлекеттік сектор ұйымдары, ведомстволық бағынысты ұйымдар, құрылымдық бөлімшелер деңгейіне каскадтау қажет болатыны ескеріледі.

5. Стратегиялық талдау және жоспарлау нәтижелерін қолдану

67. Елді дамытудың сыртқы және ішкі факторларын бағалау, SWOT-талдау жүргізу, проблемаларды анықтау, мақсаттарды тұжырымдау, нысаналы индикаторларды әзірлеу нәтижесі елдің даму стратегияларын сипаттау, мемлекеттік билік органдарының, бизнес және басқа мүдделі тараптардың проблемаларды шешуге қажетті іс-қимылдарын тізбектеп жазу болып табылады.

68. Жүргізілген стратегиялық талдау мен жоспарлау нәтижесі ықшамдап баяндау болып табылады:

Стратегиялық жоспарды іске асыру нәтижесінде қандай мақсаттарға қол жеткізіледі;

бұл қалайша жүзеге асырылатын болады;

қандай нәтижелерге қол жеткізіледі және олар қалай өлшенеді;

оны іске асыру үшін қандай тәуекелдер мен қосымша шарттар (жол берулер) туындауы мүмкін.

69. Жоғарыда аталған ақпарат кестеде ел дамуының әрбір таңдап алынған мақсаты бойынша жалпыланады.

70. Бұл кестені толтыру, ең алдымен, схеманың түрлі деңгейлеріндегі тұжырымдамаларды кесте құрылымына ауыстыру арқылы мақсаттардың, себеп-салдарлық байланыстар оның әзірленген схемасы негізінде жүзеге асырылады.

Талдау нәтижелерінің кестесі

Сипаттамасы

Нысаналы индикаторлар

Нысаналы индикаторларды тексеру көздері

Жол берулер мен тәуекелдер

Сипаттамасы: Пайымдау

Нысаналы индикаторлар:

Нысаналы индикаторларды тексеру көздері:

Жол берулер мен тәуекелдер: -

Сипаттамасы: Мақсат

Нысаналы индикаторлар:

Нысаналы индикаторларды тексеру көздері:

Жол берулер мен тәуекелдер:

Сипаттамасы: ….

Нысаналы индикаторлар:

Нысаналы индикаторларды тексеру көздері:

Жол берулер мен тәуекелдер:

Сипаттамасы:

Нысаналы индикаторлар:

Нысаналы индикаторларды тексеру көздері:

Жол берулер мен тәуекелдер:

71. Бұл кестенің көмегімен әзірлеуші мемлекеттік орган қалай қол жеткізгісі келетінін, оны қалайша жүзеге асыратынын, ол үшін не қажет, қандай нәтижелерге қол жеткізеді және қандай қауіптер туындауы мүмкін екендігін анық біле алады.

72. Қорытындысында ел дамуының пайымы, мақсаттары мен нысаналы индикаторларының логикалық өзара байланысы белгіленеді.

73. Стратегиялық жоспардың логикалық құрылымы бірінші баған («Сипаттамасы») толтырылғанша, тігінен төмен қарай жылжи отырып жасалады. Пайымдау мен мақсаттар иерархиясы қисынды деп есептелгенде ғана, «Нысаналы индикаторлар», одан кейін «Нысаналы индикаторларды тексеру көздері» және «Жол берулер» бағаны толтырылады.

74. «Сипаттамасы» бағанында ел дамуының пайымы мен стратегиялық мақсаттың тұжырымдамасы келтіріледі.

75. «Нысаналы индикаторлар» бағанында өлшенетін: 1) мақсаттарға қол жеткізу дәрежесін («Мақсат» жолы) айқындауға мүмкіндік беретін нысаналы индикаторлар және 2) міндеттерді шешу дәрежесін сипаттайтын нысаналы индикаторлар («Міндеттер» жолы) көрсетіледі.

76. «Нысаналы индикаторларды тексеру көздері» бағанында әрбір мақсат пен нысаналы индикаторлар үшін оларды орындауға мониторинг жүргізу үшін қажетті деректерді алу көздері көрсетіледі. Тұжырымдамалар қысқаша толтырылады және ақпарат келіп түсетін мемлекеттік немесе өзге де органның атауы, құжаттың ресми атауы, ақпаратты ұсыну кезеңділігін қамтиды.

77. «Жол берулер мен тәуекелдер» бағанында мыналар көрсетіледі:

мақсаттарға қол жеткізуге жоғары дәрежеде теріс әсер етуі мүмкін жағдайлар (тәуекелдер) ;

мақсаттарға қол жеткізу үшін қосымша жағдайлар жасайтын сыртқы (ішкі) ортаның оң ықпалдары (жол берулер) .

78. Осылайша, жол берулер мен тәуекелдер - бұл мақсаттарға қол жеткізу үшін маңызды болып табылатын, бірақ Стратегиялық жоспарды орындаушылар оларға қандай да бір себептермен әсер ете алмайтын факторлар.

79. Жол берулер мен тәуекелдер стратегиялық талдау кезеңінде жүргізілген SWOT-талдау нәтижелерінің негізінде қалыптастырылады.

80. «Пайымдау» жолында жол берулер мен тәуекелдер келтірілмейді.

6. Стратегиялық жоспарды қалыптастыру

81. Стратегиялық жоспар «Қазақстан Республикасындағы мемлекеттік жоспарлау жүйесінің одан әрі жұмыс істеунің кейбір мәселелері туралы» Қазақстан Республикасы Президентінің 2010 жылғы 4 наурыздағы № 931 Жарлығына сәйкес қалыптасады және оның шеңберінде Қазақстан Республикасының стратегиялық даму жоспарын, Елдің аумақтық-кеңістіктік дамуының болжамды схемасын, мемлекеттік бағдарламаларды, аумақтарды дамыту бағдарламалары мен мемлекеттік органдардың стратегиялық жоспарларын әзірлеу, іске асыру, мониторинг жүргізу, бағалау мен бақылау Ережелері бекітілді.

82. Стратегиялық мақсаттар елдің дамуын пайымдаудан туындайды және иерархиялық құрылымды: пайым - стратегиялық мақсат - нысаналы индикаторды құрайды.

83. Пайымында елдің жоспарлы кезеңнің соңына қарай даму параметрлері ашылады. Стратегиялық мақсаттар пайымның мазмұнын ашады.

84. Стратегиялық талдау жүргізу процесінде алынған ақпарат Стратегиялық жоспардың «Ағымдағы жағдайды талдау» және «Пайымдау» бөлімдерінде көрсетіледі.

85. Стратегиялық жоспарлау процесінде алынған ақпарат негізінде «Ел дамуының басым бағыттары және ел дамуының алдағы кезеңге арналған стратегиялық мақсаттары» бөлімі қалыптастырылады.

86. «Қорытынды» бөлімінде алдағы жоспарлы кезеңге арналған Стратегиялық жоспарды іске асыру бойынша негізгі тұжырымдар келтіріледі.

Қазақстан Республикасы

Экономика және бюджеттік

жоспарлау министрінің

2013 жылғы

№ бұйрығына

2-қосымша

Қазақстан Республикасы

Экономикалық даму және

сауда министрінің

2010 жылғы 1 шілдедегі

№ 101 бұйрығына 2-қосымша

Елдің аумақтық-кеңістіктік дамуының болжамды схемасын әзірлеу жөніндегі әдістемелік ұсынымдар

1. Жалпы ережелер

1. Осы әдістемелік ұсынымдар Елдің аумақтық-кеңістіктік дамуының болжамды схемасын (бұдан әрі - Болжамды схема) әзірлеу жөніндегі тәсілдерді ашады.

2. Болжамды схеманы әзірлеу Болжамды схеманың пайымын талдау, модельдеу, қалыптастыру және басымдықтарын, мақсаттары мен міндеттерін айқындау процесі болып табылады.

1. 2 Негізгі ұғымдар

3. Осы әдістемелік ұсынымдарда мынадай ұғымдар қолданылады:

1) квазимемлекеттік сектор ұйымдары - мемлекеттік кәсіпорындар, жауапкершілігі шектеулі серіктестіктер, акционерлік қоғамдар, оның ішінде қатысушысы немесе акционері мемлекет болып табылатын ұлттық басқарушы холдингтер, ұлттық холдингтер, ұлттық компаниялар, сондай-ақ еншілес, тәуелді және Қазақстан Республикасының заңнамалық актiлерiне сәйкес олармен аффилиирленген болып табылатын өзге де заңды тұлғалар;

2) жоспарлы кезең - Болжамды схема әзірленетін кезең;

3) нәтиже көрсеткіші - Болжамды схеманың міндеттерін шешу дәрежесін айқындауға мүмкіндік беретін сандық өлшенетін көрсеткіш;

4) схема - бұл салалардың, өнеркәсіптік кешендер мен аумақтар дамуының өңірлік стратегиясын негіздейтін ғылыми-индикативтік сипаттағы стратегиялық құжат.

2. Болжамды схеманы әзірлеу

... жалғасы

Сіз бұл жұмысты біздің қосымшамыз арқылы толығымен тегін көре аласыз.