Тәрбиешінің ата-аналармен жүргізілетін жұмысының мазмұны

Білім қазынасын балабақшадағы тәрбиеленуші бүлдіршіндердің бойына сіңіріп, олардың болашақтарына игі ықпал ету міндетіміз. Еліміздің болашағы- ертеңгі тәртіпті де тәрбиелі ұрпақ екені даусыз. Бүгінгі жас ұрпақты тұлға
етіп қалыптастырудың алғашқы баспалдағы – балабақша. Балабақша табалдырығын аттаған сәби жеті жасқа толып алтын ұя мектепке қанат қағады. Осы аралықтағы білім, тәрбие беру жұмысы балабақша тәрбиешілеріне үлкен жауапкершілік жүктейді. Елбасы Н.Назарбаев «Қазіргі заман талабына сай, жан-жақты жетілген, бойында ұлттық санамен ұлттық психология қалыптасқан, имандылық әдебі парасаты бар ұрпақ тәрбиелеу, өсіру, білім беру бүгінгі таңда отбасының, балабақшаның, барша елдің, халықтың міндеті» деп атап көрсетті. Жас ұрпақтың жан-жақты қадыптасуының негіздері мектепке дейінгі мекемеден бастау алады. Мектеп жасына дейінгі баланы қалыптастырып, дамыту үшін оның ішкі дүниесімен қыр-сырын анықтап, мүмкіндіктерімен қабілетінің дамуына жағдай туғызу қажет. Баланың қабілетін қаншалықты ерте ашып, дамытса, оның нәтижесі де соншалықты жемісті болмақ.
Сонымен, еліміздің келешегі жастарда десек, оларды балабақшадан тәрбиелеудің тың жүйесі керек болды. Міне осы мезетте мемлекет басшысының бастамасымен 2010 жылы елімізде «Балапан» бағдарламасы өмірге келді. [1]
Елбасымыз Н.Назарбаевтың «Қазақстан-2050» Стратегиясы-қалыптасқан мемлекеттің жаңа бағыты» атты Жолдауы еліміздің ұзақ мерзімді дамуынағы жаңа белестерді айқындайтын маңызды тарихи құжат болып табылады. Президенттің білім беру, оның ішінде мектепке дейінгі тәрбие мен оқыту мәселесіне тоқталуы, осы сала қызметкерлерінің өз ісіне деген жауапкершілікті арттыра түспек. [2]
Бұл Жолдауда Елбасымыз білім беру саласындағы басымдықтар жайлы бүкіл әлемдегі сияқты, Қазақстан мектепке дейінгі білім берудің жаңа әдістеріне көшу керектігін айта келе, «Балапан» бағдарламасының 2020 жылға дейін ұзартуға шешім қабылдағандығы жайлы айтып өтті. [3]
Оқу-тәрбие үрдісінің тиімділігін көтеру мәселесі мектепке дейінгі мекемелерде біліктілікті жоғары мамандармен қамтамасыз етуге байланысты. Оңтайландыру мәселесіне келгенде, тағы бір оқу-тәрбие үрдісінің тиімділігін арттыратын жол айтуға болады: ол ата-аналарды білім беру үрдісіне қосу. Бұл идея өзлігінен жаңа емес. Ата-аналар баланың жетілуіне аз жауапкершілікте емес, оларға қосымша бала тәрбиелеуге тәсілдеме беруді жүзеге асыру керек. Одан басқа бұл тәсілдеме тәжірибелік қызметті ұйымдастыруда біржақтылықтан құтылдырады, ата-аналарға оқыту мен бала тәрбиелеуде толығымен қатысуына мүмкіндік береді. Мұндай жұмысты ұйымдастыру үшін оқу-тәрбие жұмысын қайта қарау керек. [4]
Ұлы орыс педагогы К.Д.Ушинский аталар мен әжелерді тәрбиенің нәзік түсінетін «табиғи педагогтар» деп санады. Аталар мен әжелер және басқа адамдар үйелменде жеке адамның қалыпстасуына, өсіп жетілуіне орасан зор әсер етеді. Отбасы-барлығының басы, жан-жақты дамуының негізі болатын тәрбие институты.Отбасындағы ата-ана мен баланың қарым қатынас нәтижесінде, адамгершілік, эстетикалық, дене тәрбиесіні алғашқы үлгілері қалыптасады.

1. «Отбасы және балабақша» №5 2013, 4-бет
2. «Отбасы және балабақша» №1 2010, 2-бет
3. «Қазақстан-2050»Стратегиясы-қалыптасқан мемлекеттің жаңа бағыты» // «Оңтүстік Қазақстан», 15 желтоқсан 2012 жыл. 6-бет
4. «Қазақстан мектебі» №6/2008, 48-бет
5. Қазақ халық тәрбиесінің асыл мұрасы А.Қалыбекова Алматы 2011 «Баур»
6. «Отбасы және балабақша» №3 2012, 14-бет
7. Мектепке дейінгі педагогика Ф.Н.Жұмабекова Астана «Фолиант» 2008