Экзистенциализм

1 Экзистенциализм
2 Философияның өзекті мәселесі
3 Экзистенциализм «дағдарыс философиясы»

Экзистенциолизм немесе «ғұмыр кешу философиясы» деп аталған ағым XX ғасырдың 20-жылдарында пайда болып қалыптаса бастады. Антропологиялық бағытқа жататын бұл философиялық ағымды кезінде ешкім елей қоймады. Кейіннен экзистенциализм атышулы философиялық ағымға айналған сәтте, оның хұзырына бас иген адамдар да аз болмады. Экзистенциализмнің көрнекті өкілдеріне Германияда М.Хайдеггер мен К.Ясперс, Францияда Ж.П.Сартр, А.Камью мен Г.Марсель жатады. Экзистенциализмның ой толғау тәсілі дәстүрлі философиялык ой толғау тәсілдернен оқшау, әдеттен тыс үлгіде болғандықтан, алғашқы кезде адамдар оған үрке қараған болатын. Өйткені онын өкілдері ғылымның жолбасшылық құпияларына үңіліп жатпады, көркемөнердің, діннің, ар ілімінің табиғатын ашуға тырыспады және әлемнің ғаламат философиялық тарихи кескінін жасауға да талпынған жоқ. Олар бар зейінін ғұмыр кешудің мағынасына, яғни жеке адамның күнәсі мен жауапкершілігіне, белгілі бір шешім қабылдау қабілетіне, адамның ғүмырлық мақсаттары мен өмірге деген қатынастарын анықтауға аударды. Экзистенциализм философия тарихы көкемөнер, ар ілімі және дін мәселелеріне осы тұрғыдан қарады. Сондықтан да олардың қолданған ұғымдар жүйесі, бейнелеу тәсілі әртүрлі академиялық философиядан оқшау болды да, кѳркемѳнерге жақындық танытты. Сондықтан да Камю, Сартр, Марсельдердің өз эаманында атақты жазушы болғандықтарына еш таң қалуға болмайтын еді.