Е-learning –оқу процесін сапалы ұйымдастыру

1 Е.learning .оқу процесін сапалы ұйымдастыру
2 Е.learning технологиясы
3 Жобаны іске асыру

«Е-learning –оқу процесін сапалы ұйымдастыру үшін компьютерлік технологияларды құрылымдас мақсатты бағытпен қолдану» және «Е-learning –Интернет және мультимедиа көмегімен электрондық оқыту форматында білім алуға негізделген жаңа білім жобасы» деген тұжырымдамамен бастағым келеді. Білім беруді ақпараттандырудың жаңа кезеңі е-learning – электронды оқытуды енгізумен байланысты. E-learning – білімді дамытудың және көптеген дамыған елдерде экономиканы көтерудің негізгі құралы болып отыр.
Бәсекеге қабілетті болу, әлемдік білім кеңістігіне ену, білім беру процесінде дамыған елдердің стандарттарына ұмтылу -бұл қазіргі таңдағы қоғамның дамуының басты міндеттерінің бірі. Еліміз білім беру ісін дамытуда 129 елдің арасында көш бастаушылар қатарында келеді.
Президент Жолдауында әлеуметтік жаңғырту мәселелеріне айрықша назар аударды. «Маңызды мемлекеттік бағдарламаның бірі: білім беру, білім беруді жаңартуды жалғастыру қажет, 2020 жылға қарай білім берудің 12 жылдық үлгісіне толық көшу жүзеге асырылады, 2015 жылға қарай білім беру ұйымдары электронды оқытуды пайдаланатын болады, ал 2020 жылға қарай олардың саны 90 пайызға дейін артады, сондықтан да сапалы білім беру Қазақстанның индустриалдық-инновациялық дамуының негізі болуы тиіс» –деп атап өтті. Елімізде білім беруді дамытудың 2020 жылға дейінгі мемлекеттік бағдарламасының басым бағыттарының бірі – “e-learning” электрондық оқыту жүйесін енгізу. Жаңа бағдарламаның ерекшелігі – жаңашылдығы. Атап айтсақ, бағдарламада білім беру саласына электрондық оқыту жүйесін енгізу жеке бір бағыт ретінде қарастырылған. 2020 жылға дейін еліміздегі мектептердің 90 пайызы электрондық оқыту жүйесіне ауыстырылады деп күтілуде. Оқушылар кез келген білім беретін мәліметті қалаған уақытта алуына қол жеткізбек. Электрондық оқыту жүйесі арқылы ауыл және қала мектептеріндегі білім деңгейлерін теңестіріп, ойлау қабілеті жоғары және технологиялық жағынан сауатты оқушыларды дайындай аламыз. Мұғалімдер мен оқушылар ең үздік әлемдік білім ресурстарын пайдалану мүмкіндігіне ие болады.

1. Мұхамбетжанова С.Т. Толықбаева Ғ.Н., Жартынова Ж.Ә.
2. Электрондық оқыту бойынша мониторингінің жүргізу әдістемелік құралы. Алматы 2011
3. Семченко А.А. Мұхамбетжанова С.Т. Толықбаева Ғ.Н. Жартынова Ж.А. Коровина С. В.Объектіге бағдарланған «MOODLE»ортасы арқылы білім контенттерін жасау. Алматы 2011
4. М.А.Ғалымжанова. «Педагогтардың ақпараттық-коммуникациялық құзырлылығын қалыптастыру бағыттары» Атыр