Дефектология ғылымына жалпы түсінік туралы

Жоспар:
1.1. Дефектология ғылымына сипаттама беру және басқа ғылымдармен байланысы.
1.2. Мектеп жасына дейінгі балалардың психологиялық, физиологиялық сипаттама

Еліміздің әлеуметтік-экономикалық жағынан қарқынды дамуы және оқу-тәрбие жұмысына қазіргі заманның өркениетті бағыттарына сай жаңа өзгерістерді енгізу кезінде ағарту саласының бастауыш мектеп жасы кезеңіндегі тәрбиелеу, білім беру буынында шешуін күткен келелі мәселелер тұр. Яғни, балалардың жеке басын дамыту, ішкі потенциалын ашу, психикалық дамуын, даралық ерекшеліктерін жан-жақты зерттеу негізінде оқу-тәрбие жұмысын балалардың жақын арадағы даму аймағына бағыттау, психикалық және тұлғалық қалыпты дамуын, денсаулығын қамтамасыз ету басты мәселе болып отыр. Білім беру жүйесіндегі негізгі мәселелердің бірі - ұлттың болашағын анықтайтын балалар мен оқушылардың денсаулығы болып табылады. Денсаулық - комплексті түсінік. Ол аурулар мен физикалық ауытқудың болмауын білдіреді, сонымен катар, тұрғылықты жердегі экономикалық, экологиялық, әлеуметтік жанұя жағдайларымен, тамақтану, дәрігерлік көмек сапасымен, педагогтар мен психологтардың балалармен жұмысына байланысты. Өмір бойы адам 80 пайыз ақпаратты көз арқылы қабылдайды. Адамның көру функциясы нашарлауының нәтижесінде даму мүмкіндігі шектеледі. Осы көру қабілеті төмендеген кезінде және нашар көретін жасөспірімдердің психикалық дамуындағы заңдылықтарды зерттейтін ғылымдардың саласы тифлопсихология деп аталды.
Логопедияның басқа ғылымдармен байланысы.
Логопедия көптеген ғылымдармен тығыз байланысты. Әр түрлі сөйлеу бұзылыстарын коррекциялаумен және профилактикалаумен сәтті айналысу үшін тұлғаға жан-жақты әсер ету әдістерін, сөйлеу бұзылыстарының симптомдарын, олардың этиологиясын, механизмдерін, сөйлеу қызметінің сөйлеу құрылымындағы сөйлеуге жататын және жатпайтын сиптомдарын білу қажет.
Байланыстың жүйеішілік және жүйеаралық түрлері бар. Жүйеішілік байланысқа әлеуметтік педагогиканың әр түрлі салалары жатады: сурдопедагогика, тифлопедагогика, олигофренопедагогика; ана тіліне, математикаға үйрету әдістері; логопедтік ырғақ, жалпы және арнаулы психология. Жүйеаралық байланыстарға медико-биологиялық және лингвистикалық ғылымдар жатады.
Логопедияның жаратылыстану ғылымының психофизиологиялық негізі – шартты рефлекторлы байланыстардың қалыптасуын, П.К. Анохиннің функционалды жүйелері туралы, психикалық функцияларды динамикалық локализациялау туралы (И.М. Сеченов, И.П. Павлов, А.Р. Лурия) және сөйлеу қызметі туралы қазіргі заманғы нейропсихолингвистикалық ғылымдарды оқу болып табылады.