Модульдік оқыту тәсілін математикадан өз бетінше білім алу және оқып-үйрену сапасын жақсартуда пайдалану ерекшеліктері

Пән: Математика, Геометрия
Жұмыс түрі: Дипломдық жұмыс
Тегін: Антиплагиат
Көлемі: 54 бет
Таңдаулыға:

Тақырыбы: Модульдік оқыту тәсілін математикадан өз бетінше білім алу және оқып-үйрену сапасын жақсартуда пайдалану ерекшеліктері.

Түйіндеме

Дипломдық жұмыста модульдік оқыту тәсілінің ерекшелігі және оның негізгі құралы оқулық элементті оқушылардың математикадан өз бетінше білім алуы және оқып-үйрену сапасын жақсартуда пайдалану ерекшеліктері мәселелері қарастырылған.

Аннотация

В дипломной работе рассмотрены особенности модульного подхода в обучении и проблемы использования учебного элемента при самостоятельном получении знаний и для улучшения качества обучения по математике учащимися как основного инструмента реализации модульного подхода в обучении.

Abstract

МАЗМҰНЫ

Кіріспе

І Оқушылардың математикадан өзіндік жұмысын

тиімді ұйымдастырудың өзекті мәселелері

Өзіндік жұмыс оқушылардың білім алу қабілетін

көтерудегі ең басты тәсіл . . .

Оқушылардың танымдылық ынтасын

қалыптастырудағы өздік жұмыстың орны . . .

Оқушылардың өз бетімен жұмысты орындау

қабілеттерін арттыру мәселелері . . .

Өздік жұмысты ұйымдастыру мәселесі . . .

ІІ Модульдік оқыту тәсілінің ерекшелігі және оның негізгі құралы оқулық элементті оқушылардың математикадан білім сапасын жақсартуда пайдалану мәселелері

2. 1. Модульдік оқытудың мәні мен маңызы . . .

2. 2. Модульдік оқытудың негізгі компонентасы -

оқулық элемент . . .

2. 3. Оқулық элементті дайындау технологиясының

әдістемелік ерекшелігі . . .

2. 4. Математика курсынан өзіндік жұмысқа арналған

оқулық элементтер дайындау үлгілері

2. 4. 1. Алгебра курсына арналған ОЭ үлгісі . . .

2. 4. 2. Геометрия курсына арналған ОЭ үлгісі . . .

2. 4. 3. Анализ бастамалары курсына арналған ОЭ үлгісі . . .

Қорытынды

Пайдаланған әдебиеттер

Кіріспе

Дипломдық жұмыстың өзектілігі. Қазіргі заманғы кредиттік және қашықтықтан оқыту технологиялары, ақпараттық технологиялар талаптарына сәйкес оқушы, студент өз бетінше білім алу бағытын мейлінше белсендендіруі тиіс.

Ақпараттық оқыту технологиялары негізінен оқушының, студенттің жеке өз бетінше оқып білім алуына арналатын болғандықтан, оның оқулық қызметіне әдістемелік тұрғыда да мүмкіндігінше комфортты жағдай жасалғаны дұрыс болар еді.

Осы жазылып отырған дипломдық жұмыстың негізгі мақсаты өз бетінше білім алғысы келетін оқушыға да, студентке де әдістемелік тұрғыда оның нақты пәнді, біздің жағдайда математика пәнін оқып үйренуіне ыңғайлы, тиімді жағдай жасау.

Мысалы, бұл мәселе, әсіресе, кредиттік және қашықтықтан оқыту, білім алу технологияларын пайдалану және іске асыруда да өзекті мәселеге айналып отыр.

Біздің осы дипломдық жұмыста ұсынып отырған модульдік оқыту тәсілінің ерекшелігі және оның негізгі құралы оқулық элементті оқушылардың математикадан білім сапасын жақсартуда пайдалану оқушының, студенттің теориялық материалды нақты, саналы түсінуіне және оны мазмұнды бекітуіне, өз бетінше біліктілігін тиімді қалыптастыруына, машықтануына толық мүмкіндік жасай алатындығын практика көрсетіп отыр. Мысалы, осы тәсілді пайдалану бір семестрдің ішінде 3 және 4 курс студенттерінің нақты академиялық топтарының біліктілігін біршама жақсартуға мүмкіндік берді. Студенттерге бұл оқыту тәсілі ұнады және тиімді сұранысқа ие болып отыр.

Модульдік оқыту тәсілінің басты ерекшелігі - оның нәтижелігінде. Оқыту алгоритмдерінің қадамдары тізбегі дұрыс анықталған жағдайда ол міндетті түрде оң сапалы білімдік нәтижеге жеткізеді. Сондықтан, бұл тәсіл бойынша өз бетінше оқып-үйренуге және теориялық білімді бекітуге арналған оқулық материалдарды пән мұғалімінің өзі дайындағаны және ұсынғаны жөн. Өйткені, ол өзі оқытып және дәріс беріп жүрген академиялық топтарды (сыныптағы оқушыларды) жақсы біледі (білуі тиіс) .

Дипломдық жұмыстың мақсаты. Модульдік оқыту тәсілінің ерекшелігі арқылы оқушының, студенттің теориялық материалды нақты, саналы түсінуіне және оны мазмұнды бекітуіне, өз бетінше біліктілігін тиімді қалыптастыруына, алған білімін практикада қолдана алуына жағдай туғыза алатын оқулық элементтер үлгілерін ұсыну.

Дипломдық жұмыстың құрылымы. Дипломдық жұмыс кіріспеден, екі тараудан, қорытынды және әдебиеттер тізімінен тұрады. Бірінші бөлімде оқушылардың математикадан өзіндік жұмысын тиімді ұйымдастырудың өзекті мәселелері, өзіндік жұмыс оқушылардың білім алу қабілетін көтерудегі, тиімді танымдылық ынтасын қалыптастырудағы ең басты құрал, тәсіл болатындығы туралы айтылған. Екінші бөлімде автор жұмысының негізгі нәтижелері келтірілген. Модульдік оқыту тәсілінің ерекшелігі және оның негізгі құралы оқулық элементті оқушылардың математикадан білім сапасын жақсартуда пайдалану үлгілері келтірілген. Осы тәсілді мектептік алгебра, геометрия және анализ бастамалары курстарын оқып үйренуде де тиімді пайдалануға болатындығы нақты мысалдар үлгілеріменен көрсетілген.

Дипломдық жұмысты орындау барысында көптеген әдебиеттерге (әсіресе, Е. Полат және Бухаркина М. Ю., Моисеева М. В., Петров А. Е. Новые педагогические и информационные технологии в системе образования. - М. : ACADEMA, 2003 - 272 с. ) және ғылыми-әдістемелік журналдарға («Математика», «Математика және физика», «Қазақстан мектебіндегі математика», «Математика в школе», «Информатика негіздері», «Информатика и образование», т. б. ) сараптаулар жүргіздім, оқытуды тиімді іске асыру тәсілдерімен және әдістерімен таныстым, ол әдебиеттердің негізгілері диплом жұмысы соңындағы тізімде келтірілген.

І Алгоритм түсінігі және алгоритмдік оқыту тәсілі туралы

І Оқушылардың математикадан өзіндік жұмысын

тиімді ұйымдастырудың өзекті мәселелері

1. 1Өзіндік жұмыс оқушылардың білім алу қабілетін

көтерудегі ең басты тәсіл

Оқушылардың ой белсенділігін, қабілетін дамыту, жұмыс істеуге үйрету тәрізді міндеттерді бір ғана сабақ процесі арқылы орындау мүмкін емес. Ол үшін оқушылардың өздігінен істейтін жұмыстарына көп көңіл бөлу керек. Мектепте оқушылар үйретілген ереже қорытындыларды талдай білу керек. Оқушылар білімді сабақ үстінде алу тиіс. Егер олар сабақ үстінде тек тыңдаушы ғана болса, онда бұл міндет жүзеге аспай қалады, яғни сабақ үстінде оқушылардың өз бетімен істейтін жұмысына елеулі уақыт берілуі қажет болады. Сынып жоғарылаған сайын сабақта оқушылардың бұл жұмысына берілетін уақыт та арта түсуі тиіс.

Есептер мен жаттығулардың қызықты болуы, оқушылардың өз бетімен ойлауы, өздігінен тұжырым, қорытынды жасай алуы, өзінің алған білімін өмірде қолдана білуі пәнге деген қызығушылығын арттырады.

Қазіргі кезде оқушыларды өз бетінше жұмыс жасатпай сабақ өту мүмкін емес. Сол себепті сабақ өткізу барысында және сабақтан тыс жүргізілетін жұмыста оқушылардың өзіндік жұмысын өткізуге баса назар аудару керек. Бұл әдістің тиімділігі оқушыны өз бетімен ой қорытуға, қажетті білімдік ақпаратты есте сақтауға, ізденуге, жинақылыққа, іскерлік дағдысын қалыптастыруға тәрбиелейді. Әрине, өзіндік жұмысты қалай ұйымдастыру, тапсырмаларды дайындау, тараулар бойынша тақырыпқа сай етіп деңгейлеп, саралап таңдай білу ол мұғалімнің шеберлігіне байланысты болады. .

Өзіндік жұмысты үш түрге бөлуге болады:

Бағдарламада бар материалдармен сабақ барысында жұмыс істеу;
Бағдарламадағы бар материалдармен сабақтан тыс уақытта жұмыс істеу;
Бағдарламада жоқ материалдармен сабақтан тыс уақытта жұмыс істеу.

Өзіндік жұмыстың және бір түрлі таратпа материалмен жұмыс істеу. Таратпа материалмен жұмыс жасаудың негізгі мақсаты оқушылардың өз бетімен жұмыс жасауына мәжбүр етеді. Қолына осындай жеке таратпа материал тиген оқушы өзінің ешкімнен көшіре ала алмайтынына көзі жеткендіктен есепті өз бетімен шешуге тырысады.

Өз бетімен жұмыс жасаудың басқа түрлері өзін-өзі тексерумен ұштастырылған өзіндік жұмыс, математикалық диктант т. б. Математиканы оқып үйренудегі оқушылардың саналылығын және тапсырмаларды өз бетімен орындай білуін жетілдіруіне үй тапсырмасын орындаудың да маңызы зор. Оны орындау нәтижесінде алған білімі пысықталады. Үй тапсырмасының көлемі мен қиындығы оқушының шамасына қарай, олар меңгере алатындай мөлшерде болуы тиіс. Үйге берілген тапсырманы уақытында тексеріп отыруы керек. Дәптерлерді жинап алып, тексеруге талдау жасауға да болады. Оқушының үй тапсырмасын өзі орындағанын тексеру үшін үй тапсырмасына ұқсас жаттығулар беру арқылы өзіндік жұмыстар жүргізілген жөн. Сонда оқушы білімін тексерген кезде, ол барлық ойын материалды игеруге жұмсайды. Өздерінің үлгермеген, әлі де толық меңгермеген тұстарын оқушылар өздері іздене отырып, қатесін түзеуге тырысады. Бұл оның есте сақтау қабілетін арттырады. Оқушының ойындағысын ауызша және жазбаша жеткізуге шеберлейді.

1. 2 Оқушылардың танымдылық ынтасын тиімді

қалыптастырудағы өздік жұмыстың орны

Оқушылардың өздік жұмысы туралы қорытынды жасаған уақытта мынадай тұжырымға келуге болады: өздік жұмыс оқушының тек өз белсенділігі түрінде, ойлауды талап ететін өзінің әрекеті түрінде анықталады. Әрбір өздік жұмысты бастарда оқушының алдында мақсат немесе проблема тұруы қажет. Бірақ та проблеманың қосылуынан оны оқушы қабылдады деген қорытынды шықпаса керек. Ұсынылған проблема оқушы үшін өте маңызды болуы шарт. Тапсырма әр оқушының қабілеті мен жас ерекшелігіне, әрі орындай алу мүмкіндігіне сай болуы тиіс. Міне, осыдан кейін келіп, оқытудың жекешелендіру проблемасы туады.

Мысалға, шығармашылық тапсырма бүкіл класқа беріледі. Әр оқушы оны орындау барысында өзінің жеке тәжірибесін пайдалана отырып, қазіргі алған білім деңгейінде жұмыс істейді. Өздік жұмыс ұйымдастыру барысында мұғалім оқушыға арнайы тапсырма береді. Осы кезде оқушы тапсырманың қажеттігі жөнінде ой тұжырымдайды. Бірінші қадам берілген тапсырманың мазмұнына талдау жасап, оны өзінің осыған дейін алған білім деңгейімен салыстырып оқушылар тапсырманың мақсатын түсінеді. Орындауға қандай амалдар қолдану керек екендігін ойластырады. Қандай нәтижеге жету керек екендігін болжайды. Екінші қадам - ойластырған жоспарды іске асыру. Бұл сатыда оқушылар тапсырманы орындайды. Үшінші қадам - алған нәтижеге талдау жасау, оны белгілеген жобамен салыстыру. Оқушы тапсырманың орындалу нәтижесін, өзін-өзі бақылайды. Егер жобаланған нәтиже мен алынған нәтиже сәйкес келсе, онда бұл оқушыға оң әсер береді. Мұғалім оқушылардың өзіндік жұмысына қорытынды жасайды. Қазіргі кезде, ғылыми информацияның жедел өсуіне байланысты оқушылардың қздігінен білім алып, өздігінен оқып үйрену өте маңызды болып отыр.

Негізінен өзіндік жұмыстар дидактикалық жағынан мынадай үш түрге бөлінеді: білім алуға арналған өздік жұмыстар; білімді пайдалануға арналған өздік жұмыстар; теориялық материалды тексеруге арналған өздік жұмыстар.

Жаңа материалды оқушылардың өз бетінше оқуы. Бұл іскерлікті қалыптастыру үшін, жұмысты сыныпта бастау керек. Мұғалім оқулықтың кейбір материалын оқушыларға үй тапсырмасы ретінде беруіне болады. Мұндай жұмысты өткізерде мұғалім әрбір оқушының осындай жұмысты істеуге дайын екендігіне көзі жетуі керек. Жаңа материалды оқығанда сұрақ жауаптары белгілі болып, олар тақтада жазылуы керек. Өзіндік жұмысқа оқушыларды үйрету үшін оларды өткен жаңа материалға байланысты сұрақтарға өздігінен жауап беруге үйрету керек. Мысал ретінде жаңа материалды мұғалім оқушыларға түсіндіргеннен кейін, оны оқушылар қалай ұққандарын тексеруге арналған сұрақтар жүйесін келтірейік. 5класта «Бұрыш. Тең бұрыштар» тақырыбын өткенде жаңа материалды ұғу сапасын тексеруге арналған сұрақтар мынадай болуы мүмкін:

Бұрыштарды атаңдар(берілген сурет бойынша) .
Суретте берілген бұрыштарды белгілеңдер(үш әріппен, бір әріппен) .
Жоғарыда келтірілген суреттерден бұрыштың қабырғаларын атаңдар.
Бұрыштардың төбесін атаңдар.
Бұрыштардың теңдігі қалай тексеріледі?
Бұрыштың биссектрисасы дегеніміз не?

Бастапқы деңгейде сұрақтардың бәрі оқушылардың жаңа материалды игеру деңгейін тексеруге бағытталуы керек. Бұл біртіндеп оқушыларды өзіндік жұмыс істеуге, дайындалған сұрақтарға жауап қайтаруға, оқулықтағы берілген материалды өздігінен оқып игеруге үйретеді. Егер сұрақтар оқулықтың текстінде бар болса(мысалы, А. В. Погорелов геометриясындағы сияқты), онда қандай сұрақтарға жауап дайындаулары керек екендігін көрсету керек. Ұсынылған сұрақтардың ішінде оқулықта тура жауабы жоқ сұрақтар болғаны абзал. Себебі мұндай сұрақтар оқушыларды ойлауға үйретеді. Мұндай сұрақтар теореманы дәлелдеуге де арналуы мүмкін. Теореманың қиындығына байланысты теореманы дәлелдеу күні бұрын дайындалған суреттер бойынша және тақтадағы жазулар бойынша немесе оларсыз жүргізілуі мүмкін.

Сабақта өздігінен оқып білген материал осы сабақтың үстінде пысықталуы керек. Теоремалардың өздік дәлелдеуге А. В. Погореловтың оқулық құралындағы ұқсас дәлелдеулер көмектеседі. Мысалы ретінде үшбұрыштардың теңдігінің 1-ші және 2-шібелгілері теңбүйірлі үшбұрыштың табанындағы бұрыштар туралы тура және кері теоремалар. Үшбұрыштардың ұқсатығының белгілері және т. б. теоремалардың дәлелдеулері бір-біріне ұқсас. Бұл теоремалардың біріншілерін мұғалім дәлелдеп, екінші теоремаларды оқушыларға өздігінен дәлелдеуге ұсынуға болады. Үшбұрыштардың ұқсатығының үш белгісі теоремада тұжырымдалған. Бұл теореманың дәлелдеуін үш сабаққа бөлуге болады. Бірінші белгіні мұғалім өзі дәлелдегеннен кейін, оқушылармен бірге теореманың өту жоспарын құруға болады.

Теореманың шарты мен қорытындысын бөліп шығару.
коэффициентті-қа гомотетиялыүшбұрышын салу.
-теңдігін дәлелдеу.
- екендігін қорытындылау.

Теореманың екінші және үшінші белгілерін дәлелдегенде жоспардың 3-4 бөліктерін оқушыларға өздігінен дәлелдеуге ұсынуға болады. Кейбір теоремалар үшін, мысалға вертикаль бұрыштардың теңдігі туралы, үшбұрыштың сыртқы бұрышы туралы күні бұрын нақтылы берілген сандық шама бойынша теоремалардың дәлелдеуінде кездесетін ой тұжырымдар жасайды. Бұдан соң оқушылар теореманы өз беттерімен дәлелдейді. Оқушыларға теоремаларды өздігінен дәлелдеп үйрету үшін әр түрлі методикалық тәсілдер жасауға болады. Мысалы, теореманың дәлелдеуін басқа суреттер бойынша жүргізуді пысықтау ретінде сыныпта немесе үй тапсрымасы ретінде беруге болады. Теоремаларды дәлелдеуге бағытталған бірнеше үй тапсырмасының мысалдарын келтірейік. Әрбір сурет бойынша өткізілетін дәлелдеулер осы тақырыпқа байланысты өткен теориялық материалдардың мәліметтерін пайдалануды талап етеді.

1-мысал. ІХ сынып геометриясы, тақырып жай фигуралардың ауданы.

Трапецияның ауданы сыныпта оқулықта берілген сурет бойынша дәлелденгеннен кейін оқушыларға үйде осы суреттердің бірімен дәлелдеуді тапсырма ретінде ұсынуға болады(12-сурет) .

2-мысал. Үшбұрыштың бұрыштарының қосындысы туралы теореманы дәлелдегенде оқушыларға үйде өз бетінше дәлелдеуге төмендегідей суреттер ұсынуға болады.

В 6 7 8 5

4 5 4

А 1 С А С

а) б) в)

12-сурет.

S S ₁ S ₁

S= S1+S2б) S=S1-S2в) S=S1-S2-S3

S ₁

г) S=S1=S2д) S=S1-S2+S3

13-сурет.

14- сурет .

3-мысал. Трапецияның орта сызығы туралы теореманы дәлелдегенде үйге бұл теореманы басқа жолмен дәлелдеуге мынандай суреттер ұсынуға болады(14-сурет) .

4-мысал. Параллелограмның ауданының формуласы туралы теореманы дәлелдегенде үй тапсырмасы ретінде В. Ф. Шаталовтың осы теореманы дәлелдегенде пайдаланған төмендегі суретін ұсынуға болады(15-сурет) .

Суреттен қысқа түсінік берейік. Екі пунктирлік төртбұрыштар тең. Сондықтан олардың аудандары да тең. Бұл екі тең төртбұрыштан штрихталған ортақ бөлігін алып тастасақ, онда тең екі төртбұрыш қалады. Оның біреуі тік төртбұрыш. Тік төртбұрыштың ауданы аһ -қа тең(16-сурет) .

Өздік жұмыстардың тағы бір түрі оқушылар оқулықтың текстін өздері оқып шығу. Бұның екі түрі болуы мүмкін. Мұғалім түсіндіргеннен кейін оқып шығуға және оқушылардың өздігінен оқып шығуға арналған текст. Бұл екі текстің бір-бірінен айырмашылығы болуы керек.

Бірінші жағдайда текст тұтас, ықшамды, мұғалімнен алған мәліметті тұжырымдайтындай (қорытындылатындай), екінші жағдайда ол текст көлемділеу, түсіндірме мысалдары, түсініктемелері айқын болуы қажет. Мұндай материалды мұғалім өзі белгілеуі керек. Оқушылардың оқулары үшін бүтіндей бір параграф алу міндетті емес. Ол параграфтың бір бөлігі, жекелеген теорема немесе жеке бір тұжырым болуы ықтимал. Математикалық тексті өзіндік оқуға өте күрделі мәселе екенін жоғарыда айттық. Сондықтан, әсіресе мектептің орта буынындағы оқушылары үшін кейбір нұсқаулар беру, тексті бөліктерге бөліп беру, жетекші сұрақтар беру артық болмайды. Себебі, математика сабағында өздік жұмыс ұйымдастырудың кемшіліктері де бар. Егер оқушы алдына қойылған тапсырманы орындауға дайын болмаса, онда оқушының еңбегі далаға кетеді де, ол өзінің жұмысынан ешқандай нәтиже алмайды. Оқушының өздік жұмыс орындау барысында жіберген қатесі тек қана жұмыс аяқталғаннан кейін, оның сапасын тексеру барысында ғана анықталады. Сондықтан, оқушы жаттығуларды өз бетінше орндағанда бір қатені мысалдан мысалға қайталауы мүмкін. Сөйтіп, міне осыдан барып дұрыс емес алгоритм оқушының сана -сезіміне сіңіп қалады.

Іс жүзінде өзіндік жұмыс әрбір сабақ сайын өткізіледі десек болады. Сондықтан өзіндік жұмысқа оқушыларды мұқият дайындап алып өткізу керек екендігін мұғалімдер әр уақытта есте сақтауы қажет.

Оқушылар өздік жұмыс істегенде олардың материалды толық игеру деңгейі өте маңызды талап. Теориялық материалды толық игертіп алмай, оқушыларға өздік жұмыс ұсынуға болмайды. Өздік жұмыс жақсы нәтиже беру үшін, оның мазмұны мен көлемі дұрыс анықталуы керек. Әрі ол тым ауыр да, жеңіл де болмауы керек. Егер де тапсырма тым ауыр болса, онда оқушының уақыты босқа кетіп, ол өзінің күшіне сенбеушілікпен қарайтын болады, ал мұндай жағдай бұдан жеңіл есептерді шығарғанда кедергі жасауы мүмкін. Ал тым жеңіл есеп оқушының ойлау қабілетін дамытпайды. Сондықтан, тапсырма әрбір оқушының дайындық деңгейін, іскерлігін, қабілетін ескере отырып жеке-жеке берілгені жөн.

Өздік жұмыстың нәтижелі болуының міндетті шартының бірі - оның қорытындысын тексеруді дер кезінде және дұрыс ұйымдастыру, тексеру. Көптеген жағдайда жабақ тақтада күні бұрын дайындалған немесе пленкада жазылған тапсырманың дұрыс шешілуі киноскоп арқылы оқушыларға көрсетіледі. Оқушылар өздері шығарған есепті тақтадағымен салыстырады. Есепті осылай тексеру оны орындағандар үшін немесе қате жібергендер үшін пайдалы. Ал есепті қалай шығаруды білмейтін оқушылар үшін дайын есепті көшіргеннен оның шығару әдісін игеруге беретін пайдасы шамалы. Сондықтан тексеру есептің шығарылу жолын көрсетумен шектелуге болмайды. Есеп шығару барысында жасалған түрлендірулерге, қосымша салуларға т. с. с. түсінік беру қажет. Егер варианттар көп болса, онда олардың біреуіне түсінік беріп, ал қалғандарының жауаптарын тексеріп өтуге болады.

Оқушыларға өмірде қажетті іскерліктің бірі - алған мәліметтерінің негізгі маңызды жерлерін бөліп ала білу. Ол өздік жұмысты орындаудағы жоғары көрсеткіштердің бірі болып табылады. Ал оқып шыққан текстінің ішіндегі негізгі жерлерін бөліп алу үшін оқушыларды сұрақтарға жауап құра білуге үйрету керек. Ол үшін оқушы берілген материалдан жаңа түсініктерді және фактілерді өз беттерімен бөліп шығарып және бұл материал ертеректе өткен қандай түсініктерге сүйенетінін анықтай білу қажет.

Мысалға, «Вектордың түсінігі», «Абсолют шама және вектордың бағыты» тақырыбын өткенде оқушыларға мынадай негізгі түсініктер ұсынылады:

«Вектордың» түсінігі
Вектордың өрнектелуі
Бірдей бағытталатын векторлар
Вектордың абсолют шамасы(модулі)
Нөлдік вектор
Тең векторлар

Осы тақырыпты өткенде оқушылар материалдың жаңа емес екенін түсіну керек. Берілген мәліметтер оларға негізінен физика курсынан таныс екенін, мұнда тек қана вектордың өрнектелуі мен берілу әдістерін физикаға қарағанда айқын топтастыра білуде екенін ұғынуы керек. Осыдан оқушыларда жаңа материалдың негізгі жерлерін бөліп ала білу қабілеті қалыптасады. Оны мына төмендегідей сұрақтар беруден бастау керек.

Бұл бөлімде қандай таныс түсініктер пайдаланылған?
Жаңа материалды түсіндіргенде қандай таныс фактілерге сүйенген?
Қандай жаңа түсініктер қарастырылған?
Қандай жаңа фактілер берілген?

Оқушылар мұғалімнің басқаруымен жаңа материалдың маңызды жерлерін өздігінен бөліп алуға үйренгеннен кейін, өтіп жатқан жаңа материал бойынша сұрақтарға жауап берудің жоспарын өздігінен құруға кіріседі. Мысалы, VІ сыныпта «Көпмүшеліктер» тақырыбын өткенде оқушылар бұл тақырып бойынша мына сұрақтарға жауап берудің жоспарын құра білулері керек:

Көпмүшеліктің түсінігі, анықтамасы.
Стандартты түрдегі көпмүшелік.
Көпмүшелікті стандартты түрге келтіру.
Бүкіл мүшелері стандартты түрдегі көпмүшелікті стандартты түрдегі деп атауға бола ма?
Ұқсас мүшелері жоқ көпмүшеліктерді стандартты түрдегі көпмүшелік деп атауға бола ма?
Стандартты түрдегі көпмүшеліктің дәрежесі.
Берілген таңбаларына қарай жақшаларды ашу ережелері.

... жалғасы

Сіз бұл жұмысты біздің қосымшамыз арқылы толығымен тегін көре аласыз.