Ф. Кенэнің экономикалық кестесі

1. Экономикалық теория . қоғамдық ғылым.
2. Физиократтар мектебі
3. Ф.Кенэнің «Экономикалық кестесі»
4. Суретті схемалар
5. Пайдаланған әдебиеттер.

Экономикалық теория – қоғамдық ғылым. Қоғам адамзаттық қатынастардың күрделі жүйесін көрсетеді. Осындай қатынастардың бірін – экономика деп аталатын экономикалық теория зерттейді. Дегенмен, экономика көптеген экономикалық ғылымдардың зерттеу объектісі болып келеді. Экономикалық ой өте ертеде пайда болған. Бізге жеткен экономикалық жұмыстардың алғашқылары болып Египет пирамидаларындағы жазулар, Хаммурапи патшасының заң жинақтары және т.б. саналады. Оларда салық жүйелері, қоғамдық жұмыстар, айыппұлдар жазылған.
Экономикалық теория пәнінің дамуында үш кезеңді бөліп көрсетуге болады:
 Экономия
 Саяси экономия
 Экономикс
Экономикалық теория алғашында антикалық қоғамда экономия, яғни үй шаруашылығы туралы ғылым ретінде пайда болды. Оның мақсаты мәртебелі адамдарды тәрбиелеу болып табылды. «Экономия» атауын алғашқы рет Ксенофонт ұсынды. Алайда экономика жеке ғылым ретінде, жаңа буржуазиялық топтың оқуы түрінде XVI-XVIII ғасырларда қалыптасты. 1615 жылы француз экономисі А. Монкретьен «Саяси экономия трактаты» атты еңбегінде осы жаңа ғылымға бірінші рет атау берді. Атау үш грек сөзінен құрастырылды: «политейя» -қоғам, «ойкос» -үй, «намос» -заң. Берілген ат дәстүрліге айналды және қазіргі күні де қолданылуда. «Саяси экономия» шаруашылықтың мемлекеттік және жалпы ұлттық деңгейдегі даму заңдылықтары жайлы ғылым ретінде пайда болды.
Саяси экономияның алғашқы теориялық мектебі меркантилизм (итальян тілінен аударғанда «мирканте» - көпес, саудагер) болды. Бұл бағыттың өкілдері Т.Ман, Ж. Б. Колбар, Д.Юм қоғам байлығы тек саудада ғана пайда болады деп санады. Олар өз ғылымының басты мәнін тауар және ақша айналысындағы процесстерден көрді. Бұл тұжырымдар кездейсоқ болған жоқ. Олар капиталдың алғашқы жиналымына, яғни халықаралық саудаға сәйкес келді. Мұнда тауарлар бір елде төмен бағаға сатып алынып, басқа елде қымбат бағаға сатылды. Сондықтан, меркантилистер мемлекетке сауданы көбейтіп, елдегі алтын қорын толтыруға кеңес берді.

1. С. Әкімбеков, А.С. Баймұхаметова, У.А Жанандаров Экономикалық теория. Оқу құралы. Жалпы редакция С. Әкімбековтікі. — Астана: 2002.
2. Я. Ә. Әубәкіров Экономикалық теория негіздері. Оқу құралы. «Эзеро» Алматы – 2005.
3. А.Б.Темірбекова Экономикалық теория. Оқу құралы. «Экономика» баспасы. Алматы – 2008.
4. Қ.С.Есенғалиева Экономика негіздері. Оқу құралы. «Экономика» баспасы. Алматы – 2011.