Дене тәрбиесінен берілетін үй тапсырмасы

Пән: Спорт
Жұмыс түрі: Материал
Тегін: Антиплагиат
Көлемі: 7 бет
Таңдаулыға:

Дене тәрбиесінен берілетін үй тапсырмасы

Бастауыш сынып оқушыларына арналған үй тапсырмаларының маңызына тоқталайық. Алдымен дене тәрбиесі сабағынан үй тапсырмасы не үшін берілетінін түсіндіре кетейік. Балаларды сабақтан тыс уақытта үйде дене тәрбиесімен айналысуға дағдыландырудың не қажеті бар? Бір қарағанда, сұрақтың жауабы түсінікті сияқты. Қазір дене тәрбиесі пәні бойынша үй тапсырмасы қажет екенін ешкім жоққа шығара алмайды. Үй тапсырмаларын тұрақты беріп отыру - оқушыларды дене тәрбиесімен тұрақты айналысуға дағдыландырудың бір жолы. Алайда басты мақсат үй тапсырмасын беру емес, сол арқылы балаларды дене тәрбиесімен тұрақты түрде өз бетінше айналысуға дағдыландыру.

Үй тапсырмаларын шартты түрде қозғалыс әрекеттерін меңгеруге дайындық жасау, сабақта өткенді қайталауға және жетілдіруге бағытталған, оқушылардың қозғалыс белсенділігін арттыруға арналған тапсырмалар деп атауға болады.

Үйде мұғалімнің ұсынысы бойынша дайындалатын оқушылар нақты оқу материалын меңгеруге, оқу нормативтерін орындауға дағдыланады. Олардың алдында бір нәрсені үйрену, бір нәрсеге дайындалу мақсаты тұрады. Бір нәрсеге дайындалу - төменгі сынып оқушысы үшін аса маңызды дағды.

Үй тапсырмалары мазмұны жағынан оқу материалының логикалық байланысты жалғасы болуға тиіс. Бүгінде ол оқушыларға дене тәрбиесі сабағында қажеттілік дағдысын қалыптастырудың маңызды бөлігі болып табылады. Бұл дағдының қалыптасуы негізінен мұғалімнің сабақтағы біліктер мен дағдыларды дене жаттығулары арқылы дамыту мен жетілдіру жұмысына байланысты.

Дене сымбатына арналған жаттығулар кешені

1. Бастапқы қалып - қабырғаға жақындап, желке, жауырын, жамбас, шынтақ және өкшені тигізіп тұру. Сол тұрған күйде алға, сосын артқа қарай қадам жасау; бірнеше рет қайталау.

2. Бастапқы қалып - тізерлеп тұрып тірелу, артқа сәл иіледі. Басты алға иіп, арқаны бүгу, бастапқы қалыпқа келу. (8-10 рет) .

3. Бастапқы қалып - тік тұрып, аяқты алшақ қою. Кеудені солға қарай иіп, сол қолды төмен түсіру, оң қолды жоғары сырғыту, бастапқы қалыпқа келу; дәл осылай оң жаққа орындалады (әр жаққа 5-6 рет) .

4. Бастапқы қалып - аяқ алшақ қойылады, екі қол екі жақта. Кеудені солға және оңға бұру (әр жаққа 5-6 рет) .

5. Бастапқы қалып - аяқтың ұшымен тұрып, сол аяқты оң аяқтың алдына шығару, екі қол белде. Аяқтың тұрысын алмастырып секіру.

6. Бір орында тұрып, әскерге ұқсап жүру.

Дене сымбатын қалыптастыруға арналған
қапшықтармен орындалатын жаттығулар кешені

Тік тұрып, екі қолды белде ұстау, қапшық басқа қойылады. Аяқтың ұшымен көтеріліп, шынтақты артқа жіберу, иілу, бастапқы қалыпқа келу.

Тік тұру, екі қол екі жақта, қапшық оң қолда. Тізеден бүгілген аяқты көтеріп, қолды түсіріп, қапшықты өкшеге тигізу, оны сол қолға алып, бастапқы қалыпқа келу.

Тік тұру, екі аяқ алшақ қойылады, қол төмен түсіріліп, қапшық басқа қойылады. Кеудені солға бұру, екі қолды екі жаққа созу, бастапқы қалыпқа келу.

Тізеге тірелу, қапшық еденге қойылады. Сол аяқты тіктеп, оны артқа қарай көтеру керек, бастапқы қалыпқа келу.

Тік тұрып, қолды алдыға ұстау, қапшық басқа қойылады; оң аяқпен отырып, сол аяқ артқа жіберіледі; бастапқы қалыпқа келу.

Тік тұрып, қолды белге ұстау, қапшық еденге қойылады. Секіру:
4 рет қосаяқтап секіру, 4 рет сол аяқпен, 4 рет оң аяқпен секіру және т. б.

Дене сымбатына арналған жаттығулар кешені

Аяқтың ұшымен тұру, қолды жоғары көтеріп, саусақтың ұшына көз алмай қарап тұрып, кеудені жоғары қарай көтеру.

Екі қолды дененің екі жағына, жақындатып төмен ұстап, әскери шеруде жүргендей жүру керек: аяқтың ұшын алға созып, табанды түгелдей жерге тигізіп жүру.

Еденге отырып, аяқты айқастыру. Қолды тізеге қойып, арқаны тіктеу.

Еденге жатып, іш пен аяқты еденге тақау, қол саусақтарын арқа жақтан айқастыра ұстау. Кеудені алға созып, басты алдыға, жан-жаққа, артқа бұру. Қолды дененің жанында ұстап, басты ғана қозғаймыз.

Еңкейіп тұрып, басты ақырын бұру. (Омыртқаның кеуде бөлігін бүгу), екі қолды екі жаққа созу.

Екі иықты алдыға-артқа айналдыру.

Жамбасты тіреп жатып, кеудені артқа қарай ию.

Бір орында тұрып, әскерлерше жүру.

Жалпы дамыту жаттығулары

1. «Жорға» жаттығуы. Қазақтың ұлттық би элементтерін еркін орындау.

2. «Көңілді музыканттар» жаттығуы. 1-қатардағылар барабан, 2-қатардағылар қоңырау, 3-қатардағылар сыбызғы ұстап тұрады. 1 - «Біз музыкантпыз! Біз «Польканы» ойнаймыз - оң аяқты бір адым алдыға қойып, тәжім ету, бастарын иеді. (10- 20 сек. ) 2 - «Сыңғыр-сыңғыр» деп, қоңырауларды сылдырлату. 3 - «Бум-бум-бум» деп, барабандарды соғу. 4 - «Ду-ду-ду» деп, сыбызғы тартады.

3. «Біз көңілді музыканттар» жаттығуы. Әр қатардағылар өз аспабында ойнайды, музыкаға сәйкес еркін қимыл қозғалыс жасау. 20-30 секунд.

4. «Гопак» жаттығуы (украин халық мелодиясы) . Б. қ. - шеңберде жұптасып тұру.

1-4 - қол ұстасып, би элементін жеңіл орындай шеңбер бойы жүгіре жылжу (оңға) . 5-6 - қолды белге қойып, 4 рет оң (сол) аяқпен тарсылдату. 7-8 - қолдарын көтеріп, еркін айналу.

5. «Шап-шап-шапалақ» жаттығуы (эстон халық мелодиясы) . Б. қ. - шеңберде жұптасып тұру. 1 - қолды оңға-алға соза 3 рет шапалақтау. 2 - қолды солға, алға соза 3 рет шапалақтау. 3 - еркін жеңіл айналу (еркін, қол ұстасып айналу, ұлдар отырып, қыздар ұлдарды айналады) .

6. «Көңілді балалар» жаттығуы (литва халқының мелодиясы) . Б. қ. - шеңберде екі-екіден тұру. 1-4 - шоқырақтай жеңіл оңға секіру.

4-8 - тоқтап, серіппелі адыммен бір-біріне теріс қарап тұрып, алға жүру, аяқпен үш рет тарсылдату. 8-10 - бір-біріне қарап жүріп, 3 рет қол шапалақтау, 3 рет аяқты тарсылдату, 3 рет тәжім ету, бас ию. Қимылдарды қайталау, қолмен оң, сол жақққа қарай шапалақтау. (4-6 рет) .

Б. қ. - негізгі тұрыс, қолды төмен түсіріп тұру. 1 - қолды жан-жаққа созу, демді ішке тарту; 2 - қолды төмен түсіру, дем шығару.

Б. қ. - аяқтарын сәл алшақ қойып, қолдарын төмен түсіріп тұрады. 1 - басты оңға иіп, қолды төмен сырғытып түсіру; 2 - б. қ. -қа келу. 3 - басты солға; иіп, қолды сырғытып төмен түсіру. 4 - б. қ. Бастапқы сәтте жай, содан соң жылдам орындалады. (6 рет)

3. Б. қ. - аяқ сәл алшақ қойылып, қолды желке тұсында. 1 - денені оңға бұру, қол желке тұсында. ; 2 - б. қ. 3 -денені солға бұру, қол желке тұсында. ; 4 - б. қ. (6 рет) .

4. «Гайканы бұрайық» жаттығуы. Б. қ. - аяқ алшақ қойылып, қолдарын төмен түсіріп тұрады. 1- қолды алға созып, қолдың білезігін ішке қарай айналдыру. 2- «Гайканы бұрап алайық» жаттығуы. Б. қ. - аяқ алшақ, қолдарын төмен түсіріп тұрады. 1 - қолды алға созып, қолдың білезігін сыртқа қарай айналдыру.

5. «Ағаш жару» жаттығуы. Б. қ. - аяқ сәл алшақ, екі алақанды бір-біріне қысып ұстап тұру. 1-3 - алға қарай серпіле еңкею - төмен еңкейіп, демді ішке тарту; 4 - б. қ. - дем шығару. (5-6 рет) .

6. «Киіз дайындау үшін жүн сабау». Б. қ. - тізерлеп отыру, қол төмен; денені алға қарай еңкейтіп, «жүнді шыбықпен сабағандай» оң және сол қолды кезек-кезек сермеу (6 рет) .

7. Б. қ. - қолды жоғары көтере созып, шалқалай жату. 1 - оң аяқты түзу жоғары көтеру, қолдың саусақтарын аяқтың басына тигізу. 2 - б. қ. -. -қа келу. 3 - сол аяқты түзу жоғары көтеру, қолдың саусақтарын аяқтың басына тигізу; 4 - б. қ. -қа келу.

8. «Доптар секірді». Б. қ. - н. т., қол белде. 1-2 -3- сол аяқпен секіру. 4-5-6- оң аяқпен секіру; 7-8-9 - екі аяқпен секіру (6 рет) .

9. Б. қ. н. т. қолды шынтақтан бүгіп кеуде тұсында ұстау. 1- қолды жан-жаққа созу, демді ішке тарту. 2 - б. қа келу, дем шығару. (Шынтақты төмен түсірмеу) .

10. Тізбекпен жүру. Қолды алдыға, артқа сермеу. Қолды қарқынды түрде жоғары көтеру. Демді ішке тарту, дем шығару. Қолды жеңіл төмен түсіру. 30 сек.

Секіртпемен орындалатын жалпы дамыту жаттығулары

... жалғасы

Сіз бұл жұмысты біздің қосымшамыз арқылы толығымен тегін көре аласыз.