Сүйікті Пайғамбарымыз Мұхаммед

Пән: Дінтану
Жұмыс түрі: Материал
Тегін: Антиплагиат
Көлемі: 5 бет
Таңдаулыға:

А. ЯСАУИ АТЫНДАҒЫ КӘСІБИ КОЛЛЕДЖІ

Тақырыбы: Сүйікті Пайғамбарымыз Мұхаммед (с. ғ. с) хазіреті

Тобы: ЭБА-0909(2)

Қабылдаған:

Орындаған: Оңалбаев Н

Түркістан 2010

Сүйікті Пайғамбарымыз Мұхаммед (с. ғ. с) хазіреті

Мейірімді де құдіретті Аллаһ Тағала Мұхаммед (с. ғ. с) Пайғамбарымызда көктен Құран Кәрімді түсіріп уағыздауға бұйырған. Аллаһтың елшісі, сүйікті Пайғамбарымыз (с. ғ. с) айтады: «Құранды үйреніңдер, оқыңдар, оның әр сөзі Қиямет күнінде сендерге жәрдем береді» деген. Пайғамбарымыз (с. ғ. с) тағы бір сөзінде: «Кімде-кім Құранды, дұрыс қырағаттап оқыса, адам баласының жақсы істерін жазатын періштенің көзіне түседі, ал кімде-кім қиыншылықпен, көп еңбек сіңіріп үйренер болса, онда оған сыйлық екі есе болады» деген. Ислам дінінің негізін салушы Мұхаммед (с. ғ. с) пайғамбарымыз өзінің сахабаларымен бірге Ислам дінін уағыздап мейірімді де құдіретті Алла Тағаланың бар екенін дүниені жаратушы екенін айтқан, ол кезде адамдар тастар мен ағаштардан жасалған мүсіндерге пұтқа сиынған. Сүйікті Пайғамбарымыз (с. ғ. с) Аллаһ Тағаланың жаратушы, құдірет иесі екенін Алланың алдында барлық адам тең екенін айтып халықтың Ислам дінін қабылдау керектігін айтқан.

Мен Мұхаммед (с. ғ. с) пайғамбар Аллаһтың елшісі екендігіне куәлік беремін. Біздің мырзамыз Мұхаммед (с. ғ. с) - Ислам дініндегі ең соңғы пайғамбар.

Мен Аллаһты және оның елшісі Мұхаммедті (с. ғ. с) жақсы көремін. «Аллаһтан басқа ешбір тәңір жоқ және Мұхаммед (с. ғ. с) оның елшісі» - деген тәуһид куәлігіне шын жүректен сенемін.

Мұхаммед (с. ғ. с) Аллаһтың ең соңғы елшісінің есімі, оны Аллаһ тағала адамдарға тура жол көрсету үшін жібергенін және «Мұхаммед (с. ғ. с) Аллаһтың елшісі» - деген сөз тіркесі Аллаһ Тағала иман келтіру куәлігін «Аллаһтан басқа ешбір тәңір жоқ, Мұхаммед (с. ғ. с) оның елшісі» деп толықтырып тұрар екінші жартысы.

Мұхаммед (с. ғ. с) пайғамбарға дейінгі пайғамбарлардың бәрі де Аллаһ Тағаланы бір деп біліп, халықты тек оған ғана құлшылық етуге үндеген. Демек пайғамбарлардың барлығы да халықты Ислам дінінің жолына шақырған. Тек тарихтың толқынысымен көктен түсірілген (христиан, иаһуди) діндердің мазмұны өзгеріп кеткен. Болмаса олардың да әу бастағы діндері тек бір жаратушыны ғана мойындайтын дін болған. Дейтұрғанымен, мұсылман кісі жанындағы адамның сеніміне, ұстанатын дініне құрметпен қарайды.

Мұхаммед (с. ғ. с) пайғамбардың өзіне дейінгі пайғамбарлардан басты айырмашылықтарының бірі әуелі пайғамбарлар тек өз қауымына пайғамбар болып келген, насихаттаған шариғат (құлшылық) негіздері де сол кезеңде өмір сүрген халыққа ғана арналып отырған. Ал Мұхаммед (с. ғ. с) пайғамбар бүкіл адамзат баласына, жер бетінде қанша халық болатын болса, солардың барлығына Аллаһ Тағала тарапынан елші ретінде жіберілді. Әрі оның насихаттаған шариғат (құлшылық) негіздері, орындау тәсілі ешуақытта өзгеріске ұшырамай қиямет күніне дейін жалғаса бермек. Мұхаммед (с. ғ. с) пайғамбардан кейін Аллаһ Тағала тарапынан ешбір пайғамбар келмейді. Әрі келуді де қажет етпейді. Өйткені, оның алып келген шариғаты толық әрі қиямет күніне дейін жарамды. Міне сондықтан ол пайғамбарлардың ең соңғысы.

XIV ғасырдан бері жарық көріп жатқан Ислами еңбектер бірі кітапты яғни Құран Кәрім мен бір адамның дәлірек айтқанда Пайғамбарымыздың (с. ғ. с) хадистерін түсіндіру үшін жазылып келеді.

Пайғамбарымызда (с. ғ. с) жақындау оны жақсы көрумен және сүйіспеншілікпен ғана іске асады. Барлық сырдың кілті соның ақиқатымен ашылды. Яғни Расулуллаһтың (с. ғ. с) көркем мінез-құлқын өз бойына жинаған адам дүниелік нәпсіқұмарлықтан алыстап, құлшылықтың сырына қаныға түспек. Одан өз рухани қажеттілігін ала алған пенде ерекше күйге түсіп, айналасындағы жаратылысқа зер салып ойлана қарайтын болады. Жаратушы иеміз адам баласына сынақ ретінде игі қасиеттер мен жаман мінездерді қоса береді.

Ал діннің негізгі мақсаты - адам бойындағы осындай кәсіпқұмарлықты азайтып, жақсы қасиеттерді қалыптастыру. Алайда, мұны іске асыру үшін адамзат баласына үлгі тұтатын ерекше бір тұлға керек болады. Осы тұста бүкіл адамзат баласына Аллаһ Тағала тарапынан Мұхаммед (с. ғ. с) пайғамбар жіберілді. Бұл жөнінде құран Кәрімде былай дейді:

«біз әрбір пайғамбарды Аллаһтың рұқсатымен (адамзат оларға) мойұсынсын (үлгі тұтсын) деп қана жібердік . . . » («Ниса» сүресі, 64 аят)

Тарих беттерінде өмірінің барлығы егжей-тегжейлі зерттеліп, жазылған бірден-бір пайғамбар - хазреті Мұхаммед (с. ғ. с) оның бүкіл ісі, сөзі мен амалдары, адамгершілік қасиеттерінің әрбір сәтіне дейін жазылған мағлұматтар оның (с. ғ. с) биік мәртебесін одан сайын жоғарылата түседі. Пайғамбарымыздың (с. ғ. с) өмірі қияметке дейін барша ұрпақтарға үлгі. Құран Кәрімде ол жайында былай баяндалады:

«Сен ақиқатында ұлы ахлаққа (мінез-құлыққа) иесің»! («Қалам» сүресі 4 аят)

Ол күллі адамзатқа дінбасы және мемлекет басшысы ретінде үлгі. Илләһи махаббат бағына кіргендерге үлгі. Аллаһ Тағаланың нығметіне шүкіршілік пен кішіпейілділігі арқылы үлгі. Қиындыққа тап болған кезде сабырлығымен, мойынсұнғыштылығымен үлгі. Пасық жаман ниетті адамдарға кешіріммен қарағаны үлгі.

Құран кәрімде: «Ей, иман келтіргендер! (сөйлей қалсаңдар) әуездерің Пайғамбар даусынан бәсең болсын. Өздерің бір-біріңмен сөйлескендерің сияқты Пайғамбарға айқайлап, дауыс көтеріп, тіл қатпаңдар. Әйтпесе жақсы амалдарыңның жоққа шыққанын сезбей қаласыңдар» («хужурат» сүресі, 2 аят) .

Пайғамбардың аты аталғанда оларға «аләйһиссәләм» яғни «оған Аллаһ Тағаланың сәлемі болсын!» деген мағынадағы мадақ сөздері айтылады. Ал Мұхаммед (с. ғ. с) пайғамбардың аты аталғаннан кейін «оған Аллаһ Тағаланың сәлемі мен игілігі болсын!» деген мағынаны білдіретін араб тіліндегі «саллаллаһу аләйһи уә сәллам» сөз тіркесі айтылады. Бұл сөз тіркесі діни салада жазылған еңбектерде (с. а. у) не (с. ғ. с) деп беріледі. Пайғамбарымыздың (с. ғ. с) есімі аталғанда осылайша салауат айту сауап. Ислам шариғаты бойынша кімде-кім Мұхаммед Пайғамбардың (с. ғ. с) атын естіп тұрып, оған салауат айтпаса ол ең сараң адам болып есептеледі.

Бұл үшін өнеге болған Аллаһ елшісіне (с. ғ. с) мойынсұну туралы Аллаһ Тағала былай деп бұйырған:

«Расул сендерге не берсе, соны алыңдар! Неге тыйым салса, одан қашыңдар, Аллһтан қорқыңдар! Өйткені, Аллаһтың азабы өте қатты» («Халир» сүресі, 7 аят) .

«Ей, иман келтіргендер! Аллаһқа мойынсұныңдар, Пайғамбарға мойынсұныңдар, істеген жақсылықтарыңды жойып алмаңдар!» («Мұхаммед» сүресі, 33 аят) .

«Кімде-кім Аллаһқа, Расулға мойынсұнса, міне, олар Аллаһ өз нығметіне кенелткен пайғамбарлармен, сыддықтармен (турашыл), шейттермен, салихтермен бірге болады. Бұлар неткен жақсы достар» («Ниса» сүресі, 69 аят) .

Оның жаратылысында нұр, бойында сергектік, аса шыдамды керемет сабырлы жан болатын. Жүрегінің жұмсақтығын айтып жеткізу мүмкін емес. Өзі өте көрікті, сөзі ұғынықты, атқарған істерінде кемшілік жоқ, сөзге шешен және әңгіме айтқанда майын тамызатын. Бос сөз айтпайтын, әрбір сөзі даналық пен нәсихат болып келетін. Әркімнің ақылы мен түсінігіне қарай сөйлейтін. Қарапайым да, кішіпейіл болды. Қарқылдап күлмейтін. Үнемі күлімсіреп жүретін.

Онымен бірге жүріп, сұхбаттасқан адам жан дүниесіне сүйсіне қарайтын. Кез-келген адамға құрмет көрсететін. Қолы ашық, туған-туысқанына да өте жомарт еді.

Жақындармен, сахабаларымен қандай жақсы қарым-қатынаста болса, өзгелермен де жылы жүзді болатын. Өзі не киіп, не жесе қызметшілеріне соны кигізіп, соны жегізетін. Жаны жайсаң мейірімді болумен қатар, керек кезінде өзгелер үшін сөзсіз ерлікке бара алатын батыр да еді.

Уәдесінде тұрып, айтқанын орындайтын. Көркем мінезі мен зеректігі қандай мадаққа болса да лайық еді. Расулуллаһ (с. ғ. с) әрдайым тәфәккүрде болатын. Қажет кезінде ғана сөйлейтін. Көбінесе үнсіз жүретін. Бір әңгіме бастаса, аяқсыз қалдырмайтын. Сөздері анық, нық және өтімді болатын. Жаратылысы өте жұмсақ болғанымен өте айбарлы, айбынды да еді.

Ашуланған кезде орнынан тұрмайтын. Адамдар ақиқатқа қарсы шықпаса, не біреуге зәбір көрсетілмесе ашулана бермейтін. Ондай жағдайда оның құқығын қорғамайынша, байыз тауып отыра алмайтын. Өз қамын ойлап әсте ашуланбайтын, өзін қорламайтын, ешкіммен ұрыспайтын.

... жалғасы

Сіз бұл жұмысты біздің қосымшамыз арқылы толығымен тегін көре аласыз.