Отаным менің, байтақ өлкем

1 Тарихшы
2 Архиолог. Сауда қалалары.
3 Зерттеуші

Тарихи жолдың жібек саудасына байланысты «Жібек жолы» атанғаны түсінікті.Ал «ұлы» сөзінің оған қосылуы жолдың кең-байтақ Шығыс өлкелері мен Батыс өлкелерін байланыстырып жатуынан.Сондықтан да бұл жол «Ұлы жібек жолы» болып тарихқа енді.
Осынау жолдың басы Қытай жеріндегі Хуанхэ өзенінің аңғарындағы аймақтан басталады. Ол Ұлы Қытай қорғанының батыс шетінен өтіп,Іле өзенімен Ыстықкөлге жетеді. Жол осы арада батыста және солтүстік-батысқа қарай шығу үшін оңтүстік,солтүстік бағыттарға тармақталады. Оңтүстік бағыт Ферғана, Самарқан, Иран, Ирак, Сирия елдері мен Жерорта теңізіне шыққан. Ал солтүстік бағыт Оңтүстік Қазақстанда Испиджаб қаласына келіп және екі тармаққа бөлінді. Біреуі Орта Азияға қарай, екіншісі Түркістан арқылы Сырдарияның төменгі ағысымен батыс Қазақстанға шығып, Қара теңіздің солтүстік-шығыс жағын айналып, Еуропаға қарай өткен. Алайда бұл көрсетілген бағыттар үнемі тұрақты болды деп айтуға болмайды. Ол халықаралық саяси жағдайда байланысты өзгеріп отырған.
Ұлы Жібек жолы-бұл Батыс пен Шығыстың ежелгі өркениетін байланыстыратын даңғыл жол, сонымен қатар ол сауда-саттық байланысының, халық арасында діннің, мәдениеттің, ғылыми-техникалық жетістіктердің өзара алмасуына қызмет етті. Жібек жолында орналасқан ежелгі қалалар үлесінде соғыс, күйреу, өрт аш-жалаңаштық аз болған жоқ. Жүздеген жылдар бойы шаң басқан керуен жолымен еуропалықтарға сату үшін қымбат жібек маталар мен асыл тастар, дәмдеуіштер мен бояулар, алтын мен күміс, оңтүстіктегі экзотикалық құстар мен аңдар тасымалданды. Бұл керуендік сауда жолы ең ұзақ болды. Оның ұзындығы 7 мың шақырымға дейін созылып жатты. Ол өркениетті әртүрлі елдерді, әлеуметтік-экономикалық жүйені байланыстырушы рөлін атқарады. Сол кезде «Көк тас жолы» атанған жол жұмыс істегеен, бұл жолмен жартылай асыл көк тас. Памир таулары арқылы өте алыс жерлерге, Үндістанға жеткізілді. Бұл жарқырауық тастар саудасы орталық Азиядан шығысқа дейін созылып, Қытайда Жібекке алмастырды.