Әдіс – тәсілдерді қолдануда ойынның маңызы

1 Әдіс . тәсілдерді қолдануда ойынның маңызы
2 Түсіндіру әдісі
3 Көрнекілік әдісі

Қазақстан Республикасының мемлекеттік тілі – қазақ тілі.
Заман талабы екі тілде сөйлеуді одан әрі орнықтыру, қазақ тілін үйренгісі келетін басқа ұлт өкілдеріне мемлекеттік тілді меңгерту, сол сияқты балабақшаларда қазақ тілін оқытудың сапасын жақсартудың міндеттері қойылады. Қазақстан Республикасының мемлекеттік жалпыға білім беру стандарты бойынша мектепке дейінгі тәрбиемен оқыту барысында бүлдіршіндерге қазақ тілін үйретудің білім деңгейі нақты бағдарламамен берілген. Қазақ тілін оқытудан «Біз мектепке барамыз», «Зерек бала» бағдарламаларын жүзеге асыру бойынша 2 сәбилер, ортаңғы және ересектер топтарына арналған перспективтік жоспар құрастырылды. Балабақшаның лексикалық тақырыптарына сәйкес перспективтік жоспарға: «Балабақша» «Отбасы», «Менің Отаным», «Жыл мезгілдері», «Жеміс-көкөністер», «Ойыншықтар», «Жануарлар», «Аңдар», «Құстар», «Дене мүшелері», «Ыдыстар» және т.б. тақырыптар енгізілді. Бағдарламаның базалық минимумда балаларды қазақ тілін оқытуда мынадай талаптар қойылған: Сенің атың кім? Кім? Не? Не істеді? және т.б. сұрақтарына жауап беру; балабақша, балабақша қызметкерлері туралы әңгімелеу; ойыншықтардың, жемістердің, көкөністердің атауын, түсін, пішінін айта білу; адамның дене мүшелерін атау және таныс сөздерді сөйлемде қолдану; отбасы мүшелерін, киім, аяқ-киім атауын айта білу және т.б..
Заман өзгерген сайын әдіс – тәсілдер көбейіп, жаңарып, толығып жатыр. Өзге ұлт балаларына қазақ тілін ұтымды, қызықты үйрету үшін жаңа әдістер мен технологияларды өз тәжірибемізде қолдануға ізденеміз. Жаңа технологияны, әдіс - тәсілдерді тиімді қолдану білім сапасын артырады. Сонымен қатар қазақ тіліне үйреткенде балалардың жас ерекшелігін ескеру әдіс-тәсілдерді таңдаумен сай келеді, сабақ өткізгенде бірінші орынға ойын және ойын түрлері қойылады. Ойын – оқу үдерісіндегі оқытудың әрі формасы, әрі әдісі ретінде дербес дидактикалық санат. Тіл үйретуде ойынды көрнекі құралдар, түрлі суреттер , кестелер, ойыншықтар, музыка және т.б. материалдар сабақты көркемдеп отырса, балалардың сөздік қоры біршама толығады, ауызша сөйлеу түрлері кеңейеді. Әрбір сабақта ойын түрлерін және өзара сөйлеу үлгілерін тақырыпқа сай қолданған жөн және тиімді. Тіл үйрету барысында ойын элементтерін дидактикалық материал ретінде пайдаланудың пайдасы бар.