Білім-ғылым-инновациялар

Пән: Педагогика
Жұмыс түрі: Материал
Тегін: Антиплагиат
Көлемі: 8 бет
Таңдаулыға:

Білім-ғылым-инновациялар

Мемлекетімізде болып жатқан әлеуметтік-экономикалық өзгерістер білім беру жүйесінің алдына үлкен міндеттер қойып отырғандықтан ХХІ ғасырда білім мен ғылымды жаңа инновациялық технология бағытында дамыту қажеттілігі басты назарда. Бұған дәлел, Қазақстан Республикасының Президенті Н. Ә. Назарбаевтың «Қазақстан-2050» мемлекеттік стратегиялық жолдауында, біз «білім-ғылым-инновациялар» үштігі билеген постиндустриялық әлемге қарай жылжып келеміз, бірінішіден, бұл- уақыт, қазір инновация заманы, инновация ғасыры - деп атап көрсеткен болатын. Өйткені, біз күнде жаңа товарлар мен жаңа азық-түлік туралы білеміз, сол заттарды алғымыз келеді. Неге жұмысымызда да сондай сұраныс болмасқа. Екіншіден, инновациялық әдісте оқыту яғни, өздігінен жаңалық ашу , алдын ала болжау, үшіншіден, оқытудың белсенді әдісі инновация (лат. сөзінен «жаңа») деген ұғымды береді. ”

1. Білім

Қазіргі таңда әлемдік білім беру кеңестігіне енуге бағытталған білім беру жобасының негізі де - білімдегі технологиялық парадигма болып табылады. Бұл парадигма мазмұны жаңа көзқарас, қарым-қатынас, әдіс пен тәсіл және нәтиже жүйесінен тұрады. Соңғы 10 жылда мектептер жүйесіне жаңа технологиялық үрдістер арқылы жұмыс жасау талаптары қойылды. Қазіргі таңда мектеп мұғалімінің сабағында жаңа технологиялық әдіс болмаса сабақ бағаланбайды. Бір кездегі советтік педагогикадан тәлім алған ұстаздар қауымына технологиялық әдіске өту өзіндік қиыншылығы бар. Осы таңдағы зерттеулерге сүйенсек педагогикалық технологиялардың білім беру жүйесінде қолдануға болады деп 50 ден астам үлгісін жасауда. Дегенмен, ұстаз деген ізденімпаз халық білімін көтеруде, біліктілікті арттыруда бұл әдісті де меңгеруде. Қазіргі мұғалімді 2-ге бөлеміз. Бірінші топтағылар - жаңалық десе жаны құмар, қоғам талабына ілесуге әзір, ал екінші топтағылар - сабақ өтсе болды деп бірізділікке мойын бұрып алғандар. Жалпы мектептерде көбіне қолданылып жүрген технологиялардың негізі модульдік оқыту (В. М. Монахов, Ж. Караев, М. Жанпейсова) дамыта оқыту технологиясы (Д. Б. Эльконин, Л. В. Занков, В. В. Давыдов, т. б. ) тірек сызба арқылы оқыту технологиясы (В. Ф. Шаталов) және т. б. Осы технологиялық әдістер басым бастауышта, негізгі мектепте, жоғары мектепте осыны көп пайдаланады. Кейбір жағдайда осы технологиялық әдістермен өтілген сабақтар нәтижесі төмен болуда. Болашақтағы 12 жылдық білім беру жүйесі парадигмасында көптеген өзгерістер күтілуде. Бұл білім беру жүйесі - Бастауыш саты - оқушының интелектілік даму мен қалыптасу кезеңі. Ал, 5-7 сынып (инварианттың) оқушының белсенді қызығушылық және танымдық қалыптасу кезеңі, ал 8-9-10-бағдаралды кезең, 11-12 - бағдарлы кезең міне осы даму кезеңде технологияны бөліп қарастырған жөн. Сонымен бастауыш сыныпта қолданылатын технологиялар - ойын арқылы оқыту технологиясы, білімді ізгілендіру, дамыта оқыту, оқытудың компьютерлік технологиясы т. б. Орта мектепте (5-8 сынып) - дамыта оқыту, түсіндіре оза оқыту, тірек сигнал, проблемалық оқыту, деңгейлік саралап оқыту, модульдік оқыту, тірек сызба т. б. Жоғары сыныптарда (9-12 сынып) - ынтымақтастық, сын тұрғысынан ойлау, өздігінен даму, бағдарлап оқыту, саралап оқыту, т. с. с. Міне, осы жағдайда ғана кәсіби шеберлік артып білім сапасы көрінеді. Сапаны көтеруге, өз бетінше шығармашылық құзіреттілікті дамытудың іргелі білім жүйесінің тұтастығын жатқызуға болады, мұның қатарына мына тенденциялар негіз болады: үздіксіз білім беруге көшу, компетенцияға бағытталған білім, педагогикалық технологиялар, педагогикалық технологиялар мазмұны, нәтиже, білім сапсы, білім берудің ашықтығы, өзектілендіруі, іргелі білімді ізгілендіру, инновациялық әдістер, инновациялық дайындықтар жатады. . Сондықтан оқыту үрдісінде технологиялық әдісті қолдануда көптеген мұғалімдер қиыншылық көруде. Соңғы мәліметтерге қарағанда технологиялық әдістер арқылы өткен сабақтардың сапасы дәстүрлі сабақтардан төмен болуда. Неге олай, мұның негізгі дәлелі, (көп жылғы әдістемеден) мұғалім әуелі өзі технологиялық сабақ өткізу әдісіне дайын ба, біле ме десек әрине қиналамыз. Мүмкін қиыншылық бар шығар. Сондықтан, инновациялық технологияны оқу-тәрбие үрдісіне енгізуде бірнеше кезеңдерге бөліп қарастыру қажет. Өйткені, әр мұғалім өзінің іс тәжірибесінде инновацияны қай кезеңде қандай тақырыпта, қай класта қолдану ережелерін толық білу керек, сонда ғана сабақтың сапасы болады. Ал, әйтеуір жаңа технологиямен өткізу керек деп әр жерден жұлмалап, немесе элементтерін пайдаланса, онда оның сапасы болмайды. Сонымен, жіктейміз:

І кезең - жаңаға кіріспе

педагог инновациялық технологиялардың теориялық және практикалық маңызын жете түсінуде әдебиеттер мен танысу. (қаншалықты таныс)
қолданылатын технология мазмұнының өз іс-әректіндегі үйлесімділігін анықтау. (өз тәжірибесіне ұқсастық бар ма, өзгешілігі неде?)
педагогтың ең басты өзіндік нақты мақсатының жүйелі болуы. (өз әдісіндегі басты мақсатты айқындау) ІІ кезең - жаңаны ендіру
мұғалімнің күнделікті сабақ жоспарын құру мен сабақтың технологиялық құралын анықтаудағы мақсат-міндет, мазмұн, әдістерді айыра алу.
сабақтағы технология механизмінің қажеттілігін анықтау.
сабақтың нәтижелігін негіздеу
Сабақта эксперимент, зерттеу жұмысын жүргізу. ІІІ кезең - жаңаны талдау, саралау
сабақ өткізу, талдау, түзету, баға беру.
әр сабақтың технологиялық картасын (жүру схемасын немесе сабақ жоспарын) жасау. IV кезең - жинақтау