«Қазақстан Халық Банкі» АҚ жайында


1 Банк туралы
2 2005.2007 жылдардағы даму стратегиясы
3 2005.2007 жылдар ішінде бизнесті дамытудың негізгі міндеттері
4 «HALYK GROUP» Халық банкі қаржылық тобын дамыту стратегиясы
5 Қаржылық топ ішінде жүретін процестерді басқарудың негізгі міндеттері
«Қазақстан Халық Банкі» АҚ — өз клиенттерінің игілігі үшін 80 жылдан астам уақыт табысты қызмет етіп келе жатқан Қазақстан Республикасындағы аса ірі әмбебап коммерциялық банк, еліміздегі ең сенімді әрі қызметі барынша сараланған қаржылық құрылымдардың бірі.
«Қазақстан Халық Банкі» акционерлік қоғамы бұрынғы Қазақстан Республикасы Жинақ банкінің негізінде қайта құрылды және біраз жылдар бойы ҚР Үкіметінің зейнетақы мен жәрдемақы төлеу жөніндегі агенті болып келді.
Активтері мен меншікті капиталының көлемі жағынан Халық банкі Қазақстан Республикасындағы екінші деңгейлі ірі банктердің үштігіне кіреді. 2007 жылғы 1 мамырдағы жағдай бойынша Банктің активтері 1,01 трлн. теңге, міндеттемелері – 888 млрд теңге, меншік капиталы (баланстық) – 126 млрд теңге, жарғылық капиталы 66 млрд теңгені құрады.
2001 жылы жүргізілген Халық банкін жекешелендіру рәсімі нәтижесінде Банк өз клиенттеріне кең ауқымды және барынша сапалы қызметтер спектрін ұсыну мүмкіндігін беретін бизнес құрылымын жасауға қол жеткізді. Банк VISA International және MasterCard International төлем жүйесінің карточкаларын шығарады және қазақстандық пластикалық карточкалар рыногының тұрақты көшбасшысы болып келеді. Банктің айналымдағы карточкаларының жалпы саны 2,8 млн бірліктен асып түсті, ал екінші деңгейдегі банктер арасындағы Банктің бұл көрсеткіш бойынша үлесі 50 пайыздан асады.
«Қазақстан Халық Банкі» АҚ Басқармасының Төрағасы Марченко Григорий Александрович болып табылады.

Пән: Банк ісі
Жұмыс түрі:  Материал
Тегін:  Антиплагиат
Көлемі: 21 бет
Таңдаулыға:   
Бұл жұмыстың бағасы: 400 теңге

Қандай қате таптыңыз?

Рақмет!






Банк туралы
БІЗДІҢ БАНК

 
Қазақстан Халық Банкі АҚ — өз клиенттерінің игілігі үшін 80 жылдан
астам уақыт табысты қызмет етіп келе жатқан Қазақстан Республикасындағы
аса ірі әмбебап коммерциялық банк, еліміздегі ең сенімді әрі қызметі
барынша сараланған қаржылық құрылымдардың бірі.

Қазақстан Халық Банкі акционерлік қоғамы бұрынғы Қазақстан
Республикасы Жинақ банкінің негізінде қайта құрылды және біраз жылдар
бойы ҚР Үкіметінің зейнетақы мен жәрдемақы төлеу жөніндегі агенті болып
келді.

Активтері мен меншікті капиталының көлемі жағынан Халық банкі Қазақстан
Республикасындағы екінші деңгейлі ірі банктердің үштігіне кіреді. 2007
жылғы 1 мамырдағы жағдай бойынша Банктің активтері 1,01 трлн. теңге,
міндеттемелері – 888 млрд теңге, меншік капиталы (баланстық) – 126 млрд
теңге, жарғылық капиталы 66 млрд теңгені құрады.

2001 жылы жүргізілген Халық банкін жекешелендіру рәсімі нәтижесінде Банк
өз клиенттеріне кең ауқымды және барынша сапалы қызметтер спектрін ұсыну
мүмкіндігін беретін бизнес құрылымын жасауға қол жеткізді.

Банк VISA International және MasterCard International төлем жүйесінің
карточкаларын шығарады және қазақстандық пластикалық карточкалар
рыногының тұрақты көшбасшысы болып келеді. Банктің айналымдағы
карточкаларының жалпы саны 2,8 млн бірліктен асып түсті, ал екінші
деңгейдегі банктер арасындағы Банктің бұл көрсеткіш бойынша үлесі 50
пайыздан асады.

Қазақстан Халық Банкі АҚ Басқармасының Төрағасы
Марченко Григорий Александрович болып табылады.

2005-2007 жылдардағы даму стратегиясы

Негізгі міндет - Қазақстанда және онымен шектесіп жатқан көрші елдердегі
қаржы рыногының барлық сегменттерінде: банк, зейнетақы, сақтандыру,
бағалы қағаздар және лизинг саласында қызмет көрсететін әрі клиенттер
мүддесін көздеуге бағытталған қаржылық топ құру.

1. Өнімдер мен қызметтер ауқымы
Халық банкі мен оның еншілес компанияларының тобы еуропалық
стандарттарға сәйкес жұмыс істеуге талпыныс жасайтын болады әрі Банктің
филиалдар желісі арқылы өз клиенттеріне қаржылық өнімнің неғұрлым кең
ауқымын ұсынуға ұмтылады. Қаржылық топ өнімдер мен қызметтердің жаңа
түрін енгізетін болады және өңірдегі қаржылық инновациялар саласында көш
бастаушы болуды көздейді.

2. Қызмет ету географиясы
Халық қаржы тобы Қазақстанның, Ресейдің, Орталық Азия мен ТМД
елдерінің және Қытайдың қаржы рыноктарында жұмыс істейтін болады.
Клиенттер мүддесі талап ететін жағдайда топ дербес түрде немесе
стратегиялық серіктестері арқылы басқа елдердің қаржы рыноктарына да
шыға алады.

3. Клиенттері
Қаржы тобы өз қызметтерін заңды тұлғаларға да, жеке тұлғаларға да
ұсынатын болады. Қолда бар клиенттерге ұсынылатын қызметтер сапасын
барынша арттыру арқылы әрі қызмет түрін барынша кеңейте отырып, топ жаңа
клиенттерді тарта алады және бұлар негізінен орта бизнес, жобалық
қаржыландыру өкілдері мен жастар және орташа класқа басым көңіл бөлетін
болады.

4. Сату арналары
Топтың Қазақстандағы негізгі сату арнасы Халық Банкі филиалдары болып
табылады. Басқа елдердің рыноктарында еншілес компаниялармен қатар
топтың стратегиялық серіктестерінің арналары да пайдаланылатын болады.

5. Стандарттар
Стратегиялық серіктестерімен бірлесе отырып, топ 2007 жылдың 1 қаңтарына
дейін тәуекелдерді басқару, ақпараттық технологиялар және корпоративтік
басқару салаларында Еуроодақ (ЕО) стандарттарына толық сәйкес келуді
көздейді.

2005-2007 жылдар ішінде бизнесті дамытудың негізгі міндеттері

1) Халыққа бөлшек бизнес қызметін көрсету рыногында жетекші банк атану.
Ең бастысы - сатулар жүйесін құру, оның арқасында Банктің кеңінен
таралған филиалдар желісінде тұрғындарға қаржылық қызметтің толық
жиынтығы ұсынылады;
2) активтерді басқару рыногындағы өз айқындамасын күшейту (кең мағынада
алғанда, оның ішінде зейнетақы қорын, өмірді сақтандыру компаниясын,
брокерлік компанияны, активтерді тікелей басқару жөніндегі бөлімшелерді
қоса алғанда);
3) жалпы сақтандыру рыногында табанды да берік айқындама ұстануға қол
жеткізу;
4) рыноктың барлық негізгі сегменттері бойынша кемінде 25 пайыздық
үлесті иемдену;
5) шағын және орта кәсіпкерлерге несие беру рыногында жетекші банктің
бірі болу;
6) ірі экспорттық кәсіпорындарға қызмет көрсетуде мығым айқындама жасау;
7) бәсеке қабілеті жоғары, ең алдымен клиенттердің құрал-жабдық сатып
алу мұқтаждығын қамтамасыз ете алатын лизинг компаниясын құру;
8) Қазақстан мен оған шектес өңірде қаржы тобының шеңберіндегі
құрылымдық өнімдер бойынша бизнес ашу;
9) стратегиялық серіктеспен бірлесіп Қазақстан аумағынан тыс жерлерде
бизнесті қолға алу және 5 жылдың ішінде шетелдік бизнестің жалпы өнім
көлеміндегі үлесін 30 пайызға жеткізу. Ресеймен саудалық қарым-қатынасқа
оның ішінде шекаралық саудаға (саудалық қаржыландыру) қызмет көрсету
бизнесін құру.
10) қорландыру мерзімін ұзарта отырып, қор базасын сараландыруды
жалғастыру.

HALYK GROUP Халық банкі қаржылық тобын дамыту стратегиясы

1. Кең таралған филиалдар желісін, Қазақстан Халық жинақ банкі деген
танымал атауы мен имиджін пайдалана отырып, Халық банкі өзінің еншілес
компанияларымен бірге қаржылық топқа айналуға және жеке тұлғалармен
жұмыс істейтін жетекші ірі банк ретінде айқындалуға тиіс. Бұл үшін:
қаржы тобы артықшылығы нақты айқындалған сегменттерде (төлем
карточкалары, төлемдер мен аударымдар) өз күшін басым түрде
шоғырландырып, сол салада жаңа өнімдер - телефондық банкинг, супер
банкоматтар, т.б. енгізуге көңіл бөлуі қажет;
бір-біріне сәйкес келетін, түйіспелі кешенді қаржылық қызметтің тиімді
жүйесін жасау, сөйтіп Банктің филиал желісі арқылы one stop shopping
тұжырымдамасымен бір клиентке орташа алғанда кемінде 4 түрлі өнім: төлем
карточкаларын, депозиттер, тұтыну немесе тұрғын үй кредитін, сақтандыру
(жалпы) қызметін, зейнетақы қорының өнімдерін сату, ал болашақта -
бағалы қағаздармен жасалатын операциялар, сондай-ақ орташа кластың
жоғары тобына кіретіндердің активтері мен өмірін қорғау қызметін ұсыну
керек;
қазіргі уақытта нақты бәсекелестерде жоқ жаңа өнімдер түрін енгізу және
Қазақстанда ыңғайлы да икемді қаржылық супермаркет сервисінің жоқтығынан
қаржылық қызметтерді жеткілікті пайдалана алмайтын клиенттерді
түйіспелік сатулар қызметі есебінен тартып отыру қажет.
2. Корпоративтік клиенттерге қызмет көрсету тұрғысынан алғанда
корпоративтік және инвестициялық банкингтегі айқындамаларды нығайту
қажет. Мақсатты клиенттік база мыналар болуға тиіс:
аса ірі клиенттер, экспортер-кәсіпорындар, оларға жергілікті және
шетелдік жетекші банктердің ұсынатын қызметтерімен салыстыруға келетін
қызметтер түрін көрсететін жағдай жасау. Мұндай клиенттерге жоғары
деңгейдегі сапалы қызмет пен кешенді банктік және қаржылық қызмет
ұсынылуға тиіс;
сонымен қатар қазіргі уақытта кредитті қажет етпейтін клиенттерге де
көңіл бөлінгені жөн және оларға қаржы тобының банктік емес, пайызы жоқ
өнімдерін ұсыну қажет;
шағын және орта бизнес саласындағы клиенттер базасын бөлшек банкинг
секторындағы секілді one stop shopping арқылы және түйіспелі сатулар
есебінен жетілдіру керек.
3. Қаржы секторындағы өтімділіктің артуы және жоғары класс пен орта
класс өкілдері әл-ауқатының өсуі бізде активтерді басқару қызметіне
сұраныс туғызады (asset management және private banking). Бұл ретте
серпіліс жасап, неғұрлым алға дамуға, еншілес зейнетақы қорының
жетекшілік рөлін барынша пайдалануға ұмтылған жөн болады. Активтерді
басқару арқылы қаржылық топ ұсынып отырған қолда бар қызметтер спектрін
толықтыруға болады, бұл сондай-ақ жеке адам өмірін сақтандыру
компаниясын құруға мүмкіндік береді. Аталған компанияның табысты қызмет
істеуін қамтамасыз ету үшін активтерді басқаруға дағдылану, машықтану
қажет.

Қаржылық топ ішінде жүретін процестерді басқарудың негізгі міндеттері
1) Қаржы тобының стратегиялық серіктесі ретінде еуропалық қаржы
институтын тарту қажет.
2) Филиалдар желісі арқылы сатуларды кеңейтуге, бір орталықтан есепке
алуға мүмкіндік беретін және тәуекелдерді басқару жүйесіне қолдау
көрсететін ІТ жүйесін іске қосу керек.
3) Стратегиялық серіктеспен бірлесіп, еуропалық стандарттарға толық
сәйкес келетін тәуекелдерді басқару жүйесін құру қажет.
4) Клиенттерге филиалдар желісі арқылы жоғары сапалы қызмет көрсетуді
және толық өнім жиынтығын ұсынуды қамтамасыз ететін қызметкерлер құрамын
оқытып-үйрету жүйесін құру керек.
5) Қаржы тобы шығаратын шешімдердің бүркемесіз, ашық болуын және
акционерлер құқығының қорғалуын қамтамасыз ететін корпоративтік басқару
жүйесін құру қажет.
6) Банкте клиенттермен қарым-қатынасты басқару жүйесін енгізу керек.

Халық тобының құндылықтары
Клиентке бет бұру:
Біздің клиенттердің қол жеткізген табысы - бұл біздің де жетістігіміз.
Біз клиенттеріміздің нақты мұқтаждығын барынша ұғынуға тырысамыз және
олардың алдына қойған мақсатына қол жеткізуі, кейде тіпті одан да биік
асуларға жетуі үшін ең тиімді деген ұсыныс жасау бағытына күш салуға
міндеттенеміз.

Сенімділік:
Біз халықаралық құқық нормалары мен жалпылама мойындалған қағидаларды,
Қазақстан Республикасының заңнамасын, Халық тобы өз бизнесін
жүргізетін басқа елдердің заңнамасын, сондай-ақ Халық тобының ішкі
қағидалары мен ережелерін де бұлжытпай орындаймыз. Біз қашан да болсын,
қай жерде болсын, қызметіміздің барлық саласында мүлтіксіз адал бизнес
жүргізуге ұмтыламыз. Біз корпоративтік басқарудың еуропалық
стандарттарына сүйенуге талпынамыз және акционерлер үшін де, клиенттер
мен іскерлік серіктестер, мемлекеттік билік органдары және қызметкерлер
үшін де Халық тобының қызметін барынша ашық әрі бүркемесіз жүргізу
саясатын ұстанамыз. Сенімділік - Халық тобының іскерлік беделін
сақтаудың басты кілті.

Жетекшілік:
Біз өзіміз қатысатын рынок сегменттерінің барлығында да клиенттерге
қызмет көрсетуде жетекші орыннан көрінуге ұмтыламыз. Ұйымдық деңгейдегі
біздің барлық басшыларымыз өз ісіне шынайы берілген, қажырлы да табанды
энтузиазм үлгісін көрсетуде. Олар өздері басқаратын ұйымды Халық
тобының миссиясын орындауға бағыттайды, рухтандырады, инновацияларға
құптарлықпен қарайды.

Әлеуметтік жауапкершілік:
Халық тобы қызметінің негізгі қағидаларының бірі - халықтың барлық
тобының қажеттілігі мен мүддесін қамтамасыз етуді бағдарлау. Біз қоғамды
одан әрі дамыту үшін ат салысуға және әлеуметтік мәселелерді шешуге
белсенді үлес қосуға әрі жауапкершілік сезімі жоғары корпоративтік
азамат тұрғысынан көрінуге ұмтыламыз.

Әділеттік:
Әріптестерімізбен ара-қатынасымызды біз өзара көмек, құрмет,
ынтымақтастық, сенім және корпоративтік бірлік қағидаттарына сүйене
отырып құрамыз. Біз Халық тобының барлық құрылымдары арасында еркін
пікір алмасуды ғана емес, білім мен тәжірибе алмасуды да құптаймыз және
командалық жұмысқа негізделген тиімді қызметті қолдаймыз. Біз өз
қызметкерлеріміздің кәсіби деңгейін арттыруға, олардың әлеуметтік
тұрғыдан нақты қорғалуына барынша көңіл бөлеміз. Қызметкерлерге көтерме
сыйақы төлеу, олардың еңбегін мойындау әрі лауазымдық жағынан өсіру
бізде әділеттік қағидатына негізделген және әр қызметкердің Халық тобы
жетістіктеріне қосқан жеке үлесінің нәтижесімен тікелей байланысты.

Кәсібилік:
Біз кәсіби қызметтің неғұрлым жоғары стандарттарына қол жеткізуге
ұмтыламыз, біз қашан да инновациялар мен жаңа ой-пікірлер үшін ашықпыз,
батыл әрі дәйекті түрде әрекет етуге әзірміз. Клиенттерге қызмет көрсету
операцияларын біз адал ниетпен, уақытылы әрі сапалы түрде іске асырамыз,
ал бұл өз кезегінде біздің клиенттермен ара-қатынасымыздың берік әрі
ұзақ мерзімді болуын қамтамасыз етеді.

Тарихы

БАНК ТАРИХЫНАН

2003 жылы Қазақстан Халық банкіне 80 жыл толды.

Халық Банкінің тарихы — бұл Қазақстан аумағындағы жинақ жүйесінің құрылу
және даму тарихы. Қазақстан Халық Банкі акционерлік қоғамының негізі
қайта құрылған Қазақстан Республикасы Жинақ банкінің базасында қаланған.

Еліміздегі алғашқы жинақ кассасы сонау 1923 жылы, төңкеріс жылдарынан
кейінгі жаңа экономикалық қарым-қатынастар қалыптаса бастаған кезеңде,
Ақтөбе қаласында ашылған болатын, кейіннен ұжымдандыру
(коллективтендіру) және индустрияландыру науқандары жүргізілген тұста,
1936 жылы, Алматы қаласында КСРО Жинақ банкінің филиалы ашылды.
Ақтөбедегі жинақ кассасы ашылғаннан кейін небәрі 4 жылдың ішінде
республикадағы мұндай кассалар саны 335-ке жетті. 1929 жылы
Республикалық жинақ кассасы құрылып, ол Қазақстандағы барлық кассалар
қызметіне жалпы басшылықты іске асырды. Касса салымшыларының қатарына
жұмысшыларды, қызметкерлер мен колхозшыларды неғұрлым көбірек тарту
мақсатында жинақ кассаларын тікелей зауыт-фабрикалардың өзінен,
колхоз-совхоздарда, байланыс мекемелері мен кәсіпорындардан ашу қолға
алынды.

Социалистік қоғамда қалыптасқан әлеуметтік-экономикалық және қаржылық
қатынастардың өзі әрбір кеңестік азаматтың Жинақ банкі салымшыларының
қатарына қосылуына ықпал етті. Халыққа қызмет көрсетудің орасан зор
ауқымдағы жүйесі қаражат жинақтау мен банк ісінің қалыптасқан тарихи
дәстүрлерін Қазақстан аумағында да бекітуге қолайлы жағдай туғызды.
Жинақ кассалары сонымен қатар мемлекеттік қарыз облигацияларының, басқа
да бағалы қағаздардың кепілдігімен мерзімдік несиелер берумен айналысты.
Сондай-ақ оларға қор операцияларын, басқа да бірқатар қаржылық және
банктік операциялар жүргізуге рұқсат етілді.
Бұл кезеңдегі жинақ ісінде мемлекеттік кредит беру қалыптасып, біртіндеп
дами бастады.
Ол жылдары сегіз рет мемлекеттік қарыз шығарылды, оның үшеуі —
натуралдық түрде (астықпен, қантпен) болса, екеуі алтынмен есептелген
болатын (ақша реформасына дейін).
1960 жылдың аяғына қарай жинақ кассаларындағы салымшылар саны 1 770 мың
адамға жетті, ал салым ақшаның көлемі 322,7 млн сомды құрады, салымның
бір адамға шаққандағы орташа мөлшері 182 сом болды. Жинақ кассаларының
саны 1950 — 1960 жылдар арасында 1,8 есеге өсіп, 1960 жылдың аяғында
2805-ке жетті.
Қазақстандағы жинақ ісі мен жинақ кассалары желісінің кеңінен қанат жаюы

ең алдымен еліміздегі тың және тыңайған жерлердің игерілуі нәтижесінде
халық шаруашылығының қарқынды дамуымен, еңбекшілердің материалдық тұрмыс
жағдайының айтарлықтай жақсаруымен байланысты болды. Тек 1955 жылдың
өзінде еліміз бойынша салымшылар шоттарының 44,1 пайызы, ал салымдар
қалдығының 44 пайызы тың жерлерді игеру жаппай жүргізілген солтүстік
өңірдегі Көкшетау, Қостанай, Солтүстік Қазақстан, Ақмола, Павлодар
облыстарының үлесіне тиді
(М.Жолдасбеков, Незаменимые услуги, Алматы,1986 ж.).
60-жылдардың басында жинақ кассаларында тұрғындардан пәтерге,
коммуналдық қызметттерге төлейтін төлемақыларын қабылдау операцияларын
жүргізу қолға алынды. Сонымен бірге жинақ кассаларының құзырына
зауыт-фабрикалардың, жергілікті кәсіподақ комитеттерінің, өзара көмек
кассаларының және шаруашылықпен айналыспайтын қоғамдық ұйымдардың
ағымдағы шоттарын жүргізу берілді.

Жинақ жүйесінің одан әрі дамуы үшін ақша бірлігін күшейтудің маңызы зор
болды.
Алайда 1961 жылы жүргізілген реформа айналымдағы ақша массасын бақылау
және ақша шығаруды шектеу шарасы ретінде ойластырылғанымен, көздеген
мақсатқа қол жеткізілмеді, ол үшін бүкіл шаруашылық құрылымы қайта
өзгертілуге тиіс еді, сондықтан аталған реформа ақша белгілерін
ауыстырумен және сомның жаңа бағамын белгілеумен ғана шектелді.
1963 жылдан бастап жинақ кассалары Қаржы министрлігінің құрамынан
шығарылып, Мемлекеттік банк қарамағына берілді, халық салымдарының
қаржысы бұдан былай банктің кредит ресурсын толықтыруға жұмсалатын
болды. 60-жылдардың аяғында жинақ ісінің нағыз даму шегіне жетіп,
көркейген кезеңі болды: дәл сол жылдары халық шаруашылығына кредит
беруге күрделі капитал қаражаты жіберілді, ал оның негізгі көзін
тұрғындардың кассалардағы жинақ салымдары құрады.
1988 жылғы банктік реформа бойынша банк жүйесін екі деңгейге көшіру
көзделді: орталық банк және арнаулы банктер. Мемлекеттік еңбек жинақ
кассалары КСРО Жинақ банкіне айналдырылып, халыққа және заңды тұлғаларға
қызмет көрсететін мемлекеттік арнаулы банк болып құрылды.
Қазақстан Республикасының мемлекеттік тәуелсіздік пен егемендіккке қол
жеткізуімен жинақ ісінің дамуында үшінші қайта құру кезеңі басталды —
дәл осы кезден бастап Қазақстан Халық Банкінің құрылымдық банкингке және
функционалдық қайта бағдарлауға негізделген ісі қолға алынды.
1990 жылдың желтоқсанынан бастап Қазақстан өзінің нарықтық экономика
талаптарына жауап бере алатын банк жүйесін құруға кірісті. 1991 жылдың
қаңтарында-ақ Қазақ ССР-індегі банктер және банк қызметі туралы деген
заң қабылданды, мұның өзі тәуелсіз Қазақстанның банк ісіндегі реформа
жұмысының алғашқы қадамы болған еді.
Мемлекеттік тәуелсіздігіміз ресми түрде жария етілген соң бір жылдан
кейін, 1992 жылы Қазақстан Республикасының Жинақ банкі құрылды, оның
заңды түрдегі ресми құқық иеленушісі бүгінгі Қазақстан Халық Банкі
болды.
1993 жылы Жинақ банкі Қазақстан Республикасының үкіметіне қарайтын
дербес заңды құрылым — Қазақстан Халық Банкі болып ұйымдастырылды. Ал
1995 жылы Банк жабық тұрпаттағы акционерлік қоғам болып қайта құрылды.
Қайта құру рәсімі банк басшылығын ауыстырумен, жұмыс стилін түпкілікті
өзгертумен ұштастырылды.
Жаңа басшылық банк жұмысына әмбебап қызмет көрсету қағидатын негіз етіп
алды және бүгінгі күнге дейін банк қызметі түрлерін барынша кеңейтуді,
банкингтегі ақпараттық-коммуникативтік технологиялардың соңғы
жетістіктерін пайдалануды барынша қолдап әрі дәйектілікпен іске асырып
келеді.
1995 жылдың аяғында-ақ Қазақстан Халық Банкі республикадағы ірі
операциялық банк болып танылды. Қазіргі уақытта Банк қаржы рыногындағы
өзінің сол айқындамасынан ауытқымай, қол жеткізген жетістіктерін сақтап
қалуға ұмтылып келеді.
1998 жылдың шілдесінде акционерлердің жалпы жиналысының шешімімен Банк
жабық тұрпаттағы акционерлік қоғамнан Үкіметтің қатысуы 100 пайызды
құрайтын Қазақстан Халық жинақ банкі ашық акционерлік қоғамына
айналдырылды.
Сол жылы Қазақстан Республикасы Үкіметінің 1998 жылдың 6 шілдесінде
шыққан
№ 644 Қазақстан Акционерлік Халық жинақ банкін 1998-2001 жылдары
кезең-кезеңмен жекешелендірудің негізгі бағыттары туралы деген
қаулысына сәйкес акционерлік қоғам капиталын ұлғайту бағытында жұмыс
жүргізілді.
2001 жылдың қараша айында өткен сауда-саттық аукционында Қазақстан
Үкіметі өзіне тиесілі 33 пайыз + бір акцияның бақылау пакетін сатты. Осы
уақыттан бастап Қазақстан Халық Банкі еліміздегі ірі әмбебап әрі жетекші
коммерциялық банктердің бірі болып келеді. 80 жылдан астам өз
клиенттеріне қалтқысыз қызмет етіп, сенімді қаржылық мекемеге айналып
отыр.

Басшылық

Қазақстан Халық Банкінің Директорлар кеңесі:

Директорлар кеңесінің Төрағасы
Павлов Александр Сергеевич

Директорлар кеңесінің мүшелері:
Арыстанбекова Камиля Валерьевна — Қазақстан Халық банкінің Жинақтаушы
зейнетақы қоры ЖАҚ Басқармасының төрағасы

Сатылғанов Қайрат Алпамысұлы — АЛМЭКС фирмасы ЖШС президенті

Марченко Григорий Александрович — Қазақстан Халық Банкі АҚ Басқармасының
Төрағасы

Дамитов Қадыржан Қабдошұлы — Директорлар кеңесінің мүшесі

Елемесов Асқар Раушанұлы— Директорлар кеңесінің мүшесі
тәуелсіз директор

Кристоф Рёль — Директорлар кеңесінің мүшесі
тәуелсіз директор

Гэвин Артур — Директорлар кеңесінің мүшесі
тәуелсіз директор

Дербес сервис

Бүгінгі күні Қазақстан Халық банкі АҚ жүйесі бойынша Қазақстанның 17
қаласында 26 Дербес сервис орталығы (ДСО) жұмыс істейді.

Дербес сервис орталықтарының барлығында сізге жеке менеджер бөлінеді
және жедел, сапалы әрі ыңғайлы жағдайда жеке тұлғаларға арналған кез
келген банк қызметін көрсету қарастырылған:
- жеке шот ашу;
- $ 3000 және одан асатын сомада (немесе соған барабар сомада, теңгемен)
депозит ашу;
- VISA Classic және ECMC Mass, VISA Gold және ECMC Gold, AMEX
пластикалық карточкаларын ашу және қызмет көрсету;
- құнды заттар мен құжаттарды дербес сейфте сақтау үшін сейф
(депозитарий) қызметін пайдалану (сейфтік депозитарийлер бар ДСО-да);
- $ 3000 және одан көп сомада (немесе соған барабар сомада, теңгемен)
кредит алу;
- ақша аудару: жедел, экспресс, Money Gram;
- коммуналдық және басқа төлемдер жүргізу;
- жеке тұлғаларға арналған аккредитивтік нысанмен есеп айырысу;
- ақша айырбастау операциялары;
- банк операцияларының басқа түрлері (валюта айырбастау, төлемдер,
аударымдар, т.б.)

Дербес Сейфтік депозитарий
Банк клиенттерінің, сондай-ақ кез келген заңды және жеке тұлғалардың
құнды заттары мен құжаттарының сақталуын қамтамасыз ету үшін Қазақстан
Халық Банкі мына мекен-жайлара қазіргі заманға сай сейфтік
депозитарийлер ашты:

- Алматы қ., Достық даңғылы, 39;
- Алматы қ., Сейфуллин даңғ., 567, ДСО.

Құнды заттар мен маңызды құжаттарды банк депозитарийінде сақтаудың талас
тудырмайтын басымдығы - сенімділікке және қауіпсіздікке кепілдік
беріледі.

Банк депозитарийін пайдаланудың қосымша ерекшелігі құндылықтар мен
құжаттарды анонимді сақтау, сондай-ақ оның құнын жария ету мүмкіндігі.

Абоненттік жәшіктерді пайдалану мерзімі шектелмейді.

Қазіргі уақытта Банк сейфтік депозитарийдің барынша кеңінен таралған
(өлшемдері бойынша) мынадай абоненттік жәшіктерін жалға ұсынады:
- Кіші сейф: биіктігі - 6 см, ені - 24 см, ұзындығы - 42 см;
- Орташа сейф: биіктігі - 15 см, ені - 24 см, ұзындығы - 42 см;
- Үлкен сейф: биіктігі - 45 см, ені - 24 см, ұзындығы - 42 см.

Қазақстан Халық Банкі сейфтік депозитарийінің абоненттік жәшіктеріне
жұмыс күндерінде сағат 9-00-ден 17-00-ге дейін қол жеткізуге болады.

қызмет көрсету орталықтарының жұмысы конфиденциалдық, өзара түсіністік
және беделге ие болу қағидаттарына сүйенеді.

Ақша аударымдары
Қазақстан Халық банкі сіздерге MoneyGram және "Жедел аударымдар"
жүйелерін пайдалану арқылы, шот ашпай-ақ, барынша оңай рәсіммен ақша
аудару қызметін ұсынады.

Қазақстан аумағынан тыс жерге қысқа мерзімде ақша аудару немесе шет
елден ақша аудару қажеттілігі туған жағдайда сіз халықаралық ақша аудару
жүйесін пайдалануыңызға болады.

MoneyGram:
- ақша аудару операциясын жедел және сенімді түрде жүзеге асыратын бұл
жетекші халықаралық компанияның дүние жүзінің 138 елінде орналасқан 35
000 бөлімшесі бар;
- ақша аударылғаннан кейін 15 минуттан кейін қолыңызға тиетініне
кепілдік беріледі.

MoneyGram қызметі әсіресе мына жағдайларда қажет болады:
- егер сіз шетелде жұмыс істесеңіз және сізге отбасыңызға үнемі ақша
салып тұру қажет болса;
- егер сіздің балаларыңыз шетелде оқитын болса немесе сонда каникулын
өткізетін болса;
- егер шетелде тұратын туыс-туғандарыңызға, таныстарыңызға материалдық
көмек көрсету немесе олардан ақша алу қажет болса;
- егер сіз шетелде жүргенде ақшаңызды жоғалтып алсаңыз, сізге елге қайту
үшін немесе саяхатыңызды жалғастыру үшін қаражат қажет болса.

Халық банкінің көмегімен MoneyGram қызметінің мүмкіндігін пайдаланыңыз:
- ақша аудару қызметінің құны өте төмен және жіберілетін ақша сомасына
байланысты;
- комиссиялық сыйақы тек бір рет және ақша аударғанда төленеді;
- ақша алушыдан комиссиялық ұсталмайды;
- ақша жөнелтілгеннен кейін оны 15 минутта алуға болады;
- жіберуге болатын ақшаның ең көп сомасы - 10 000 ... жалғасы
Ұқсас жұмыстар
«Қазақстан Халық Банкі» АҚ
«Қазақстан Халық Банкі» АҚ банк туралы
КОММЕРЦИЯЛЫҚ БАНКТЕРДIҢ ДЕПОЗИТТIК САЯСАТЫНА ТАЛДАУ ҚАЗАҚСТАН ХАЛЫҚ БАНКI АҚ МЫСАЛЫНДА
Халық банкі
Қазақстан Халық банкі АҚ-ың ипотекалық несиелеу жүйесінің дамуын талдау
Коммерциялық банктерде несиелік процесті ұйымдастыру («Қазақстан Халық Банкі» АҚ тәжірибесінен)
Қазақстан Халық Банкі АҚ бөлімі мысалында пластикалық карточкалардың мониторингі
«Қазақстан Халық Банкі» АҚ-ның қаржылық жағдайын талдау
Тұран Әлем Банкі АҚ
«Пәкістан Ұлттық Банкі» АҚ
Пәндер
Stud.kz
Арайлым
Біз міндетті түрде жауап береміз!
Мы обязательно ответим!
Жіберу / Отправить

Рақмет!
Хабарлама жіберілді. / Сообщение отправлено.

Email: info@stud.kz

Жабу / Закрыть