Аса өзеніндегі су алу торабы

КІРІСПЕ
Аса өзеніндегі су алу торабы
НЕГІЗГІ БӨЛІМ
1.Аса өзеніндегі су алғыш тораптың жоғарғы бьефінің гидравликалық есептеулері
2.Магистральды каналдардың негізгі гидравликалық есептеулері
3.Су қабылдағыштың есептеулері
4.Аса өзеніндегі су алу торабының қалқанды су өткізгіш бөгетінің есептеулері
ҚОРЫТЫНДЫ
ҚОЛДАНЫЛҒАН ӘДЕБИЕТТЕР ТІЗІМІ

Суғармалы жерлерде әр түрлі каналдар болады. Қандай да канал болмасын ол суғармалы жерге суды дер кезінде, белгілі мөлшерде жеткізіп отыруы қажет. Каналдар ашық түрде (кәдімгі жер каналы), жабық түрде (құбыр) болып келеді.
Каналдың көлденең қимасы белгілі еңістікте белгіленген су өтімін қамтамасыз ететіндей және кішігірім ауданды болуы керек. Каналдардағы су деңгейлері бірінен-бірі жоғары болыа отырады. Ең кіші каналдардағы (уақытша канал) су деңгейі суғармалы жерден 5-10см жоғары, ал танап каналындағы су деңгейі уақытша арықтағы су деңгейінен 10-15см биік болуы керек. Үлкен каналдардың екі жағынан ауыл шаруашылық механизмдері жүріп тұратын ені 1-3метрлі жол болады.
Каналдың әр түрлі көлденең қимасы болады: трапеция-кәдімгі жер каналы; парабола-астау каналдар; тікбұрышты-темірбетон блоктардан салынған каналдар; үшбұрышты-арық қазғышпен тартылған уақытша арық, дөңгелек құбырдан салынған каналдар.
Жер бетінің еңістігіне қарай каналдың әр түрі болады: үйінді канал; жартылай үйме, жартылай қазылған және толығымен қазылған және бір жағы қазылып бір жағы үйме каналдар. Мұның ішінде үйме каналы ең қауіпті болады. Топырақты сапалы түрде үймесе, су каналды опырып бұзып кетуі ықтимал.