Қазіргі кезеңдегі елдің сыртқы экономикалық және сыртқы саяси дамуы

1. ҚР сыртқы саясаты
2. Экономикалық дамудағы сыртқы саясаттың рөлі
3. Қазақстан және халықаралық ұйымдар.

Минералдық қазба байлықтар қорынан дүние жүзіндегі 170-тен астам елдердің арасында Қазақстанның алатын орны мынадай:
вольфрам - 1 орын, хромит — 2 орын, фосфор — 2 орын, марганец — 3 орын, уран - 3 орын, қоргасын — 4 орын, молибден — 4 орын, мырыш — 5 орын, мыс — 6 орын, күміс — 7 орын, темір рудасы — 8 орын (371 жылға жетеді), көмір - 9 орын, никаль — 10 орын, мұнай — 12 орын (81 жылға жетеді — 7 орын)
Қазақстан жерінің көлемі жағынан әлемде 9-орын, халқының саны жағынан — 71— орын алады. Қазақстанда "Тікелей инвестицияларды мемлекеттік қолдану туралы" заң қабылданған. Ол республикадағы инвестициялық ахуалды одан әрі жақсарта түсуге бағытталған. Бұл құжат инвесторлардың мүдделерін қорғайды. Жаңа кепілдіктер инвесторлардың бәсекеге түсу еркіндігін, бір жағынан өз бәсекелестеріне деген қарым-қатынас жасау құқықтарын, екінші жағынан — кәсіпкерлік қызмет түрлерінің еркіндігін, яғни, олардың мемлекетке деген қарым-қатынас жасау құқықтарын қамтамасыз етеді.
Қазақстанның инвестициялар үшін тартымдылығы мынада. Әлемде 50-ден астам сирек металдар бар. Олар жер бетінде аз, көп кездеспейді. Бірақ алынуы қиын, қолға қиямет-қайым қиындықпен түседі. Шартты айтқанда, өтіп бара жатқан XX ғасырда түсті металдар заманы десек, келе жатқан XXI ғасырды сирек металдар ғасыры деп атауымызға болады.
Әлемдегі бар уран қорының төрттен бірі Қазақстан жерінде жатыр. Оның мөлшері 926 мың (яғни миллиондай тонна), ал әлемдік қоры 4 миллион тоннаға барады. Қазір дүние жүзінде бір жылда 50-60 мың тонна уран шығатын болса, қазақ жерінің қазынасы қаншаға жететінін осыған қарап-ақ есептей беріңіз.
Қазақстанның таулы-тасты аймақтарының бәрі уранға толып тұрған секілді. Уран өндіру қарт Қаратау қойнауынан басталған, Қазақстан ғана емес, бүкіл Кеңес одағының түңғыш руднигі елуінші жылдардың басында Қордай даласында орнаған. Оған ілесе Шу - Сарысу, Іңкәр, Буденновск, Мыңқүдық кеніштері осы Қаратау мен Бетпакдала өңірінде, уран қорының тең жартысы Созақ ауданында жатыр. Жерінің беті көріксіз болса да асты қазына екен. Содан әрі Маңғыстау даласында, Көкшетау, Атбасар аймағында табылып, Ақтауда, Ақмолада аса ірі комбинаттар жұмыс істеді.
Сондықтан да біздің еліміз уран қоры жағынан дүние-жузінде бірінші орын алып отыр. Кеңес заманында атом қаруы шүғыл кажет болғанда іздегенде уранның мол қоры осы қазақ даласынан табылған. Содан сол ураннан жасалған атом бомбалары сыналып, жарылып сол мол уран жатқан алқапқа алапат әкелді.
Мемлекет басшысының сыртқы саяси қызметі мен Қазақстанның әлем мемлекеттерімен сыртқы экономикалық байланыстарын дамыту мәселелерін шешумен тығыз сабақтасып жатыр.
Қазақстанда іргелі әлемдік компаниялардың пайда болуы - Мемлекет басшысының елге шетелдік инвестицияларды тарту жөніндегі табанды қызметінің нәтижесі. Қазақстан жетекшісінің Давостағы дүниежүзілік экономикалық форумның, Кранс-Монтана мен Зальцбургтағы инвестициялық саммиттердің жұмысына белсенді қатысуы да осыған бағытталған.
Қазақстанның Еуропалық коғамдық, Халықаралық валюта қоры, Халықаралық және Еуропалық қайта құру және даму банктері, Азиялық банк және басқа көптеген іргелі әлемдік институттармен ынтымақтастық нығайып келеді.
Қазақстанда Алматы инвестициялық саммиті және кәсіпкерлік форумы өткізілді; Қазақстан Республикасы Президенті жанындағы Шетелдік инвесторлар кеңесі табысты жұмыс істеп келді. Бірақ мұнай құбырының кілтін ұстанғандардың билікке ықпал етуге мүмкіндігі мол.
Мүнай — саясат. Себебі ол — байлық. Ал байлыққа барлығының қол артатыны тағы мәлім. Десе де келер ғасырдағы дау-дамайдың да, жетістіктің де, геосаясаттың да көкесі мұнай айналасында болатын тәрізді. Мұнай саясатының күрделілігі сол, кейде алып мемлекеттірдің өздері қатаң ұстанған басым бағыттан ауытқуына да мәжбүрлейді. Мәселен, мұнайға деген мүдделік АҚШ-тың да, түбегейлі Батыстың да демократия, адам құқығы деген айқындамасы түрғысынан "өз тағдырын өзі шешіп алған" Түркіменстанға көзжүмбайлықпен қарауға итермелейді. "Қалғанының қажеті шамалы, ең бастысы энергоресурстарға қол жеткізу керек".

1. Қазақстан тарихы. Көне заманнан бүгінге дейін. IV томдық. Алматы; 1996, 1999, 2002 ж.
2. Қазақстан тарихы. Очерк. Алматы; 1993 ж.
3. Артықбаев Ж.О. Қазақстан тарихы. Астана; 2000 ж.
4. Абдакимов А. Қазақстан тарихы. Алматы; 1993 ж.
5. Кузембайулы А. Абиль А. История РК. Астана; 2001 г.