Үй құстарын нормамен азықтандыру

1. Үй құстарының ас қорыту және зат алмасу ерекшеліктері
2.Үй құстарының қоректік заттарға деген мұқтаждығын есептеп шығару
3.Құсты азықтандыру кезінде энергия, протеин, минералдық және басқа қоректік заттар мөлшерін нормалау принципі
4. Азықтар, азық рациондары, азықтар құрамы, азықтандыру тәсілдері
5.Тұқымға қалдырылған жас құстардың өсу кезеңдеріне қарай азықтандыру

Азықтану — мал және құс ағзасы мен оған баратын азықтық заттар арасында болатын күрделі өзара әрекеттесу процесі. Бұл процесс кезінде азықтағы коректік заттар мал мен құс организміне жеке-жеке емес, кешенді түрде әсер етеді. Мал мен құстың азықтануындағы бұл кешенді процестің толыққұндылығының негізгі көрсеткіші — қуат пен құрғақ заттың, протеинің, көмірсулардың, майлардың, минералдық элементтердің, витаминдердің және басқа да биологиялық белсенді заттардың малдың, құстың қажетіне қарай теңестіріліп отырылуы.
Мал мен құстың қуатпен қамтамасыз етілуі — олардың өнімділік деңгейін айқындайтын негізгі ықпалдардың бірі болып табылады. Мал мен құс азықтандыру теориясында қуаттық коректендіруге қатысты маңызды мәселе қашанда басты орында тұрады. Бұл жағдайда, малдың және құстың ағзасындағы қуат тепе-тендігін ғылыми тұрғыдан негіздеу айқындаушы маңызға ие.
Азықтандыруды мөлшерлеу мен жемшөптің жұғымдылығын алмасатын қуат бойынша бағалау жүйесіне кешуге байланысты, мал мен құс ағзасындағы қуат тепе-тендігінің бұдан бұрын қолданылып келген үлгісі (Армсби бойынша) енді таза қуатты негізге ала отырып, мейлінше нақтылауды талап етеді.
А.П.Калашников пен В.В.Щеглов ұсынған жаңа үлгіде нәжістегі қуат сияқты, ішек газдарының қуаты да азықтың жалпы қуатынан шегеріліп тасталынады, бұл қорытылатын заттардың қуатын барынша нақты анықтауға мүмкіндік береді.
Тепе-тендік үлгісінен көрініп тұрғанындай, малдың және құстың ағзасы өзінің тіршілігі мен өнім түзуді қамтамасыз ету үшін таза қуатты емес, алмасатын қуатты пайдаланады. Олай болса, таза қуат (өнімнің қуаты) емес, алмасатын қуат қана азықтардың мал мен құс үшін қуаттық тұрғыдан қаншалықты жұғымды екенін мейлінше дұрыс бейнелей алады.
Таза қуат — тек мал мен құс азықтарындағы адам өз мақсаттары үшін пайдаланатын өнімдердің құрамына енген алмасатын қуаттың бір бөлігі ғана. Мал мен құс тіршілігін қалыпты ұстап тұру үшін жұмсалған қуатты өнімнің қуатына қосып есептеу негізсіз және қуат тепе-тендігіне сай келмейді.
Мал азықтары мен мерзімдік азық үлестерінің жұғымдылығын алмасатын қуат бойынша бағалауға көшу мал азықтандыруды қуаттылық тұрғысынан мөлшерлеуте қатысты өзекті мәселелерге жаңаша қарауға мүмкіндік берді.