Инновациялық педагогикалық технологиялардың мәні

1 «Инновация» ұғымы
2 Ынтымақтастық педагогикасының негізгі мақсаты

Қазақстан Республикасының «Білім туралы» Заңында «Білім беру жүйесінің басты міндеті - ұлттық және жалпы адамзаттық құндылықтар, ғылым мен практика жетістіктері негізінде жеке адамды қалыптастыруға және кәсіби шыңдауға бағытталған білім алу үшін қажетті жағдайлар жасау; ...оқытудың жаңа технологияларын енгізу, білім беруді ақпараттандыру, халықаралық ғаламдық коммуникациялық желілерге шығу» делінген [1].
Инновация (латын сөзі “in-в, novis - жаңа) – «жаңа», «жаңалау» - бір нәрседен жаңа пайда болу; «жаңалық енгізу» деген мағынаны береді.
«Инновация» ұғымы ең бірінші ХІХ ғасырда мәдениеттанушылардың зерттеуінен пайда болды, яғни бір мәдениет түрлерін екінші ел мәдениетіне енгізу дегенді білдіреді және бұл ұғым этнографияда әлі күнге дейін сақталған.
«Инновация» ұғымын қарастырсақ, ғалымдардың көбі оған әр түрлі анықтамалар берген. Мысалы, Э.Роджерс инновацияны былайша түсіндіреді: «Инновация – нақтылы бір адамға жаңа болып табылатын идея» десе, ал Майлс «Инновация – арнайы жаңа өзгеріс. Біз одан жүйелі міндеттеріміздің жүзеге асуын, шешімдерін күтеміз» деген.
«Инновация» - бірінші рет шыққан, жасалған, жуық арада пайда болған, бұрынғының орнын басатын, алғаш ашылған, бұрыннан таныс емес енгізілген «жаңалық» - деп С.И.Ожегов сөздігінде айтылған.
«Инновация» ұғымы орыс ғалымдары В.И.Загвязинский, В.И.Днепрова, В.С.Лазерованың еңбектерінде 90-жылдардың бас кезінде пайда бола бастады. Олар: «инновация» ұғымын «Білім беру жүйесінде жаңалықтарды жасап шығару, игеру, қолдану және тарату іс-әрекеті» деп сипаттады.
Т.И.Шамова, П.И.Третьяковалардың еңбектерінде «Инновация дегеніміз – жаңа мазмұнды ұйымдастыру, ал жаңалық енгізу дегеніміз – тек қана жаңалық енгізу, ұйымдастыруды, қалыптастыруды анықтайды. Ал «жаңаша» деп жаңаның мазмұны, оны енгізудің әдіс-тәсілі мен технологиясын қамтитын құбылысты түсінеміз» - делінген.
Э.Брансуик педагогикалық жаңалықты 3 түрге бөледі.
Бірінші түрі – білім саласындағы бұрын соңды болмаған жаңалық. Автордың айтуы бойынша бұндай жаңа ой бұрын зерттелмеген түп нұсқа, өте сирек кездеседі. Бұндай жаңалықтар білім мазмұнына революциялық өзгерістер әкеледі және ғылыми түрде эксперимент жасауды қажет етеді.
Екінші түрі – білім мазмұнында кең таралған бұрын қолданып жүрген әдіс-тәсілдердің заман ағымына сай өзгертіліп, оқыту жүйесінде сапалы білімді көздейтін жаңару үрдісі.

1. Қазақстан Республикасының «Білім туралы» Заңы. Астана, 2000.
2. Сайт: www.tarmpi.kz