Жаңа телімдік станцияны жобалау

Кіріспе.

1.Станцияның техникалық пайдалану сипаттамасы.
2.Қабылдау . жөнелту жолының пайдалы ұзындығын анықтау.
3.Станция сұлбаларының варианттарын анықтау.
4.Қабылдап . жөнелту паркіндегі жолдардың санын есептеу.
5.Тартым және сұрыптау жолдарының санын анықтау.
6.Жүк ауданындағы құрылғылар өлшемдерін анықтау.
7.Локомотив шаруашылығындағы құрылғылардың өлшемдерін анықтау.
8.Вагон шаруашылығындағы құрылғылардың түрлерін анықтау.
9.Станция жобасының масштабты жоспарын жасау.

Қорытынды.

Қолданылған әдебиеттер.

Телімдік станция төмендегідей негізгі операцияларды атқару үшін пайдаланылады: өткінші (транзитті) жолаушылар және жүк пойыздарын, олардың локомотивтері мен бригадаларын немесе тек локомотив бригадаларын ауыстыру, қабылдау және жөнелту, техникалық және коммерциялық тұрғыдан қарау, телімдік және құрама пойыздардың құрамдарын сұрыптау және құрастыру, локомотивтерді жабдықтау мен жөндеу, вагондарды ағытып және ағытпай жөндеу, жолаушыларға қызмет көрсету, қол жүктері мен поштаны қабылдау жөнелту және табыс ету, жүкті түсіріп – тиеу, кәсіпорындардың кірме жолдарына қызмет көрсету. Көрсетілген жұмыс түрлерін орындау үшін телімдік станция жолаушылар пойызы мен жолаушыларға қызмет көрсетуге арналған құрылғылар: жүк пойызының жолдары, жүк аулалары, локомотив және вагон шаруашылығының деполары салынады.
Жолаушылар қызметіне арналған құрылғыларға жолаушылар ғимараты (вокзал), платформалар, жер асты өткелдері, жаяу жүретін аспалы көпірлер, пошта, багаж, қол жүктерін қоятын жайлар, жолаушылар пойызының қабылдау – жөнелту (перрон) аялдамалары және осы станциядан жүретін жергілікті жолаушылар пойыздарының құрамдары тұратын жолдар жатады. Транзитті жолаушылар пойыздарын қабылдап, жөнелтуге арналған жол саны басты жолды қоса есептегенде станцияда тоғысатын бағыттардың санынан кем болмауы керек.
Жүк пойыздарының қызметіне арналған жол құрамына қабылдау – жөнелту, сұрыптау және тартым жолдары жатады .
Станциядағы сұрыптау жолдары вагондардың баратын жеріне қарай оларды жинақтауға, станцияға түсірілуге келген вагондардың уақытша тұруына, бос және зақымдалған вагондардың тұруына арналады.
Станцияда маневр жұмысын атқарудың кең тараған құрылғыларына тартым жолдары жатады.
Маневр жұмысының өнімділігін арттыру үшін тартым жолының пішінделген түрін немесе сұрыптау қабілеті аз дөңесті пайдаланады.
Станция жүк жұмысын орындау үшін жүк ауласының жол тарамдары, жүк қоймалары, жүк сақтауға арналған алаңдар мен үй – жайлар және тиеп – түсіру жұмыстарын орындау механизмдері болады.
Жүкті тиеуге, түсіруге және сақтауға арнап жабық қоймалар, жабық және ашық платформалар, жүкті жаппай түсіру және контейнерлер алаңы салынады. Локомотив шауашылығының құрамына локомотив ғимараты, шеберханалары жабдықтау құрылғылары кіреді. Станциядағы вагон шаруашылығына вагон жөндеу депосы, вагондарды кұнделікті жөндеу, қабылдау – жөнелту парктеріне жақын салынған техникалық қарау және автотежеуіштерді тексеру қосындары кіреді.

1. «Көліктану негіздері», З.С.Бегжанов.
2. «Железнодорожные станции и узлы», И.Е.Савченко.