Жат діндер жарға жықпасын

Діни экстремизмнің көрінісі оңірімізде аздап қылаң бере бастады. Әсіресе, соңғы жылдардың түрлі мақсатты көздеп, дінді жамылғы еткен топтардың таратқан үнпарақтары үдей түсуде. Құқық қорғау органдары заңға қайшы келетін істермен айналысқан азаматтарды ұстап, жауапқа тартқанымен, діни ұйымдардың белсенді әрекеті толастар емес. Көршіміз Жамбыл облысының соты бұдан бір-екі апта бұрын екі азаматты экстремизмге қатысы бар деген айыппен соттаса, енді бүгін 16 адамның үстінен іс қозғауда. Әрине, оларға да тағылған айып - діни адасушылық, онысымен қоймай халифат- құруға деген құмарлық. Сірә, ендігіде құқық қорғау, сот, ұлттық қауіпсіздік комитетінің қызметкерлері жоғарыдағыдай шаруалармен қызу шұғылданса керек. Өйткені, діни тұрақсыздық біздің қала-мызда да бөлен, апғандай. Тіпті кешегі аптадағы қала әкімдігінің алқа мәжілісінің күн тәртібінде Шымкент қаласындағы діни ахуал және діни экстремизм көріністерінің алдын алу мәселесі қозғалып, ішкі саясат бөлімінің меңгерушісі Болат Рысқұлбеков баяндама жасады.
"Бүгінде Шымкентте 17 конфессияға енетін 73 діни бірлестік бар. Оның ішінде Ислам дінінде 17 бірлестік, православие -5, протестантизм - 26, католик - 1, буддизм - 1, өзге де дәстүрлі емес ағымдарда 3 бірлестік өмір кешуде. Әсіресе, Оңтүстік Қазақстан облысында біраз мешіттердің Қазақстан мұсылмандар діни басқармасына бағынбай, өз алдына дербестігін сақтап жүргендігі әр жерде сыналған болатын. Нәтижесінде 23 мешіт филиал ретінде тіркелсе де, 14-і жеке, ешкімге бағынышсыз күйінде қалып отыр.
Сондай-ақ қаламызда ресми тіркелген 2 діни оқу орны - «Елим» институты мен «Юго-Запад» рухани семинариясы жұмыс істеуде. Бұларды негізінен өзге мемлекеттердің өкілдері қаржыландырады. Осылармен бірге облыс орталығында 1 түркиялық, 1 пәкістандық, 2 испандық, 9 оңтүстік-кореялық, жалпы 13 миссионер уағызын жүргізуде. Үстіміздегі жылы ок. ішкі сая-сат департаментінің рұқсатымен12 миссионердің лицензиясы тамыз айына дейін ұзартылып, «Глас Божий Мен-Сон» шіркеуінің пасторы Ким Дин Судың қыз-метіндегі кемшіліктеріне байланысты лицензиясы тоқтатылған.
Ішкі саясат бөлімі өткен жылдың аяғында қалалық прокуратурамен бірігіп, 15 діни бірлестіктердің қызметін тексергенде бірқатар кемшіліктер анықталыпты. Атап айтқанда, «Ислам-Парыз» діни бірлестігінде тиісті құжаттар рәсімделмей, қызметкерлермен келісім-шарт жасаспаған. Жанындағы 60-70 оқушы дәріс алатын медреседе оқу-тәрбие жұмыстарының жоспары түзілмеген. «Молалы», «Ордабасы», әл-Фараби атындағы мұсылмандар мешіті, «Церкви объединения», «Будда» қауымдастығы қызметін тоқтатқанымен, әділет департаментінен тіркеуден шықпа-
ған. Түсініксіздеу тұсы: аталған діни бірлестіктөр тіркелген мекен-жайлары бойынша табылмапты. Ең сорақысы, «Будда» қауымдастығы қаламыздағы Ө. Жәнібек атындағы № 19 мектептің мекен-жайымен тіркелгеніне не дейсіз? Мектеп директоры бұл әрекетті бұрынғы басшыға жауып, оқу орнының бір бөлмесін діни бірлестікке келісім-шартпен жалға бергендігін айтыпты. Сонда бірлестікті тіркеуші органдар да мектептің мекен-жайына орналасқан «Буддаға» көзжұмбайлықпен қараған ба? Көптеген діни орындар орналасқан жер учаскелерінің заңдастырылмауы да заңға сыймайды.