Қылмыстық іс бойынша өндірісті тоқтата тұрудың теориялық, тәжірибелік мәселелерін қарастыру, қылмыстық іс боыйнша өндірісті тоқтата тұру және тоқтатылған өндірісті қайта жаңғыртуды реттейтін қолданыстағы заңнаманы талдау

Пән: Құқық, Криминалистика
Жұмыс түрі: Дипломдық жұмыс
Тегін: Антиплагиат
Көлемі: 58 бет
Таңдаулыға:

Жоспар

КІРІСПЕ . . . 3

1 Қылмыстық іс жүргізу барысында

өндірісті тоқтата ТҰРУ . . . 7

1. 1 Қылмыстық процесте қылмыстық іс жүргізуді тоқтата тұрудың

түсінігі мен мәні . . . 7

1. 2 Қылмыстық іс бойынша іс жүргізуді тоқтата тұру негіздері

ретінде іс жүргізуді аяқтауға кедергі жасайтын жағдайлар . . . 13

1. 3 Алдын ала тергеуді тоқтата тұруға прокурорлық қадағалау . . . 19

2 Қылмыстық істер бойынша алдын ала

тергеуді тоқтата тұрудың негіздері . . . 23

2. 1 Айыпталушының іске қатысуға мүмкіншілігінің

болмауымен байланысты іс бойынша іс жүргізуді

тоқтата тұру негіздері . . . 23

2. 2 Іс бойынша іс жүргізуді тоқтата тұрудың өзге негіздері . . . 31

2. 3 Қылмыстық істерді тоқтата тұрудың процессуалдық тәртібі . . . 33

3 Тоқтатыла тұрған істер бойынша

өндірісті қайта жалғастыруДЫҢ ТӘРТІБі . . . 38

ҚОРЫТЫНДЫ . . . 52

ПАЙДАЛАНЫЛҒАН ӘДЕБИЕТ ТІЗІМІ . . . 56

Кіріспе

Жұмыстың жалпы сипаттамасы. Дипломдық жұмыс қылмыстық істер бойынша іс жүргізу өндірісін тоқтата тұрудың мәні, түсінігі, негіздері, процессуалдық тәртібін зерттеуге арналған.

Зерттеу жұмысының өзектілігі. Қазақстан Республикасы өзiн демократиялық, зайырлы, құқықтық және әлеуметтiк мемлекет ретiнде орнықтырады, оның ең қымбат қазынасы - адам және адамның өмiрi, құқықтары мен бостандықтары [1] .

«Жаңа онжылдық - жаңа экономикалық өрлеу - Қазақстанның жаңа мүмкіндіктері» атты Қазақстан Республикасының Президенті Н. Ә. Назарбаевтың 2010-жылғы 29-қаңтардағы Қазақстан халқына Жолдауында: «Жаңа онжылдықта біз өзіміздің экономикалық жоспарларымыздың табыстарын дәйекті саяси жаңғырту арқылы бекемдеп, саяси жүйемізді жетілдіруді жалғастырамыз. Және мұнда құқықтық реформа маңызды рөл атқаратын болады. Бұл сектор өткен жүйенің көптеген кем-кетіктерін сақтап қалған. Бәрінен бұрын, құқық қорғау жүйесін оңтайландырып, әрбір мемлекеттік органның нақты құзыретін түзу керек. Біздің заңдарымызды ізгілендіріп, олардың сапасын арттыру қажет. Құқық қорғау жүйесінің қызметінде екпін ішківедомстволық мүддеден азаматтардың құқы мен мемлекеттің мүддесін қорғауға қарай ауыстырылуы тиіс. Басқаша айтқанда, жаңа онжылдықта бізге демократиялық мемлекеттегі құқық қорғау қызметінің жоғары халықаралық стандарттарына сәйкес келетін жаңа құқық қорғау жүйесі қажет», - деп атап көрсетті [2] .

Құқықтық мемлекетті қалыптастыру бағытында азаматтардың құқықтары мен бостандықтарын жүзеге асырудың кепiлдiктерiн, адамның құқығын қорғауының тетiктiктерін әбден жетiлдiру және оның нығаюын қалыптастыру қажет. Құқықтық реформаның iске асырылуы қылмыстық iс жүргiзудi жүзеге асыруда, ең алдымен, қылмыстық іс жүргізудегі сот әділдігі кепiлдiктерінің, азаматтардың құқықтары мен бостандықтарын қамтамасыз ету кепiлдiктерiнің, және де қылмыстық сот ісін жүргізудегі қағидалардың кепілдіктерінің нығайюы мен орнықты орын алуы болып табылады.

Қылмысқа қарсы күресті одан әрі дамытуды қажет ететін мәселелердің ішінде алдын ала тергеу сатысында қылмыстық істер өндірісін тоқтата тұру проблемаларын зерттеу мәселесі басты орын алады. Бұндай зерттеулер жүргізу практиканың қажеттіліктерінен туындайды.

Қылмыстық іс бойынша өндірісті уақытша тоқтата тұру - қылмыстық іс бойынша алдын-ала тергеу мен сотта іс қарауды аяқтауға кедергі жасайтын объективті жағдайлардың пайда болуына байланысты туындайтын қатынастарды реттеуге бағытталған қылмыстық іс жүргізу құқығының функционалды институты болып табылады [3, 16] .

Талдау көрсеткендей жыл сайын алдын ала тергеу сатысында өте көп мөлшерде қылмыстық істер тоқтатылады.

Бұрынғы Кеңес Одағы тұсында тек Қазақ ССР-нің өзінде Қазақ ССР ҚІЖК-нің 175-бабында көрсетілген негіздер бойынша прокуратура мен ішкі істер органдары тергеушілері тергеген барлық қылмыстық істердің 1976 жылы 9, 6 %-ы, ал 1977 жылы 9, 4-і, 1978 жылы - 6, 4-і, 1979 жылы - 8, 7-і, ал 1980 жылы - 11, 2-і, тоқтатыла тұрылған. Жарияланған мәліметтер бойынша бұл көрсеткіш жылдан жылға өсіп отырған [4, 11-16] .

Ал қазіргі өтпелі кезеңде криминогендік жағдайдың қарқын алуына байланысты бұл проценттердің одан әрі шарықтап кеткендігі белгілі.

Алдын ала тергеуде тоқтатылған істердің көпшілігін ауыр қылмыстар мен аса ауыр қылмыстар құрайды. Көп жағдайда олар ұзақ уақыт қозғалыссыз қалады, олар бойынша жұмыстар жүргізілдмейді және қылмыстық процестің тапсырмалары мен міндеттері орындалмай қалады.

Бұл тергеушілер қылмыстық істерге дұрыс назар аудармайтындығын, ал қадағалау жүргізетін прокурорлар болса қажетті қатаң талап қоймайтындығын көрсетеді.

Заң әдебиетінде алдын ала тергеуді тоқтата тұру - бұл қылмыстық-процессуалдық заңмен қарастырылған, белгілі бір себептерге немесе жағдайларға байланысты тергеу өндірісіндегі уақытша үзіліс деген көзқарас кең тараған. Бұл анықтамадан мынаны көруге болады: Тергеушінің іс бойынша дәлелдемелерді жинау және зерттеуге бағытталған әрекеттері тоқтатылады, қылмыстық іс қозғалыссыз қалады. Алайда қылмыстық-процессуалдық заң көрсеткендей, алдын ала тергеуді тоқтата тұру бұдан гөрі басқаша сипатта болады.

Жоғарыда айтылғандарды қорыта айтсақ, қылмысты істі тоқтата тұрғаннан кейін тергеуші, анықтау органдары және прокурор қылмыстық ісі бойынша іс-әрекеттерін тоқтатпайды жән алдын ала тергеудің қылмыстық-процессуалдық заң талаптарына сай аяқталуына қажетті барлық шараларды жүзеге асырады.

Сонымен, алдын ала тергеуді тоқтата тұру дегеніміз - бұл тергеу әрекеттерін жүргізуге кедергі келтіретін жағдайларға байланысты тергеу өндірісін уақытша тоқтата тұру және оның негізінде анықтау органы, тергеуші және прокурор өзінің құзыреттілігі көлемінде істі тоқтатуға түрткі болған мән-жайларды жою үшін белсенді шаралар қолданатын, заңмен реттелген қылмыстық іс өндірісіндегі уақытша және мәжбүрлі үзіліс.

Алайда тергеу практикасында алдын ала тергеуді одан әрі жүргізуге, сәйкесінше оны заңмен белгіленген мерзімде және қалыпты аяқтауға кедергі келтіретін жағдайлар да кездеседі. Бұл жағдайлар қылмыстарды тез және толық ашуға, оларды жасаған адамдарды әшкерелеу және қылмыстық жауапқа тартуға, яғни қылмыстық процестің міндеттерін (ҚР ҚІЖК-інің 8-бабы) орындауға тосқауыл болады. Осыған байланысты алдын ала тергеу өндірісін одан әрі жүргізуге кедергі келтіретін мән-жайлар жойылғанша тергеу өндірісін уақытша тоқтата тұру қажеттілігі туындайды.

Тергеуден немесе соттан бой тасалаудың түрлі нысандары бар: қамаудан қашып кету, оған қатысты тағайындалған бұлтартпау шарасын бұзу, тұрғылықты жерін құпия түрде ауыстыру, жалған құжаттармен жүру, құжатсыз, тіркеусіз тұру және т. с. с.

Айыпталушының тұрғылықты жерін анықтауға кедергі келтіретін, бірақ оның қылмыстық жауаптылықтан қасақана жалтаруымен байланысты емес жағдайлар да кездеседі. Кей жағдайларда айыпталушы өзіне қатысты қылмыстық іс қозғалғанын білмей жүруі де мүмкін.

Сондай-ақ бұған айыпталушы тірі болып, бірақ оның өзі жайлы қандай да бір мәліметтер бере алмайтындай дәрежеде науқастануына және жеке басын куәландыратын құжаттардың болмауына байланысты оның тұрған жерін анықтау қиынға соғатын жағдайларды да жатқызуға болады.

Тоқтата тұру сонымен қатар басты сот талқылауын тағайындау және басты сот талқылауы сатыларында (ҚР ҚІЖК-інің 304, 321-баптары) кездеседі. Барлық жағдайларда іс бойынша өндірісті тоқтата тұру - бұл мәжбүрлі және қаламайтын шара. Өйткені өндірісті тоқтата тұру салдарынан іс бойынша соңғы шешім шығару кешіктіріледі және ҚР ҚІЖК-нің 8-бабында көрсетілген қылмыстық процестің міндеттерін орындау белгісіз мерзімге кейінге қалдырылады. Алдын ала тергеу сатысында, айыпкерді сотқа беру мәселесін шешкен кезде және сот талқылауында қылмыстық істі тоқтату салдарынан жалпы қылмыстық іс жүргізудің қалыпты жұмысы бұзылады.

Аталған мәселелер диплом жұмысының тақырыбының өзектілігінің дәлелі болып табылады.

Жаңа Қазақстан Республикасының ҚІЖК-нің қабылдануына байланысты тергеу өндірісін тоқтата тұрудың бірқатар жаңа негіздерінің енгізілуі, алдын ала тергеуді тоқтата тұрудың процессуалдық шарттары мен тәртіптерінің өзгеруі, сондай-ақ тақырыптың өзектілігі мен маңыздылығы диплом жұмысы ретінде осы тақырыпты таңдауға түрткі болды.

Тақырыптың зерттелу деңгейі. Қылмыстық істерді тоқтата тұру мен қайта жалғастырудың жекелеген сұрақтарын қазақстандық ғалымдар, соның ішінде Сабырбаев М. К., Ахпанов А. Н., Нұрмашев Ү. Ө., Ерешев Е., Алауханов Е. О., Сарсенбаев Т. Е., Толеубекова Б. Х. сияқты ғалымдар қарастырған болатын. Аталған ғалымдардың ішінде қылмыстық іс бойынша өндірісті тоқтата тұру мәселесін монографиялық деңгейде Сабырбаев М. Қ. зерттеген болатын.

Сонымен қатар, диплом жұмысын жазу барысында Кеңес Одағы мен Ресей Федерациясының ғалымдары, соның ішінде алдын ала тергеуді тоқтата тұру проблемаларына қалам тартқан В. М. Быков, В. Д. Ломовский, Л. М. Репкин, А. И. Новиков, А. М. Агушевич, В. Е. Гущев, К. В. Никиенко, Л. Н. Мороз сияқты заңгер ғалымдарының ғылыми еңбектері зерделеніп, тиісті бағасын алды. Осы тұрғыда дипломдық жұмыстың тақырыбын зерттеу барысында қылмыстық іс бойынша өндірісті тоқтата тұрудың әрбір негізіне талдау жасап, оларды мазмұндау мақсатында заңгерлердің пікірлеріне сүйене отырып, өз пікірлерімізді тұжырымдадық.

Диплом жұмысының жаңалығы. Қылмыстық іс бойынша өндірісті тоқтата тұру мәселелері қолданыстағы қылмыстық іс жүргізу заңнамасына осы мәселе бойынша енгізілген өзгертулер мен қосымшаларды ескере отырып, оларға талдау жасай отырып жүргізілген.

Диплом жұмысында қылмыстық іс бойынша өндірісті тоқтата тұру түсінігіне, қылмыстық іс бойынша іс жүргізуді тоқтата тұру туралы процессуалдық шешім қабылдау негіздеріне анықтама берілген.

Сонымен қатар жұмыста қылмыстық іс бойынша өндірісті тоқтата тұрудың негіздеріне байланысты ғалым-процессуалистердің пікірлері талданып, оларға байланысты автордың көзқарасы пайымдалған.

Аталған жағдайлар диплом жұмысының жаңалығының дәлелі болып табылады.

Дипломдық жұмыстың мақсаты мен міндеттері. Диплом жұмысының мақсаты - қылмыстық іс бойынша өндірісті тоқтата тұрудың теориялық, тәжірибелік мәселелерін қарастыру, қылмыстық іс боыйнша өндірісті тоқтата тұру және тоқтатылған өндірісті қайта жаңғыртуды реттейтін қолданыстағы заңнаманы талдау.

Осы мақсатқа жету үшін зерттеу шеңберінде келесі міндеттер қойылды:

- қылмыстық іс жүргізуді тоқтата тұрудың түсінігі мен мәнін анықтау;

- қылмыстық іс бойынша іс жүргізуді тоқтата тұру негіздері ретінде іс жүргізуді аяқтауға кедергі жасайтын жағдайларды зерделеу;

- алдын ала тергеуді тоқтата тұруға прокурорлық қадағалау мәселелерін қарастыру;

- айыпталушының іске қатысуға мүмкіншілігінің болмауымен байланысты іс бойынша іс жүргізуді тоқтата тұру негіздерін зерттеп, талдау;

- іс бойынша іс жүргізуді тоқтата тұрудың өзге негіздерін талдау;

- қылмыстық істерді тоқтата тұрудың процессуалдық тәртібін анықтау;

- уақытша тоқтатылған істер бойынша өндірісті қайта жаңғырту мәселелерін зерттеу.

Зерттеудің объектісі мен пәні. Диплом жұмысының объектісі - қылмыстық істер бойынша іс жүргізу өндірісін тоқтата тұруға байланысты және тоқтатылған іс бойынша өндірісті жаңғыртуға байланысты туындайтын қоғамдық қарым-қатынастар.

Диплом жұмысының пәні - қылмыстық істер бойынша іс жүргізу өндірісін тоқтата тұруға байланысты ғылыми зерттеулер, іс бойынша өндірісті тоқтата тұрудың процессуалдық тәртібін реттейтін қылмыстық іс жүргізу құқығының нормалары, қылмыстық іс бойынша өндірісті тоқтата тұруға байланысты тергеу және сот тәжірибесі.

Зерттеудің ғылыми-әдістемелік базасын жалпы философиялық әдістер, статистикалық, логикалық-заңдылық, әңгімелесу, салыстырмалы-құқықтық және басқа арнайы құқықтық әдістер құрайды.

Диплом жұмысының тәжірибелік маңызы. Диплом жұмысы шеңберінде қылмыстық істер бойынша іс жүргізу өндірісін тоқтата тұрудың мәні, түсінігі, негіздері, процессуалдық тәртібіне байланысты жүргізілген зерттеу, оның қорытындылары ғылыми-зерттеу жұмысында, жоғарғы оқу орындарында «Қылмыстық іс жүргізу» пәніне дайындық барысында қолданылуы мүмкін.

Жұмыстың құрлымы мен көлемі. Диплом жұмысының құрылымы зерттеудің мақсаты және міндеттеріне сай келеді. Диплом жұмысы кіріспеден, алты тараушаны қамтитын үш тараудан, қорытындыдан және пайдаланылған әдебиет тізімінен тұрады.

1 Қылмыстық іс жүргізу барысында өндірісті тоқтата тұру

1. 1 Қылмыстық процесте қылмыстық іс жүргізуді тоқтата тұрудың түсінігі мен мәні

Қылмыстық іс жүргізуді тоқтата тұру қылмыстық істің дұрыс жолмен тергеліп және шешуіне кедергі жасайтын объективті жағдайлардың пайда болуына байланысты қылмыстық іс жүргізуді аяқтауға мүмкіншілік бермейтін - бір жағдайларды біріктіретін қатынастарды реттеуге бағытталған қылмыстық іс жүргізу құқығының функционалдық институты болып табылады. Сондықтан В. Е. Гущеваның, Х. Ж. Кенжаеваның, М. Е. Новикованың, Н. А. Патованың көзқарастарын қолдай отырып, біз қылмыстық іс жүргізуді тоқтата тұруды қылмыстық іс жүргізу құқығының жеке институты болып табылады деп есептейміз.

Кейбір авторлар бұл жағдайда қылмыстық процестің екі тәуелсіз институттары орын алып отыр деп бекітеді. Осыған байланысты В. Д. Ломовский "Алдын ала тергеу және соттың талқылау сатыларында қылмыстық іс жүргізуді тоқтата тұрудың мәні бойынша ұқсас институттарының орын алуына қарамастан олар қылмыстық іс жүргізу құқығының жеке институттары болып табылады»[5, 115-118] - деп жазады. Осындай көзқарасты МА. Матющенкода ұстанып отыр.

Бірінші инстанция сотындағы қылмыстық іс жүргізуді тоқтата тұру. Қазақстан Республикасының іс жүргізу заңдылығы бойынша алдын-ала тергеу сатысында, басты сот талқылауын тағайындау сатысында, басты сот талқылау сатысында және апелляциялық шағымдар, наразылықтар бойынша істерді қарастырған кезде іс жүргізуді тоқта тұруға мүмкіншілік бар.

Осыған сәйкес В. Д. Ломовскийдің, МА. Матющенконың пікірлері бойынша іс жүргізуді тоқтата тұрудың төрт жекелеген институттары туралы айтуға болады. Біз іс жүргізудің тоқтата тұру институтын осылайша бөлшектеуді дұрыс емес деп есептейміз. Қылмыстық іс жүргізу институты белгілі типтес қылмыстық іс жүргізу қатынастарын реттеуге бағытталуы керек және ол осы қатынастар пайда болатын сатыларға тәуелді болмауы керек.

Іс жүргізуді тоқтата тұруға негіз болып табылатын сол бір жағдайлар жөнінде пайда болған процессуалдық қатынастарды реттейтін функционалдық қылмыстық процессуалдық институты болып табылады. Өзімнің көзқарасымды дәлелдеу мақсатында бұл жөнінде бірқатар оқымыстылардың айтқан пікірлерін келтіремін.

Сонымен, Н. Л. Патов "Қылмыстық процестің әртүрлі институттары, сонымен қатар қылмыстық, іс бойынша тоқтата тұру институтын процестің нақты сатысының шеңберімен шектеуге болмайды - ол олардың қай сатыда пайда болуына байланыссыз процессуалдық қатынастардың қайсы бір аумағын реттейтін барлық нормаларын біріктіреді, ең бастысы бұл олардың бірыңғай құқықтық негізі" - деп есептейді. М. Е. Клюковамен, В. П. Малковта "Тектік қатыстылығы көзқарасынан қарастырғанда істі тоқтата тұру басқа да бір, қылмыстық процесстің анағұрлым жалпыланған институтының немесе оның қаңдай да бір сатысының құрамдық бөлігі немесе элементі болып табылмайды. Бұл қылмыстық-процессуалдық іс-әрекеті қиындатылған, мүмкін емес немесе орынсыз болып келетін сатыларға жататын қылмыстық процестің жекелеген аралық институты" - деп есептейді.

Іс жүргізуді тоқтата тұру институты - бұл алдын-ала тергеу сатысы ішінде және істі апелляциялық шағымдары, наразылықтары бойынша қарастыру үшін де бірыңғай институты екендігіне ҚР-ның Қылмыстық - процессуалдық кодексінің Жалпы бөлімінде қылмыстық іс бойынша іс жүргізуді тоқтата тұруды реттейтін норманың заңды бекітілуі де дәлелдеме болып табылады.

Істі тоқтата тұруды ерекше бір процессуалдық форма ретінде қарастыруға болмайтындығы туралы М. Е. Клюкова мен П. Малкованың көзқарастары дұрыс болып табылады.

Айтылғандардың негізінде қарастырылған институттың келесі анықтамасын ұсынамыз,

Іс жүргізуді тоқтата тұру институты - бұл қылмыстық істің қылмыстық іс жолымен тергеліп және шешілуіне кедергі жасайтын объективті жағдайлардың пайда болуына байланысты қылмыстық с жүргізуді аяқтауға мүмкіншілік бермеуімен байланысты пайда болатын қылмыстық-процессуалдық қатынастарды реттейтін, қылмыстық - процессуалдық құқықтың нормаларының жиынтығы.

Іс жүргізуді тоқтата тұру институтының түсінігін онымен тығыз байланысты басқа түсінікпен, яғни, іс жүргізуді тоқтата тұру түсінігімен сәйкестендіруге болмайды. _:

Сондықтан тоқтата тұру институтын “іс жүргізуді тоқтата тұру туралы шешім қабылдау жолымен олардың заңды бекітілуіне, тергеуді аяқтауға кедергі жасайтын объективті және заңмен белгіленген себептерді анықтап табуға бағытталған әрекет және айыпталушының қылмыстық сот ісін жүргізуде қатысуын қамтамасыз ету және нақты қылмыстық істі шешу үшін жағдай жасау мақсатында ерекше процессуалдық түрде жүзеге асырылатын міндетті іс әрекет [6, 29-30б] ” - деп түсінетін Ю. В. Даровскиймен мүлдем келісуге болмайды. Қылмыстық процессуалдық іс-әрекет реттейтін құқықтың саласы ретінде қылмыстық-процессуалдық құқық пен қылмыстық-процессуалдық құқықтың нормаларымен реттелетін іс-әрекет ретінде қылмыстық процесс арасында теңдік белгісін қалайша қоюға болмайтын болса, солайша осыған сәйкес қатынастардың белгілі аумағында соттық және қылмыстық тергеу органдарының әрекеттерін реттейтін нормалардың жиынтығы болып табылатын қылмыстық іс жүргізуді тоқтата тұру институтын осы әрекеттің өзі ретінде қарастыруға болмайды.

Қазақстан Республикасының Жоғарғы Сотының Пленумы 1999 ж. 30 сәуірдегі "Жазаны тағайындау кезінде соттардың заңдылықты сақтауы туралы" 1 Қаулысында келесідей нұсқалар: "Қазақстан Республикасының Конституциясында барлық адам заң және сот алдыңда тең екендігі туралы ережеге сәйкес және соттың үкімінсіз ешкім қылмыс жасағандығы үшін кінәлі деп танылып және қылмыстық жазаға тартылуы мүмкін емес екендігін ескере отырып, әрбір қылмыстық іс жасалған қылмыстың ауырлығына және сипатына, айыпталушының қызметтік және қоғамдық жағдайына байланыссыз қатаң түрде Заңға сәйкес шешілуі керек екендігіне соттардың назарын аудару керек "Заңдылықтың бұзылуына ешқандай ақталу қажет деп танылмайды". [7, 200б] .

Жоғарыда айтылғандар толығымен негізсіз кінәлау және тарту жағдайларын, азаматтардың құқықтары мен бостандықтарына қысым көрсетуді жоюға, адамдарды заңға құрметтік рухта тәрбиелеуге шақырылған қылмыстық процесстің барлық процедурасына қатысты. Заң талаптары қылмыстық іс бойынша іс жүргізуді тоқтата тұру туралы сұрақты шешкен кезде де қатаң сақталуы керек, өйткені мұндай шешім тек қылмыстық сот ісін жүргізу міндеттерін орындауында көрініс таппай, процеске қатысушылардың мүдделерін, сонымен қатар олардың жедел сотқа құқығын қамтиды. Бұл жөніңде М. С. Строгович былай деп: - "қылмыстық іс бойынша айыпталушы ретінде тартылған тұлға оның кінәлілігі туралы өзіне сотпен шешілуіне және оған сот алдында өзіне тағылған айыпты даулауға мүмкіндік алуға құқығы бар, соңдықтан сотқа істі тапсырудың кешігуі тек заңды негіздер болған кезде ғана рұқсат етіледі" - деп дұрыс айтқан. [8, 146-б] .

Қылмыстық сот ісін жүргізудің міндеттерінің шешілуі қылмыстардың жылдам және толық шешілуін және оларды жасаған тұлғаларды қылмыстық жауаптылыққа тартуды, әділ соттық талқылау және қылмыстық заңды дұрыс қолдануды өз алдына мақсат етіп қояды. Процестің жылдамдығы қылмыстың уақтылы тоқталуына, азаматтардың, мекемелердің, ұйымдардың заңды мүдделерінің қалпына келуін ғана қамтамасыз етіп қана қоймай, ол істің барлық жағдайларын толық, жан-жақты және объективті зерттеуге, іс бойынша шындықты анықтауға ықпал етеді.

Процестің кәдімгі барысының үзілуі әділ соттылықтың міндеттерінің жүзеге асырылуына онша жақсы емес көрініс табатын дәлелдеу материалдарының жоғалуына алып келеді. Қылмыстық іс бойынша іс жүргізуді тоқтата тұру сұрақтарын оқып-білудің қажеттілігі дәл осымен анықталынады.

... жалғасы

Сіз бұл жұмысты біздің қосымшамыз арқылы толығымен тегін көре аласыз.