Вьетнам елді мекені

Пән: География
Жұмыс түрі: Материал
Тегін: Антиплагиат
Көлемі: 3 бет
Таңдаулыға:

84 миллион халқы бар

Вьетнам - Оңтүстік-шығыс Азиядағы жедел дамып келе жатқан ел. Ол Үндіқытай түбегінде орналасқан, 59 провинцияға бөлінеді. Халқы 54 ұлттан тұрады, 84 миллион адамды құрайды. Негізгі ұстанатын діні - буддизм. Жалпы, бұл елде мұсылмандар да, христиандар да, иудейлер де бар. Осынша ұлт пен дін өкілдері бейбіт қатар өмір сүріп жатыр. Мемлекттік тілі - ел халқының 80 пайыздайын құрайтын вьет ұлтының тілі болып бекітілген.

Вьетнам солтүстігінде Қытаймен, батысында Лаоспен және Камбоджамен шекараласады, ал оңтүстік және шығыс бөлігі Оңтүстік Қытай теңізімен шектеседі. Жерінің жартысынан көбін таулы аудандар алып жатыр. Меконг және Хонгха өзендерінің аңғары өте құнарлы болып келеді, сондықтан мұнда ауыл шаруашылығы өнімдері, әсіресе күріш көптеп өсіріледі. Күрішті экспорттаудан Вьетнам әлемде Таиландтан кейінгі екінші орында тұр. Бұл елде өсірілген күріштің 90 пайызын жергілікті халық тұтынады, соның өзінде ол шет мемлекеттерге жылына 3 миллион тонна күріш экспорттайды. Вьетнам басқа мемлекеттерге бұдан бөлек каучук, ананас, манго, папайя, кофе, көк шай шығарады. Мұхитпен шектесіп жатқандықтан бұл елде теңіз өнімдері де мол, олар да шет мемлекеттерге көптеп тасымалданады.

Вьетнам - тропикалық белдеуде орналасқан ел. Сондықтан оның ауа райы ерекше болып келеді, жыл екі-ақ маусымға бөлінеді. Қазір онда құрғақ маусым басталды, яғни қараша мен сәуір аралығында Вьетнамда ауа құрғақ болып тұрады. Ал сәуірден қазан айына дейін мұнда ылғалды кезең, жаңбыр маусымы жүреді. Ауа температурасы жыл бойына орташа алғанда 23 градустың төңірегінде болады. Солтүстік Вьетнам тауларына ғана кейде қар түседі. Сондықтан бұл елдің табиғаты аса жайлы. Вьетнамға жыл сайын әлемнің түкпір-түкпірінен миллиондаған туристер барып демалып қайтады. Мұнда туризм өте мықты дамыған, шипажайлар көп. Бағзы замандардан жеткен мыңдаған тарихи ескерткіштер туристерді өзінің әсемдігімен, жұмбақ ерекшеліктерімен таң-тамаша қалдырады. Одан бөлек, бұл елде ескіден келе жатқан ұлттық әдет-ғұрыптар мен салт-дәстүрлер, мерекелер сақталған.

Вьетнамның ұлттық ақша бірлігі «донг» деп аталады. 1 АҚШ доллары 16. 100 донгке тең.

Президенттерінің денесін сақтауда

Ел астанасы - Ханой қаласында 6, 5 миллион адам тұрады. Вьет тілінен аударғанда атауы «Өзен аралығындағы қала» деген ұғым беретін бұл қала Меконг өзенінің бойында орналасқан. Оның мыңдаған жылдық тарихы бар, кезінде «Тхан Лонг», яғни «Қанат қаққан айдаһар қаласы» деп аталыпты. Ежелгі вьет аңызы бойынша бұл жерді мекендеген халық айдаһар мен перизат қыздың қосылуынан жаратылыпты делінеді. Тхан Лонг осыдан тура мың жыл бұрын, 1010-жылы император Ли Тхай Тоның бұйрығымен астана болып жарияланған, ал XІX ғасырдан бері Ханой аталады. Ханойдың аумағы 3, 3 мың шаршы шақырымды алып жатыр, ол үлкендігі және халқы тығыз орналасқандығымен әлемдегі осындай алып 20 қаланың қатарынан саналады.

Ханой - ерекше әсем қала. Онда ежелгі заманнан келе жатқан кварталдар да бар. Бұл тұстағы көшелердің көбінің атауына «ханг», яғни «қатар» деген сөз қосылып айтылады. Бұл жерлерде бөлек сауда қатарлары болған, қазір де бар. Мысалы, көшелер атауы Ханг дао - Шабдалы қатары, Ханг дыонг - Қант қатары, Ханг бак - Күміс қатары деген сияқты болып кете береді.

Ханойдағы жұртшылық көп баратын жердің бірі - Вьетнам халқының көсемі Хо Ши Миннің мавзолейі. Мұнда оның бальзамдалып, әйнек саркофагқа салынған денесі жатыр. Халық сүйіп, «Хо атай» атап кеткен көсемнің үстіндегі киімдері тірі кезіндегідей, қарапайым, көнерген костюм мен «резина» туфли. Ол кісі атақты тұлға бола тұрып өмірде тым қарапайым болған екен.

Жатжерлік жаулаушылардың бәрін жеңген

Вьетнам өз тарихында соғысты, жатжерлік басқыншылардың шабуылын көп көрген ел. Ол кезінде қытай, монғол, жапон, француз, ағылшын-американ басқыншыларының қол астында да болған. Бірақ Вьетнам халқы соның бәріне жүздеген жылдар бойы қасқая қарсы тұрып, ақырында өз тәуелсіздігіне қол жеткізді.

... жалғасы

Сіз бұл жұмысты біздің қосымшамыз арқылы толығымен тегін көре аласыз.