Әскери қызмет бойынша шектеу түріндегі жазаны өтеу

1. Әскери қызмет бойынша шектеу түріндегі жазаны өтеу

2. Сотталған әскери қызметкерлерге қылмысты қудалауды атқару

3. Тәртіптік әскери бөлімде ұстау түріндегі жазаны өтеудің жағдайлары мен тәртібі

4. Сотталғандар жаза мерзімінің кемінде үштен бірін өтегеннен кейін тәртіптік әскери бөлім командирінің бұйрығымен түзеліп келе жатқандар қатарына қосылады

Әскери қызмет бойынша шектеу әскери қызметті шартпен жасап жүргендерге және әскери қызметке шақырылуы бойынша істеп жүрген офицерлерге Қазақстан Республикасы қылмыстық кодексінің айрықша бөлімінің баптарына сәйкес көрсетілген әскери қызметке қарсы қылмыс істегені үшін.Сондай-ақ түзеу жұмыстарының орнына әскери қызметті шартты түрде істеп жүрген сотталған әскери қызметкерлер тағайында- лады.
Соттың үкіміне сәйкес әскери бөлімнің командирі соттан үкімнің көшірмесі мен оны өтеу туралы өкім келіп түскен соң үш күннен кешіктірмей бұйрық шығарады, онда сотталған әскери қызметкер қандай негізде және қандай мерзім ішінде лауазымды өсіруге және әскери атақ беруге ұсынылмайтыны кезекті әскери атақ беру үшін еңбек сіңірген жылдарына қандай мерзім есептелмейтіні түсіндіріледі.Сонымен бірге сот үкіміне сәйкес сотталған әскери қызметкердің ақшалай үлесінен әскери қызмет бойынша шектеуді өтеу кезеңінде тиісті бюджетке қандай мөлшері ұсталып қалатыны көрсетіледі.Бұйрық әскери бөлімде жарияланады,сотталған әскери қызметкерге мәлім етіледі және атқаруға қабылданады.
Үкімнің келіп түскені, тиісті бұйрықтың шығарылғаны туралы және оның орындалуға қабылданғаны туралы әскери бөлімінің командирі үкімді шығарған сотқа үш күн мерзім ішінде хабарлайды.Бұйрыктың көшірмесі сотка жіберіледі.
Әскери қызмет бойынша шектеуге сотталған әскери қызметкердің ақшалай үлесінен мемлекеттің кірісіне соттың үкімімен белгіленген мөлшерде,бірақ жиырма бес пайыздан аспайтын ұстау жүргізіледі.Әскери қызметкердің бұл жазаны өтеу кезінде лауазымын,әскери атағын жоғарылатуға болмайды,ал жаза мерзімі келесі әскери атақ беру кезеңіне есептелмейді.
Егер жасаған қылмысының сипаты мен өзге де мән-жайлары ескеріле отырып,сотталған әскери қызметкерді бағыныштыларға басшылық етуге байланысты қызметте қалдыру мүмкін болмаса,ол тиісті әскери бөлім командирінің шешімі бойынша әскери бөлімінің шегінде де, басқа бөлімге ауыстырылуына байланысты да басқа лауазымға ауыстырылуы туралы үкімді шығарған сотқа хабарланады.
Әскери бөлімнің командирі сотталған әскери қызметкер мен оның қылмысының сипатымен қоғамдык қауіптілік дәрежесін, жеке басын, сондай-ақ мінез-құлқы мен әскери қызметке көзқарасын ескере отырып тәрбие жұмысын жүргізеді.
Соттың үкімімен және әскери бөлімі бойынша жарияланған бұйрықпен белгіленген мерзім аяқталуына дейін үш күннен кешіктірмей әскери бөлімнің командирі әскери бөлім бойынша шектеу түріндегі жазаның өтелуін токтату туралы.Оның тоқтатылатын күні көрсетілген бұйрық шығарады.Бұйрықтың көшірмесі үкімді шығарған сотқа жіберіледі.
Соттың үкімімен белгіленген мерзім аяқталғанға дейін сотталған әскери қызметкер Қазақстан Республикасының заңдарында көрсетілген негіздер бойынша әскери қызметтен босатылуы мүмкін. Бұл жағдайда әскери бөлім командирі сотқа жазаның өтелмей қалған бөлігін жазаның неғұрлым жұмсағырақ түрімен ауыстыру туралы не жазадан босату туралы ұсыныс жасайды.
Сотталған әскери қызметкерлерге қылмысты қудалауды атқару
Қамауға сотталған әскери қызметкерлер жазаны абақтыда өтейді.Офицерлер,прапоршиктер,мичмандар, сержанттық,старшиналық және қатардағы әскери кұрамдардың қызметкерлері бөлек-бөлек және басқа да негіздерде отырғандардан да бөлек ұсталады.