Испания мемлекеті жайлы

Испания Корольдігі - Европаның оңтүстік батысында орналасқан мемлекет. Пиреней түбегінің көп бөлігін және Жерорта теңізінің Балеар, Питиус аралдары мен Атлант мұхитындағы Канар аралдарын иеленеді. Испания конституциялы – монархиялы басқару түрімен басқарылатын мемлекет. Испания 50 провинцияға бөлінеді. Оның 48 – і құрлықта, ал қалған 2 – і аралда орналасқан . Жер көлемі , 505,9 мың км. Испанияға, сондай-ақ Солтүстік Африка жағалауларындағы Сеут және Мелилья қалалары мен оларға жақын жатқан Велесде-да Гоьера, Алусемас, Чафаринас аралдары да қарайды.Халқы 39,2 млн.(1999). Негізінен, испандар, католондар (5 млн-нан астам) , галисилер (2 млн), баскилер (2 млн-нан астам), т.б. Қала халқы 76,79℅. Ресми тілі – испан тілі. Автономиялық құрылымдарда католон, баски, галиси т.б. тілдер қолданылады.Халқы , негізінен , католик дінін ұстанады. Астанасы – Мадрид қаласы. (5 млн.) Бұған қоса Барселона (1,8 млн), Валенсия (1 млн), Севилия (750 мың.) т.б. ірі қалалары бар. Ұлттық мейрамы 12 – қазан Испан ұлты күні (Х.Колумбтың 1492 жылы Американы ашқан күні.) Ұлттық ақшасы – песета.
Өнеркәсіптің көлемі жағынан Испания Европада 5 – орын, Дүние жүзінде 8 – орын алады. Елде машина, кеме жасау, ұшақ шығару, электротехникасы, химия, тоқыма өндірістері жақсы дамыған. Соңғы жылдары тау – кен өндірісі жыл сайын кеміп, оның орнына электронды жабдықтар өндірісі дамуда. Ел экономикасында мемлекеттік сектордың үлесі - 30℅. Ел пайдалы қазбаларға бай, бірақ 100 – ден аса қазбалардың тек 16 – сы ғана өндіріледі. Ауыл шаруашылығы жақсы дамыған. Шарап (дүние жүзінде 3 - орын), цитрустық жемістер, бидай, күріш, темекі, көкөніс т.б. өсіріледі. Зәйтүн майын шығарудан Испания дүние жүзінде 1 – орын алады. Мал шаруашылығы да жақсы дамыған. Теңізден балық аулаудан және теңіз азықтарын пайдаланудан дүние жүзінде алғашқы ондыққа кіреді. Елге туризм үлкен пайда әкеледі. Жыл сайын Испанияға 62 млн. Шет елден туристер келеді екен.